| e-texts navigator |
| Wylie |
13b1 ཐོས་པས་ན། །ཕྱིར་མི་ལྡོག་ལ་གནས་པར་གྱུར། །རྒྱལ་པོས་སངས་རྒྱས་གསུངས་པ་བཞིན། །ལོ་ནི་ཉི་ཤུ་རྩ་བཞིའི་བར། །ཉིན་མཚན་རྟག་པར་སྡིག་བཤགས་ཀྱང་། །འོན་ཀྱང་སྡིག་པའི་ལས་མ་ཟད། །
13b2 ལོ་ནི་བྱེ་མང་སྡུག་བསྔལ་མྱོང་། །སྡིག་ཟད་དེ་བཞིན་གཤེགས་དང་ཕྲད། །སྔོན་ནི་སྐྲག་པར་བྱས་པའི་རྒྱུས། །རྣམ་སྨིན་ལྷག་མ་རྟག་པར་དམན། །མཐར་གྱིས་རྣལ་འབྱོར་རབ་བསྒོམས་ཏེ། །སངས་རྒྱས་བྱེ་བ
13b3 སྟོང་མཆོད་ནས། །སོ་སོར་ཞིང་ཁམས་གཞན་དག་ཏུ། །ཐམས་ཅད་མངོན་པར་རྫོགས་སངས་རྒྱས། །ཐམས་ཅད་ཀུན་ཀྱང་མཚན་འཐུན་པར། །ཡོན་ཏན་གྲགས་པ་ཞེས་བྱར་གྱུར། །དེ་ཚེ་རྒྱལ་པོ་རྒྱ་ཆེར་བྱིན། །
13b4 དགེ་སྦྱོང་བྱམས་བཟོད་དེ་ལ་ནི། །གདུག་པའི་སེམས་ནི་བསྐྱེད་པས་ན། །ལོ་ནི་བྱེ་བ་མང་པོར་ཡང་། །སྔོན་གྱི་སྡིག་ལས་མངོན་གྱུར་པས། །ངུ་འབོད་ཆེན་པོར་ལྷུང་བར་གྱུར། །རྣམ་སྨིན་དེ་ནི་ཟད་ནས་ཀྱང་། །སླར
13b5 ཡང་མི་ལུས་ཐོབ་གྱུར་ཏེ། །དེ་བཞིན་གཤེགས་པ་ཀུན་སྤྱན་ཕྲང་། །རྟག་ཏུ་བསྙེན་བཀུར་རིམ་གྲོ་བྱས། །གཞན་ཡང་སངས་རྒྱས་བྱེ་བ་ཕྲག་།བརྒྱད་བཅུ་དག་ལ་རིམ་གྲོ་བྱས། །དེ་ཡི་འོག་ཏུ་སངས་རྒྱས་པ། །
13b6 དེ་ནི་ང་བདག་ཉིད་ཡིན་ནོ། །ཆོས་སྨྲ་ཉེས་པ་མེད་པ་ལ། གནོད་པ་བྱས་པའི་དགེ་སློང་ནི། །མ་འོངས་མངོན་པར་འཚང་རྒྱ་བ། །བྱང་ཆུབ་སེམས་དཔའ་བྱམས་པ་ཡིན། །དེ་ཚེ་རྒྱལ་པོ་ཕོ་བྲང་ནང་། །བཙུན
13b7 མོའི་འཁོར་ནི་བརྒྱད་ཁྲི་རྣམས། །ཤིན་དུ་དང་བས་དགེ་རྩ་བསྐྱེད། །སངས་རྒྱས་ཚད་མེད་རིམ་གྲོ་བྱས། །དེ་ལྟར་སྤྱོད་པ་རབ་བསྐྱེད་ནས། །སེམས་ཅན་ཕན་གདགས་སྨོན་ལམ་བཏབ། །སངས་རྒྱས་བྱེ་བ
13b8 སྟོང་མཆོད་ནས། །སོ་སོར་མངོན་པར་འཚང་རྒྱ་ཡང་། །ངས་དེང་ཁྱེད་ལ་བསྒོ་བ་ནི། ཐམས་ཅད་གནོད་སེམས་མ་སྐྱེད་ཅིག་།གང་ཞིག་བྱམས་བསྒོམས་སངས་རྒྱས་བསྔགས། །མྱུར་དུ་བྱང་ཆུབ་ཆེན་པོ་འཐོབ། །དེ་ལྟ་བས་ན་གློག
iiif viewer powered by OpenSeadragon
