| e-texts navigator |
| Wylie |
186a1 ལེ་ལོ་མེད་པ་ནི་ངུ་ཤིང་བཞིན་དུ་བྱེད་ཅིང་ཡིད་ལ་བྱེད་པས་མདུང་ཐུང་དག་གིས་བཟློག་ཀྱང་དེ་མགོ་དང་གོས་ལ་མེ་འབར་བ་བཞིན་དུ་རྟག་པར་རྒྱུན་དུ་ཆོས་དེ་དག་འཛིན་ཏོ། །ཡོངས་སུ་ཤེས
186a2 པར་བྱེད་དོ། །འཆད་དོ། །ཀློག་གོ། །རྗེས་སུ་སེམས་སོ། །གཞན་དག་ལ་སྟོན་ཏོ། །གོ་བར་བྱེད་དོ། །མཁས་པ་ལེ་ལོ་མེད་པ་ནི་རུ་ཤིང་བཞིན་དུ་བྱེད་ཅིང་ཡིད་ལ་བྱེད་པས་མདུང་ཐུང་དག་གིས་བཟློག་ཀྱང་རུང་།
186a3 དེ་བཅོལ་ཀྱང་རུང་། མ་བཅོལ་ཡང་རུང་། སེམས་ཅན་ཐམས་ཅད་ཀྱི་དོན་དང་། ཅི་བྱ་བ་ཆོས་ཅན་ཆོས་དང་ལྡན་པ། འཇིག་རྟེན་འདི་ལ་བདེ་བ་འམ། འཇིག་རྟེན་ཕ་རོལ་དུ་བདེ་བ་དག་ལ་རང་གི་ལུས་ཉེ་བར
186a4 སྤྱོད་པ་དང་། ཡོ་བྱད་དུ་གྱུར་བར་བྱེད་དོ། །འདི་ལྟ་སྟེ། དཔེར་ན་འབྱུང་བ་ཆེན་པོ་བསྒྲིབས་པ་མེད་པ། ཡོངས་སུ་གཟུང་བ་མེད་པ་བཞི་པོ་འདི་དག་ནི་སེམས་ཅན་ཐམས་ཅད་ཀྱི་ཉེ་བར་སྤྱད་པ་དང་། ཡོ་བྱད་དུ
186a5 གྱུར་བ་རྣམས་ཡིན་ནོ། །ལག་བཟངས་དེ་བཞིན་དུ་བྱང་ཆུབ་སེམས་དཔའ་ཡང་རང་གི་ལུས་སེམས་ཅན་ཐམས་ཅད་ཀྱི་ཉེ་བར་སྤྱད་པ་དང་། ཡོ་བྱད་དུ་གྱུར་བར་བྱེད་དེ། སངས་རྒྱས་དང་། ཆོས་དང་། དགེ་འདུན་དང་།
186a6 བྱང་ཆུབ་སེམས་དཔའ་དང་། སློབ་དཔོན་དང་། བླ་མ་དང་། རྒན་པ་དང་། ནད་པ་དང་། མགོན་མེད་པ་རྣམས་ལ་ཡོངས་སུ་སྤྱད་པར་བྱ་བ་དང་། སྲི་ཞུ་བྱ་བ་དང་། བསྙེན་བཀུར་བྱ་བས་བྱེ་བྲག་དུ་འགྱུར་རོ། །དེ
186a7 མགོ་དང་གོས་ལ་མེ་འབར་བ་བཞིན་དུ་གཞན་གྱི་སེམས་དང་གཞན་གྱི་སྙིང་དགའ་བར་འགྱུར་བའི་ཚིག་དང་། རྗེས་སུ་འཐུན་པ་དང་། འཐུན་པར་བྱེད་པ་དང་། ཡང་དག་པར་བགེད་པ་དང་། གྲོགས་བྱེད་པ་དང་།
186a8 གྲོགས་སུ་འགྱུར་བ་དང་། དགེ་བ་འཐུན་པ་དང་། དོན་འཐུན་པས་རྗེས་སུ་ཞུགས་ནས་མངོན་དུ་དད་པར་བྱས་ཤིང་བསྡུས་ཏེ་ཉན་ཐོས་ཀྱི་ཐེག་པ་ལ་འོས་པ་རྣམས་ནི་ཉན་ཐོས་ཀྱི་ཐེག་པ་ལ་འཛུད་དོ། །འདུལ་ལོ། །
iiif viewer powered by OpenSeadragon
