| e-texts navigator |
| Wylie |
79b1 ཞེས་སྨྲ་ཞིང་། མངོན་པར་རྗོད་པ་ནི་འདི་ལྟ་སྟེ་བཞི་པོ་འདི་དག་ལའོ། །དགེ་སྦྱོང་དང་བྲམ་ཟེ་ཤེས་ལྡན་དེ་དག་ཅི་ལ་རྟེན་ཅིང་ཅི་ལ་གནས་ནས་ཅི་ལ་གནས་བཅས་ཏེ་སྔོན་གྱི་མཐའ་ལ་རྟོག་ཅིང་ཁ་ཅིག་ནི་རྟག་པ
79b2 པ་སྟེ། བདག་དང་འཇིག་རྟེན་རྟག་གོ་ཞེས་མངོན་པར་སྨྲ་ཞིང་མངོན་པར་བརྗོད་པ་ནི་འདི་ལྟ་སྟེ། གཞི་བཞི་པོ་དག་ལའོ། །དགེ་སློང་དག་གང་འཇིག་རྟེན་འདི་འཇིག་པའི་དུས་ལ་བབ་སྟེ། འཇིག་རྟེན་འཇིག
79b3 པ་ན་སེམས་ཅན་ཕལ་ཆེར་འོད་གསལ་གྱི་ལྷའི་རིས་སུ་སྐྱེ་བར་འགྱུར་ཏེ། དེ་དག་དེར་ཡིད་ལས་འབྱུང་ཞིང་གཟུགས་ཅན་ཡིན་ལ་དབང་པོ་དམན་པ་མ་ཡིན་ཞིང་མ་ཚང་བ་མེད་པ། ཡན་ལག་དང་ཉིང་ལག་ཐམས་ཅད་དང
79b4 ལྡན་ཞིང་ཁ་དོག་མཛེས་པ་དང་ལྡན་པ་རྣམས་རང་གི་མཐུས་ནམ་མཁའ་ལ་འགྲོ་ཞིང་། དགའ་བའི་ཟས་དང་ལྡན་ལ་དགའ་བའི་ཟས་ཟ་བ་དག་ཚེ་རིང་བས་ཡུན་རིང་པོར་འཁོད་དོ། །དགེ་སློང་དག་གང་འཇིག་རྟེན་འདི
79b5 ཆགས་པའི་དུས་ལ་བབ་སྟེ། འཇིག་རྟེན་ཆགས་པ་ན་ནམ་མཁའ་སྟོང་པ་ལ་ཚངས་པའི་གཞལ་མེད་ཁང་དག་མངོན་པར་འགྲུབ་ལ། ཡང་འོད་གསལ་གྱི་ལྷའི་རིས་ཀྱི་སེམས་ཅན་འགའ་ཚེ་ཟད་ཅིང་ལས
79b6 ཟད་ལ། བསོད་ནམས་ཟད་པ་ཞིག་ཤི་འཕོས་ནས་ཚངས་པའི་གཞལ་མེད་ཁང་སྟོང་པར་སྐྱེ་སྟེ་དེ་དེ་ན་གཅིག་པུ་ཟླ་མེད་ཅིང་གྲོགས་མེད་པར་ཚེ་རིང་བས་ཡུན་རིང་བར་གནས་སོ། །དེ་ནས་སེམས་ཅན་དེ
79b7 ཡུན་རིང་པོ་ལས་འདས་པ་དང་སྲེད་པ་སྐྱེས་ཤིང་མི་དགའ་བར་གྱུར་ཏེ། ཀྱེ་མ་བདག་དང་སྐལ་བ་མཉམ་པའི་སེམས་ཅན་གཞན་ཞིག་འདིར་སྐྱེས་ཀྱང་ཅི་མ་རུང་ཞེས་སེམས་ཅན་དེའི་སེམས་ཀྱིས་སྨོན་པ་དང་།
79b8 འོད་གསལ་གྱི་ལྷའི་རིས་ཀྱི་སེམས་ཅན་གཞན་ཚེ་ཟད་ཅིང་ལས་ཟད་ལ་བསོད་ནམས་ཟད་པ་ཞིག་ཤི་འཕོས་ནས་ཚངས་པའི་གཞལ་མེད་ཁང་དུ་སེམས་ཅན་དེ་དང་སྐལ་བ་མཉམ་པར་སྐྱེས་སོ། །དེ་ནས
iiif viewer powered by OpenSeadragon
