| e-texts navigator |
| Wylie |
12b1 བྱ་བ་ཞིག་ཀྱང་བདག་ཉིད་དགེ་སློང་གི་གཟུགས་སུ་བསྒྱུར་ནས་རྒྱལ་པོ་དེ་ག་ལ་བ་དེར་སོང་སྟེ་སྔ་མ་བཞིན་དུ་སྨྲས་སོ། །དེའི་ཚེ་རྒྱལ་པོ་རྒྱ་ཆེར་བྱིན་པས་ཡང་དང་ཡང་དུ་དེ་སྐད་སྨྲས་པ་ཐོས་ཀྱང་འདི་སྙམ་དུ་དགེ་སློང་དྲི་མ་མེད
12b2 པ་ནི་རབ་ཏུ་བརྩོན་ཞིང་བློ་དང་ལྡན་པས་བདག་གིས་བླ་མར་བཀུར་བ་ཡིན་ཏེ། དངོས་པོ་འདི་ལྟ་བུ་བྱེད་པ་ནི་གནས་མེད་དོ་སྙམ་མོ། །དེ་ནས་དེའི་ཚེ་བདུད་ཀྱི་འཁོར་རྣམས་པར་སྣང་ལས་ལུས་ཕྱེད་བསྟན་ནས་རྒྱལ་པོ་དེ་ལ
12b3 ཚིགས་སུ་བཅད་དེ་སྨྲས་པ། རྒྱལ་པོ་བཟོ་ཡི་སྒྱུ་རྩལ་སློབས། །དུས་ཚོད་དག་ལ་མཁས་པར་གྱིས། །རྒྱལ་པོས་དེ་ནི་མ་ཤེས་ན། །མི་རྒྱལ་རྟགས་དང་ལྡན་མ་ཡིན། །སངས་རྒྱས་ཉན་ཐོས་དགྲ་བཅོམ་པ། །ཡེ་ཤེས
12b4 ཆེན་པོ་ལྡན་པ་ཡི། །ཚིག་དག་ལ་ནི་མི་རྟེན་པར། །ཅི་ཡི་ཕྱིར་ན་ཆད་པར་ལྟ། །དགེ་སློང་རྣམས་ནི་ཕན་གདགས་ཕྱིར། །ཁྱོད་ལ་བདེན་ཚིག་སྨྲ་བ་ཡིན། །ཆད་སྨྲ་ངན་འགྲོར་འགྲོ་བའི་མི། །ཡང་དག་ཚངས་སྤྱོད་མ་ཡིན
12b5 པས། །དེ་ནི་རྒྱལ་པོའི་ཕོ་བྲང་དུ། །བཙུན་མོ་དག་དང་ལྷན་ཅིག་རྩེ། །རྒྱལ་པོ་འཁོར་དང་བཅས་པ་ཡིས། །ལེགས་པར་རྟོགས་ལ་ཐེ་ཚོམ་སོལ། །རྒྱལ་པོས་དངོས་པོ་འདི་ཐོས་པས། །སེམས་ལ་སྐྲག་ཅིང་མྱ་ངན
12b6 སྐྱེས། །འཁོར་རྣམས་དང་ནི་ལྷན་ཅིག་ཏུ། །མྱུར་ཞིང་རིངས་པར་ཕོ་བྲང་དོང་། །དེ་ཚེ་དྲི་མེད་ཕོ་བྲང་ནང་། །ཆོས་རྣམས་རང་བཞིན་སྟོང་པ་དང་། །བདག་དང་སེམས་ཅན་མེད་པ་ཡི། །དམ་པའི་དོན་ནི་སྟོན་པར་བྱེད། །
12b7 རྒྱལ་པོ་དམག་འཁོར་བཅས་པ་རྣམས། །ཐམས་ཅད་བདུད་ཀྱིས་བསླུས་པས་ན། །ཕོ་བྲང་ནང་གི་བཙུན་མོ་རྣམས། །དགེ་སློང་ཡོངས་བསྐོར་མཐོང་བ་དང་། །ཞེ་སྡང་གླང་ཆེན་མྱོས་འདྲ་བས། །གཤེད་མ་དག་ལ
12b8 རབ་བསྒོ་བ། །དགེ་སློང་ང་ཡི་བཙུན་མོ་བསླུས། །སྡུག་བསྔལ་ཆོས་ཀྱིས་ཆད་པས་ཆོད། །བློན་པོ་འཁོར་དང་བཅས་པ་རྣམས། །ཐམས་ཅད་བདུད་ཀྱིས་ཟིན་པས་ན། །དགེ་སློང་ཉེས་པ་མེད་པ་ལ། །སེམས་ཀྱིས
iiif viewer powered by OpenSeadragon
