| e-texts navigator |
| Wylie |
188a1 འདུག་གམ། ཉལ་ལམ། ཅང་མི་སྨྲ་བར་གྱུར་ཀྱང་རུང་སྟེ། མཉམ་པར་བཞག་པའི་གནས་དང་། ཞི་བའི་གནས་ཀྱི་གནས་མི་འདོར་རོ། །རྣམ་པར་མི་འདོར་རོ། །དེ་ལག་མི་རྒོད་པ་དང་། མུ
188a2 ཅོར་མི་སྨྲ་བ་དང་། ཚིག་མི་མང་བ་དང་། མིག་མི་གཡེང་བ་དང་། དབང་པོ་མི་གཡེང་བ་དང་། མི་རྒོད་པ་དང་། ཏོམ་ཅོལ་མེད་པ་དང་། ལུས་འཁྲུལ་པ་མེད་པ་དང་། ངག་འཁྲུལ་པ་མེད་པ་དང་། སེམས་འཁྲུལ
188a3 པ་མེད་པ་དང་། དབེན་ཡང་རུང་། མི་དབེན་ཡང་རུང་། སྤྱོད་ལམ་མི་ཉམ་པ་ཡིན་ནོ། །བཟའ་བ་དང་། བཏུང་བ་དང་། མལ་ཆ་དང་། སྟན་དང་། གནས་དང་། ན་བའི་གསོས་སྨན་དང་། ཡོ་བྱད་ཇི་ལྟ་བུ་ཡང
188a4 རུང་བ་དག་གིས་ཆོག་ཤེས་ཤིང་གསོ་སླ་བ་དང་། དགང་སླ་བ་དང་། རིམ་གྲོ་བྱ་སླ་བ་དང་། ཆོ་ག་དང་སྤྱོད་ཡུལ་དགེ་བ་དང་། འདུ་འཛི་ལས་དབེན་པའི་སྤྱོད་ཡུལ་ཡིན། ཐོབ་པ་དང་མ་ཐོབ་པ་ལ་མཉམ་ཞིང
188a5 འགྱུར་བ་མེད་དེ་མ་ཁེངས་མ་དུད་པ་ཡིན། བདེ་བ་དང་། སྡུག་བསྔལ་བ་དང་། བསྟོད་པ་དང་། སྨད་པ་དང་། གྲགས་པ་དང་། མ་གྲགས་པ་དང་། འཚོ་བ་དང་། འཆི་བ་ལ་མཉམ་ཞིང་འགྱུར་བ་མེད་དེ་མ
188a6 ཁེངས་མ་དུད་པ་ཡིན། མཛའ་བ་དང་། དགྲ་དང་། དགེ་བ་དང་། མི་དགེ་བ་དང་། ཡིད་དུ་འོང་བ་དང་འཐུན་པ་དང་། ཡིད་དུ་མི་འོང་བ་དང་མི་མཐུན་པ་དང་། འཕགས་པ་དང་། འཕགས་པ་མ་ཡིན་པའི་ཆོས་རྣམས
188a7 དང་། དབེན་པ་དང་། ལང་ལོང་རྣམས་ལ་ཡང་མཉམ་ཞིང་འགྱུར་བ་མེད་དེ་མ་ཁེངས་མ་དུད་པ་ཡིན། གཟུགས་སྡུག་པ་དང་། མི་སྡུག་པ་རྣམས་ལ་ཡང་འཐུན་པ་དང་མི་མཐུན་པ་མེད་པ་ཡིན། སྒྲ་དང་།
188a8 དྲི་དང་། རོ་དང་། རེག་བྱ་དང་། ཆོས་སྡུག་པ་དང་། མི་སྡུག་པ་རྣམས་ལ་ཡང་འཐུན་པ་དང་། མི་མཐུན་པ་མེད་པ་ཡིན་ནོ། །དེའི་འདོད་པ་རྣམས་ནི་རང་གི་སེམས་ཀྱིས་ཀུན་དུ་བསླང་ནས་ལོག་པར་རྣམ་པར
iiif viewer powered by OpenSeadragon
