| e-texts navigator |
| Wylie |
81a1 ཅིང་ནར་སོན་པའི་རྒྱུས་ནི། སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་ཡང་དག་པ་ཉིད་ཀྱི་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། དེ་དགོན་པ་ན་གནས་ཀྱང་རུང་། ཤིང་དྲུང་ན་གནས་ཀྱང་རུང་།
81a2 ཁང་སྟོང་ན་གནས་ཀྱང་རུང་སྟེ། བརྩོན་པའི་རྒྱུ་ལས་བྱུང་བ་དང་སྤོང་བའི་རྒྱུ་ལས་བྱུང་བ་དང་སྒོམ་པའི་རྒྱུ་ལས་བྱུང་བ་དང་ལན་མང་དུ་བྱས་པའི་རྒྱུ་ལས་བྱུང་བ་དང་ཡང་དག་པ་ཡིད་ལ་བྱེད་པའི་རྒྱུ་ལས་བྱུང་བ་དག་གིས་སེམས་ཞི
81a3 བའི་ཏིང་ངེ་འཛིན་ལ་རེག་པར་བྱེད་དོ། །དེ་ལྟར་མཉམ་པར་བཞག་པ་དང་དེ་འདིས་སྙམ་དུ་སེམས་ཏེ། ཚངས་པ་དེ་ནི་ལྟ་བར་གྱུར་པ་ཉམས་སུ་མྱོང་བའི་ཕྱིར་འདི་སྐད་ཅེས་བྱ་སྟེ། ས་དང་ཆུ་དང་མེ་དང་རླུང་དེ་ནི་མི་རྟག་པའོ། །
81a4 མི་བརྟན་པའོ། །ཡིད་བརྟན་དུ་མི་རུང་བའོ། །རྣམ་པར་འགྱུར་བའི་ཆོས་ཅན་ཡིན་ནོ་སྙམ་ལ། ཡང་འདི་སྐད་ཅེས་བྱ་སྟེ། སེམས་ཞེས་བྱ་བ་འམ་ཡིད་ཅེས་བྱ་བ་འམ་རྣམ་པར་ཤེས་པ་ཞེས་བྱ་བ་དེ་ནི་རྟག་པའོ། །བརྟན་པའོ། །
81a5 ཐེར་ཟུག་པའོ། །རྣམ་པར་འགྱུར་བའི་ཆོས་ཅན་མ་ཡིན་པའོ་སྙམ་མོ། །དེ་ལྟར་ཁ་ཅིག་ནི་རྟག་ལ་ཁ་ཅིག་ནི་མི་རྟག་པ་སྟེ། ཅི་ལ་རྟེན་ཅིང་ཅི་ལ་གནས་ནས་ཅི་ལ་གནས་བཅས་ཏེ་སྔོན་གྱི་མཐའ་ལ་རྟོག་ཅིང་ཁ་ཅིག་ནི་རྟག
81a6 པ་པ་སྟེ། བདག་དང་འཇིག་རྟེན་ཁ་ཅིག་ནི་རྟག་གོ་ཞེས་མངོན་པར་སྨྲ་ཞིང་མངོན་པར་བརྗོད་པ་འདི་ནི་གཞི་གཉིས་པའོ། །གསུམ་པ་ནི་དགེ་སྦྱོང་དང་བྲམ་ཟེ་ཤེས་ལྡན་ཁ་ཅིག་ཅི་ལ་རྟེན་ཅིང་ཅི་ལ་གནས་ནས་ཅི་ལ་གནས
81a7 བཅས་ཏེ་སྔོན་གྱི་མཐའ་ལ་རྟོག་ཅིང་ཁ་ཅིག་ནི་རྟག་པ་པ་སྟེ། བདག་དང་འཇིག་རྟེན་ཁ་ཅིག་རྟག་གོ་ཞེས་མངོན་པར་སྨྲ་ཞིང་མངོན་པར་བརྗོད་པ་ནི་དགེ་སློང་དག་འདོད་པའི་ཁམས་ན་ལྷ་རྩེད་མོས་མྱོས་ཞེས་བྱ་བ་དག་ཡོད
81a8 དེ། དེ་དག་གང་གི་ཚེ་ཤིན་དུ་རྩེ་དགའ་རངས་པ་དང་ལྡན་ཞིང་འཁོད་དེ་རྩེ་དགའ་རངས་པ་དང་ལྡན་པའི་སེམས་ཅན་དེ་དག་གི་ནང་ནས། ལུས་དུབ་ཅིང་དྲན་པ་རྨོངས་ལ། དྲན་པའི་སེམས་ཅན་གནས་དེ་ནས་ཤི་འཕོས་ནས་འགྱུར་རོ། །
iiif viewer powered by OpenSeadragon
