| e-texts navigator |
| Wylie |
77b1 སློང་དག་དགེ་སྦྱོང་དང་བྲམ་ཟེ་ཁ་ཅིག་རྟག་པར་སྨྲ་བ་རྣམས་སྔོན་གྱི་མཐའ་ལ་རྟོག་ཅིང་། བདག་དང་འཇིག་རྟེན་ནི་རྟག་གོ་ཞེས་མངོན་པར་སྨྲ་ཞིང་མངོན་པར་རྗོད་པ་ཡོད་པ་ནི་འདི་ལྟ་སྟེ་གཞི་བཞི་པོ་དག་ལའོ། །
77b2 དགེ་སྦྱོང་དང་བྲམ་ཟེ་ཤེས་ལྡན་རྟག་པར་སྨྲ་བ་དེ་དག་ཅི་ལ་རྟེན་ཅིང་ཅི་ལ་གནས་ནས། ཅི་ལ་གནས་བཅས་ཏེ་སྔོན་གྱི་མཐའ་ལ་རྟོག་ཅིང་བདག་དང་འཇིག་རྟེན་ནི་རྟག་གོ་ཞེས་མངོན་པར་སྨྲ་ཞིང་མངོན་པར་བརྗོད་པ་ནི་འདི
77b3 ལྟ་སྟེ། གཞི་བཞི་པོ་དག་ལའོ། །དགེ་སློང་དག་འདི་ནི་དགེ་སྦྱོང་དང་བྲམ་ཟེ་ཁ་ཅིག་དགོན་པ་ན་གནས་ཀྱང་རུང་། ཤིང་དྲུང་ན་གནས་ཀྱང་རུང་། ཁང་སྟོང་ན་གནས་ཀྱང་རུང་སྟེ། བརྩོན་པའི
77b4 རྒྱུ་ལས་བྱུང་བ་དང་སྤོང་བའི་རྒྱུ་ལས་བྱུང་བ་དང་སྒོམ་པའི་རྒྱུ་ལས་བྱུང་བ་དང་ལན་མང་དུ་བྱེད་པའི་རྒྱུ་ལས་བྱུང་བ་དང་ཡང་དག་པ་ཡིད་ལ་བྱེད་པའི་རྒྱུ་ལས་བྱུང་བ་དག་གིས། སེམས་ཞི་བའི་ཏིང་ངེ་འཛིན་དེ་ལྟ་བུ་ལ་རེག་པར
77b5 བྱེད་དོ། །དེ་ལྟར་སེམས་མཉམ་པར་བཞག་པ་ན། འཇིག་པ་དང་ཆགས་པའི་བསྐལ་པ་ཕྲག་ཉི་ཤུ་ཡང་དག་པར་རྗེས་སུ་དྲན་ནོ། །དེ་འདི་སྙམ་དུ་སེམས་ཏེ། དེའི་ཕྱིར་བདག་དང་འཇིག་རྟེན་རྟག་པ
77b6 དེས་ན། བདག་འདི་སྙམ་དུ། བདག་དགོན་པ་ན་གནས་ཀྱང་རུང་ཤིང་དྲུང་ན་གནས་ཀྱང་རུང་ཁང་སྟོང་ན་གནས་ཀྱང་རུང་སྟེ། བརྩོན་པའི་རྒྱུ་ལས་བྱུང་བ་དང་སྤོང་བའི་རྒྱུ་ལས་བྱུང་བ་དང་སྒོམ་པའི་རྒྱུ་ལས་བྱུང་བ་དང
77b7 ལན་མང་དུ་བྱེད་པའི་རྒྱུ་ལས་བྱུང་བ་དང་ཡང་དག་པ་ཡིད་ལ་བྱེད་པའི་རྒྱུ་ལས་བྱུང་བ་དག་གིས། སེམས་ཞི་བའི་ཏིང་ངེ་འཛིན་དེ་ལྟ་བུ་ལ་རེག་པར་བྱའོ་སྙམ་མོ། །དེ་ལྟར་སེམས་མཉམ་པར་བཞག་པ་ན། འཇིག
77b8 པ་དང་ཆགས་པའི་བསྐལ་པ་ཕྲག་ཉི་ཤུ་ཡང་དག་པར་རྗེས་སུ་དྲན་ནོ། །དེ་ལྟར་བདག་དང་འཇིག་རྟེན་རྟག་པ་ནི་མི་འགྲོ་བ་འགྲོ་བ་མེད་པ་བསྒྱུར་དུ་མི་རུང་བ་ཐེར་ཟུག་ཏུ་གནས་པ་ལྕགས་ཀྱི་སྡོང་པོ་ལྟར་འདུག་པ་སྟེ། དེ་ལྟར
iiif viewer powered by OpenSeadragon
