| e-texts navigator |
| Wylie |
186b1 འགོད་དོ། །རང་སངས་རྒྱས་ཀྱི་ཐེག་པ་ལ་འོས་པ་རྣམས་ནི་རང་སངས་རྒྱས་ཀྱི་ཐེག་པ་ལའོ། །རྫོགས་པའི་བྱང་ཆུབ་ཀྱི་ཐེག་པ་ལ་འོས་པ་རྣམས་ནི་རྫོགས་པའི་བྱང་ཆུབ་ཀྱི་ཐེག་པ་ལ་འཛུད་དོ། །འདུལ་ལོ། །འགོད་དོ། །
186b2 མཁས་པ་ལེ་ལོ་མེད་པ་ནི་མདུང་ཐུང་དག་གིས་བཟློག་ཀྱང་མགོ་དང་གོས་ལ་མེ་འབར་བ་བཞིན་དུ་དམ་པའི་ཆོས་ཀྱི་རྒྱུ་དང་། དམ་པའི་ཆོས་ཀྱི་ཆེད་དང་། ཕ་རོལ་དུ་ཕྱིན་པ་དྲུག་གི་རྒྱུ་དང་། ཕ་རོལ་དུ་ཕྱིན་པ་དྲུག་གི་ཆེད་དང་། དགེ
186b3 བའི་རྒྱུ་དང་། དགེ་བའི་ཆེད་ལ་གྲང་བ་ཡང་ཁྱད་དུ་གསོད་ལ། ཚ་བ་དང་། བཀྲེས་པ་དང་། སྐོམ་པ་དང་། ཤ་སྦྲང་དང་། སྦྲང་བུ་དང་། རླུང་དང་། ཉི་མ་དང་། སྡིག་སྦྲུལ་གྱིས་རེག་པ་དང་། གཞན་གྱི་ངན་དུ་སྨྲས་པ་དང་། ངན
186b4 དུ་བརྗོད་པའི་ཚིག་གི་ལམ་དང་། ངལ་བ་དང་། ཉོན་མོངས་པ་དང་། གཉིད་དང་། མི་དགའ་བ་དང་། ལུས་དང་སྲོག་ཀྱང་ཁྱད་དུ་གསོད་དོ། །མཁས་པ་ལེ་ལོ་མེད་པ་ནི་མདུང་ཐུང་དག་གིས་བཟློག་ཀྱང་དེ་རྫོགས
186b5 པའི་བྱང་ཆུབ་ཀྱི་རྒྱུ་དང་། རྫོགས་པའི་བྱང་ཆུབ་ཀྱི་ཆེད་ལ་ལྷའི་སྡུག་བསྔལ་ཡང་ཁྱད་དུ་གསོད་དོ། །ལྷ་མ་ཡིན་གྱི་སྡུག་བསྔལ་ཡང་ཁྱད་དུ་གསོད་དོ། །མི་ཡི་སྡུག
186b6 བསྔལ་ཡང་ཁྱད་དུ་གསོད་དོ། །ཡི་དགས་ཀྱི་སྡུག་བསྔལ་ཡང་ཁྱད་དུ་གསོད་དོ། །དུད་འགྲོའི་སྐྱེ་གནས་ཀྱི་སྡུག་བསྔལ་དང་། སེམས་ཅན་དམྱལ་བའི་སྡུག་བསྔལ་ཡང་ཁྱད་དུ་གསོད་དོ། །མཁས་པ་ལེ་ལོ་མེད་པ་ནི
186b7 མདུང་ཐུང་དག་གིས་བཟློག་ཀྱང་དེ་མི་མཉམ་པ་དང་མཉམ་པའི་སངས་རྒྱས་ཀྱི་ཆོས་ཡོངས་སུ་བཀང་པ་ཐོབ་པར་བྱ་བ་དང་། སྤྱོད་ལམ་དང་། ཕ་རོལ་དུ་ཕྱིན་པ་ཐམས་ཅད་ཡོངས་སུ་རྫོགས་པ་ཐོབ་པར་བྱ་བའི་ཕྱིར
186b8 བརྩོན་འགྲུས་བརྟན་ཞིང་རྟུལ་བ་བརྟན་ཏོ། །དེའི་བརྩོན་འགྲུས་འདི་དང་། རྟུལ་པ་འདི་མངོན་སུམ་དུ་བྱ་བར་འདོད་པ་དང་། བརྩམ་པར་འདོད་པ་ན་ཡང་སེམས་ཅན་ཐམས་ཅད་བསྒྲལ་བ་དང་། སེམས་ཅན
iiif viewer powered by OpenSeadragon
