| e-texts navigator |
| Wylie |
15a1 པར་ཉན་པར་གྱུར་བ་དག་ཀྱང་ངས་རབ་ཏུ་མཁྱེན་ཏེ། དེ་ལྟར་མཁྱེན་པར་གྱུར་ནས་ཀྱང་སེམས་ཅན་དེ་དག་ཡོངས་སུ་སྡུད་ཅིང་ཕན་འདོགས་པར་བྱེད་དོ། །དེ་ལྟ་བས་ན་གློག་ཐོབ་བྱང་ཆུབ་སེམས
15a2 དཔའ་ལས་དང་པོ་པ་ཡང་དག་པའི་གནས་སྐབས་སུ་མ་ཞུགས་པ་སེམས་ཅན་རྣམས་ཀྱི་ལྷག་པའི་བསམ་པ་ལེགས་པར་ཁོང་དུ་མ་ཆུད་པ་དག་གིས་ཁྱིམ་ན་གནས་པའམ། རབ་ཏུ་བྱུང་བ་ཡང་རུང་སྟེ། ཐམས་ཅད་ཀུན
15a3 ལ་སྨོད་ཅིང་གནོད་སེམས་བསྐྱེད་ནས་ཡུན་རིང་པོར་བདག་ཉིད་ལ་གནོད་པར་འགྱུར་བ་མི་བྱའོ། །དེའི་ཕྱིར་བྱང་ཆུབ་སེམས་དཔའ་སེམས་དང་པོ་བསྐྱེད་པ་ནས་ཐེག་པ་ཆེན་པོ་ལ་གནས་པ་ཐམས་ཅད་ལ་སངས་རྒྱས་ཀྱི
15a4 འདུ་ཤེས་བསྐྱེད་པར་བྱའོ། །སེམས་ཅན་གཞན་དག་སྡིག་པ་མི་དགེ་བའི་ལས་བྱེད་པ་མཐོང་ན་ཡང་གནོད་སེམས་བསྐྱེད་པར་མི་བྱའོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པས་རྟག་ཏུ་སེམས་ཅན་གང་རྣམ
15a5 པར་དཀར་ཞིང་ཡོངས་སུ་དག་པའི་ཆོས་ལས་ཅུང་ཟད་ཅིག་ཉན་པར་གྱུར་ན་ནམ་ཡང་ཡོངས་སུ་མྱ་ངན་ལས་མི་འདའ་བར་མི་འགྱུར་རོ་ཞེས་གསུངས་པས་སོ། །བྱང་ཆུབ་སེམས་དཔའ་ནི་གལ་ཏེ་འདོད་ཆགས་སྤྱོད་པའི
15a6 སེམས་ཅན་མཐོང་བར་གྱུར་ན་སེམས་ཅན་འདི་དག་འདོད་ཆགས་ཀྱི་གདུང་བས་བསྲེགས་པར་གྱུར་བ་ཡང་བདག་གིས་ཉེས་པ་ཡིན་ནོ་སྙམ་དུ་སེམས་སོ། །ཞེ་སྡང་དང་། གཏི་མུག་གིས་གདུང་བས་བསྲེགས་པར་གྱུར་བ་དེ་དག
15a7 མཐོང་ན་ཡང་འདི་དག་ཐམས་ཅད་ནི་བདག་གིས་ཉེས་པ་ཡིན་ནོ་སྙམ་དུ་སེམས་སོ། །དེ་ཅིའི་ཕྱིར་ཞེ་ན། བདག་གིས་སེམས་ཅན་ཐམས་ཅད་ན་བའི་སྡུག་བསྔལ་དང་ལྡན་པར་གྱུར་བ་དག་མཐོང་བར་གྱུར་ན་སྨན་ཡོངས་སུ
15a8 བཙལ་ཏེ་ཐབས་མཁས་པས་ཡོངས་སུ་གསོ་བའི་རིག་པ་ལས། བདག་སྔོན་སེམས་ཅན་གྱི་ནད་བསལ་བར་ཡིད་དམ་བཅས་ནས་དེང་ཡལ་བར་བོར་བ་འདི་ཉིད་བདག་གི་ཉེས་པ་ཡིན་ནོ་སྙམ་དུ་སེམས་པས་སོ། །
iiif viewer powered by OpenSeadragon
