| e-texts navigator |
| Wylie |
76b1 ཇི་སྐད་སྨྲས་པ་དེ་བཞིན་བྱེད་ཅིང་ཇི་ལྟར་བྱེད་པ་དེ་བཞིན་སྨྲ་བ་ཡིན་ནོ། །གཽ་ཏ་མ་དེ་ནི་འདི་ལྟར་སྲོག་གཅོད་པ་སྤངས་ནས་སྲོག་གཅོད་པ་ལས་སླར་ལོག་པ་སྟེ། སྲོག་ཆགས་སུ་གྱུར་པའི་སེམས་ཅན་ཐམས་ཅད
76b2 ལ་སྙིང་རྗེ་དང་ལྡན་ཞིང་ངོ་ཚ་ཤེས་པ་དང་། དབྱུག་པ་སྤངས་ཤིང་མཚོན་ཆ་སྤངས་པས་ཐ་ན་སྲོག་ཆགས་གྲོག་སྦུར་ཡན་ཆད་ལ་ཡང་སྲོག་གཅོད་པ་སྤངས་པ་ཡིན་ནོ། །གཽ་ཏ་མ་དེ་ནི་འདི་ལྟར་མ་བྱིན་པར་ལེན་པ་སྤངས་ནས
76b3 མ་བྱིན་པར་ལེན་པ་ལས་སླར་ལོག་པ་སྟེ། མ་བྱིན་པར་མི་ལེན་པ། བྱིན་པ་ལ་ནི་དགའ་བ་ཡིན་ཏེ། དེ་བཞིན་དུ་རྒྱ་ཆེར་རོ། །ཇི་ལྟར་འདི་ནི་དགེ་སྦྱོང་དང་། བྲམ་ཟེ་ཁ་ཅིག་དད་པས་བྱིན་པ་ཡོངས་སུ་སྤྱོད་ཅིང་།
76b4 རིག་པ་ཡོན་པོ་དག་གིས་ལོག་པར་འཚོ་བས་འཚོ་བར་བྱེད་དེ། འདི་ལྟ་སྟེ་ཉི་མ་དང་ཟླ་བ་གཉིས་ལམ་ནས་རྒྱུ་བའི་རྣམ་པར་སྨིན་པ་ནི་འདི་ལྟ་བུའོ། །ཉི་མ་དང་ཟླ་བ་གཉིས་ལམ་ལོག་པ་ནས་རྒྱུ་བའི་རྣམ་པར་སྨིན་པ་ནི
76b5 འདི་ལྟ་བུའོ། །གཟའ་ཉི་མ་དང་གཟའ་ཟླ་བའི་ལམ་དང་སྐར་མདའ་ལྟུང་བ་ལས་ཕྱོགས་འབར་བ་དང་། བར་སྣང་ལས་ལྷའི་རྔ་སྒྲ་གྲག་པའི་རྣམ་པར་སྨིན་པ་ནི་འདི་ལྟ་བུའོ། །གཟའ་ཉི་མ་དང་གཟའ་ཟླ་བའི་ལམ་ལོག
76b6 པ་དང་སྐར་མདའ་ལྟུང་བ་ལས་ཕྱོགས་འབར་བ་དང་། བར་སྣང་ལས་ལྷའི་རྔ་སྒྲ་གྲག་པ་དང་། ཡང་ཉི་མ་དང་ཟླ་བ་འདི་གཉིས་འདི་ལྟར་མཐུ་ཆེ་བ། འདི་ལྟར་རྫུ་འཕྲུལ་ཆེ་བའི་རྣམ་པར་སྨིན་པ་ནི་འདི་ལྟ་བུའོ། །
76b7 འཆར་བ་དང་འོང་བ་དང་ཀུན་ནས་ཉོན་མོངས་པ་དང་རྣམ་པར་བྱང་བ་རྣམ་པར་གཞག་པ་དག་ཏུ་མི་ཤེས་པ་ནི་འདི་ལྟ་སྟེ། ལམ་དང་ལམ་ལོག་པའི་ཕྱིར་རོ། །གཽ་ཏ་མ་དེ་ནི་རིག་པ་ཡོན་པོ་དག་གིས་ལོག་པར་འཚོ་བས
76b8 ལོག་པར་འཚོ་བར་བྱེད་པ་དེ་ལྟ་བུ་དག་སྤངས་པ་ཡིན་ནོ། །ཇི་ལྟར་ན་འདོད་པ་རྣམས་ལས་རབ་ཏུ་དབེན་པ་ཡིན་ཞེ་ན། གཽ་ཏ་མ་དེ་ནི་འདི་ལྟར་འཕགས་པའི་ཚུལ་ཁྲིམས་ཀྱི་ཕུང་པོ་འདི་དག་དང་ལྡན་ཞིང་། དབང
iiif viewer powered by OpenSeadragon
