| e-texts navigator |
| Wylie |
79a1 གོ་ཞེས་མངོན་པར་སྨྲ་ཞིང་མངོན་པར་རྗོད་པ་དེ་ཐམས་ཅད་ནི་གཞི་བཞི་པོ་འདི་དག་ལྟ་སྟེ། དེ་ལས་མི་ལྷག་མི་མང་ལ་དེ་ལྟར་ན་ལྟ་བར་སོང་བ་འདི་དག་འདི་ལྟར་འཛིན་པ་དང་། འདི་ལྟར་མཆོག
79a2 ཏུ་འཛིན་པ་དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་དེ་ལས་ལྷག་པར་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཏོ། །འདི་ལྟར་རབ་ཏུ་མཁྱེན་པ་ན་མཆོག་ཏུ་མི་འཛིན་ཏོ། །མཆོག
79a3 ཏུ་མི་འཛིན་པས་བདག་ཉིད་མྱ་ངན་ལས་འདས་པར་ཡང་རིག་ཅིང་དེ་ལྟར་ལྟ་བར་སོང་བ་འདི་དག་གི་འགྲོ་བ་ནི་འདི་ལྟ་བུའོ། །སྐྱེ་བ་ནི་འདི་ལྟ་བུའོ། །ཚེ་ཕྱི་མ་ནི་འདི་ལྟ་བུ་ཡིན་ནོ་ཞེས་དེ་དག་དེ་བཞིན་གཤེགས
79a4 པས་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན། དེ་ལས་ལྷག་པར་ཡང་དག་པ་ཇི་ལྟ་བ་བཞིན་དུ་མཁྱེན། དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་དུ་མཁྱེན། དེ་ལས་ལྷག་པར་ཡང་དག
79a5 པ་ཇི་ལྟ་བ་བཞིན་དུ་རབ་ཏུ་མཁྱེན་ནས་ཀྱང་མཆོག་ཏུ་མི་འཛིན་ཏོ། །མཆོག་ཏུ་མི་འཛིན་པས་བདག་ཉིད་མྱ་ངན་ལས་འདས་པར་རིག་ནས་ཀུན་འབྱུང་ཚོར་བ་རྣམས་ནུབ་པར་ཐུགས་སུ་ཆུད་དེ། འདི་ནི་སྡུག
79a6 བསྔལ་ལོ། །འདི་ནི་སྡུག་བསྔལ་ངེས་པར་འབྱིན་པའོ་ཞེས་བྱ་བར་རབ་ཏུ་མཁྱེན་ཏོ། །དགེ་སློང་དག་ཆོས་གང་དག་གཞན་ཟབ་པ་ཟབ་པར་སྣང་བ་ཡོངས་སུ་དག་པ། ཡོངས་སུ་བྱང་བ་དེ་དག་ངས་རང་གི་མངོན
79a7 པར་ཤེས་པས་མངོན་པར་རྫོགས་པར་སངས་རྒྱས་ནས་བཤད་ལ། ཕ་རོལ་པོས་ཀྱང་དེ་བཞིན་གཤེགས་པ་ལ་གང་ཡང་དག་པ་ཇི་ལྟ་བ་བཞིན་དུ་སྙན་པ་སྨྲ་ཞིང་རྗོད་པར་བྱེད་དོ། །དགེ་སློང་དག་ཆོས
79a8 གང་དག་གཞན་ཟབ་པ་ཟབ་པར་སྣང་བ་དག་ཅེས་བྱ་བ་སྔ་མ་བཞིན་ནོ། །དགེ་སློང་དག་དགེ་སྦྱོང་དང་བྲམ་ཟེ་ཁ་ཅིག་སྔོན་གྱི་མཐའ་ལ་རྟོག་ཅིང་ཁ་ཅིག་ནི་རྟག་པ་སྟེ། བདག་དང་འཇིག་རྟེན་ཁ་ཅིག་རྟག་གོ
iiif viewer powered by OpenSeadragon
