| e-texts navigator |
| Wylie |
78b1 ལ་རྟོག་ཅིང་། བདག་དང་འཇིག་རྟེན་རྟག་པའོ་ཞེས་མངོན་པར་སྨྲ་ཞིང་མངོན་པར་རྗོད་པ་སྟེ། དགེ་སློང་དག་འདི་ན་དགེ་སྦྱོང་དང་བྲམ་ཟེ་ཁ་ཅིག་ཅེས་བྱ་བ་ནས་སེམས་མཉམ་པར་བཞག་པ་ན། འཇིག
78b2 པ་དང་ཆགས་པའི་བསྐལ་པ་ཕྲག་བརྒྱད་བཅུ་ཡང་དག་པར་རྗེས་སུ་དྲན་ནོ་ཞེས་བྱ་བའི་བར་དུ་སྔ་མ་བཞིན་བ་དང་དེ་འདི་སྙམ་དུ་སེམས་ཏེ། བདག་དང་འཇིག་རྟེན་ནི་རྟག་པའོ་ཞེས་བྱ་བ་ནས། དེ་ལྟར་ན་སེམས་ཅན
78b3 ཤེས་ལྡན་འདི་དག་ནི་ཀུན་དུ་རྒྱུག་ཅིང་འཁོར་ལ་རྟག་པ་དེ་ལྟ་བུ་དང་མཚུངས་པ་མེད་པའོ། །རྟག་པར་སྨྲ་བ་རྣམས་ཅི་ལ་རྟེན་ཅིང་ཅི་ལ་གནས་ནས་ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང་བདག་དང
78b4 འཇིག་རྟེན་རྟག་པའོ་ཞེས་མངོན་པར་སྨྲ་ཞིང་མངོན་པར་རྗོད་པ་འདི་ནི་གཞི་གསུམ་པའོ། །བཞི་པ་ནི་དགེ་སྦྱོང་དང་བྲམ་ཟེ་ཤེས་ལྡན་རྟག་པར་སྨྲ་བ་རྣམས་ཅི་ལ་རྟེན་ཅིང་ཅི་ལ་གནས་ནས་ཅི་ལ་གནས་བཅས་ཏེ།
78b5 སྔོན་གྱི་མཐའ་ལ་རྟོག་ཅིང་བདག་དང་འཇིག་རྟེན་རྟག་པའོ་ཞེས་མངོན་པར་སྨྲ་ཞིང་མངོན་པར་རྗོད་པ་སྟེ། དགེ་སློང་དག་འདི་ནི་དགེ་སྦྱོང་དང་བྲམ་ཟེ་ཞེས་བྱ་བ་དག་སྔ་མ་བཞིན་ནོ། །སེམས་མཉམ་པར་བཞག
78b6 པ་ན། ལྷའི་མིག་རྣམ་པར་དག་པ་མིའི་ལས་འདས་པས་སེམས་ཅན་འཆི་བ་དང་སྐྱེ་བ་དང་ཁ་དོག་བཟང་པོ་དང་ཁ་དོག་ངན་པ་དང་དམན་པ་དང་གྱ་ནོམ་པ་དང་བདེ་འགྲོ་དང་ངན་འགྲོར་འགྲོ་བ་དག་ལྟ་སྟེ། དེ་ལྟར་ན
78b7 བདག་དང་འཇིག་རྟེན་རྟག་པའོ་ཞེས་བྱ་བ་ནས། རྟག་པར་སྨྲ་བ་རྣམས་ཅི་ལ་རྟེན་ཅིང་ཅི་ལ་གནས་ནས་ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང་བདག་དང་འཇིག་རྟེན་རྟག་པའོ་ཞེས་མངོན་པར་སྨྲ
78b8 ཞིང་མངོན་པར་རྗོད་པ་འདི་ནི་གཞི་བཞི་པའོ་ཞེས་བྱ་བའི་བར་དུ་སྔ་མ་བཞིན་ནོ། །དགེ་སློང་དག་དགེ་སྦྱོང་དང་བྲམ་ཟེ་ཁ་ཅིག་རྟག་པར་སྨྲ་བ་རྣམས་སྔོན་གྱི་མཐའ་ལ་རྟོག་ཅིང་། བདག་དང་འཇིག་རྟེན་རྟག
iiif viewer powered by OpenSeadragon
