| e-texts navigator |
| Wylie |
82b1 དག་ཆོས་གང་དག་གཞན་ཟབ་པ་ཟབ་པར་སྣང་བ་ཡོངས་སུ་དག་པ། ཡོངས་སུ་བྱང་བ་དེ་དག་ངས་རང་གི་མངོན་པར་ཤེས་པས། མངོན་པར་རྫོགས་པར་སངས་རྒྱས་ནས་བཤད་ལ། ཕ་རོལ་པོས་ཀྱང་དེ་བཞིན་གཤེགས་པ
82b2 ལ་གང་ཡང་དག་པ་ཇི་ལྟ་བ་བཞིན་སྙན་པར་སྨྲ་ཞིང་རྗོད་པར་བྱེད་པ་གང་ཞེ་ན། དགེ་སློང་དག་དགེ་སྦྱོང་དང་བྲམ་ཟེ་ཁ་ཅིག་སྔོན་གྱི་མཐའ་ལ་རྟོག་ཅིང་རྒྱུ་མེད་པར་འབྱུང་བ་སྟེ། བདག་དང་འཇིག་རྟེན་ནི་རྒྱུ་མེད་པ་ལས་འབྱུང་ངོ་ཞེས
82b3 མངོན་པར་སྨྲ་ཞིང་མངོན་པར་བརྗོད་པ་ཡོད་པ་ནི་འདི་ལྟ་སྟེ། གཞི་གཉིས་པ་ལའོ། །དགེ་སྦྱོང་དག་དང་བྲམ་ཟེ་ཤེས་ལྡན་དེ་དག་ཅི་ལ་རྟེན་ཅིང་ཅི་ལ་གནས་ནས་ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང་རྒྱུ་མེད་པར
82b4 འབྱུང་བ་སྟེ། བདག་དང་འཇིག་རྟེན་ནི་རྒྱུ་མེད་པ་ལས་འབྱུང་བའོ་ཞེས་མངོན་པར་སྨྲ་ཞིང་མངོན་པར་བརྗོད་པ་ནི་འདི་ལྟ་སྟེ། གཞི་གཉིས་པོ་དག་ལའོ། །དགེ་སློང་དག་གཟུགས་ཀྱི་ཁམས་ན། འདུ་ཤེས་མེད་པའི་སེམས་ཅན་གྱི་ལྷ
82b5 རྣམས་ཀྱི་འདུ་ཤེས་འབྱུང་བའི་ཕྱིར། སེམས་ཅན་དེ་དག་གནས་དེ་ནས་ཤི་འཕོ་བར་འགྱུར་ལ། ཇི་སྟེ་སེམས་ཅན་འགའ་ཞིག་གནས་དེ་ནས་ཤི་འཕོས་ནས། འདིར་མི་རྣམས་དང་སྐལ་བ་མཉམ་པར་འགྱུར
82b6 ཞེས་བྱ་བ་ནས། སྔོན་འདུ་ཤེས་འབྱུང་བ་དེ་ཡང་དག་པར་རྗེས་སུ་དྲན་ནོ་ཞེས་བྱ་བའི་བར་དུ་སྔ་མ་བཞིན་ནོ། །འདི་སྙམ་དུ་སེམས་ཏེ། བདག་དང་འཇིག་རྟེན་རྒྱུ་མེད་པ་ལས་འབྱུང་བ་དེའི་ཕྱིར། དེས་ན་བདག་ནི
82b7 འདི་སྙམ་དུ་བདག་དང་འཇིག་རྟེན་རྒྱུ་མེད་པ་ལས་བྱུང་བས། བདག་སྔོན་ཆད་མ་བྱུང་ལ་ད་ལྟར་བྱུང་ངོ་སྙམ་པ་ནི་གཞི་དང་པོ་སྟེ། ཅི་ལ་རྟེན་ཅིང་ཞེས་བྱ་བ་དག་ནི་སྔ་མ་བཞིན་ནོ། གཉིས་པ་ནི་དགེ་སྦྱོང་དང་བྲམ་ཟེ
82b8 ཤེས་ལྡན་ཅི་ལ་རྟེན་ཅིང་ཅི་ལ་གནས་ནས་ཞེས་བྱ་བ་དག་ནི་སྔ་མ་བཞིན་ནོ། །འདི་ནི་ཁ་ཅིག་དཔྱོད་པ་ཅན་རྟོག་གེར་ཞུགས་པའི་ས་ལ་གནས་པ། རང་གི་སྤོབས་པ་ལས་བྱུང་བ། སོ་སོའི་སྐྱེ་བོ་པ། རྟོག་གེའི་རྗེས
iiif viewer powered by OpenSeadragon
