| e-texts navigator |
| Wylie |
76a1 མེད་དོ། །དགེ་སློང་དག་དེའི་ཕྱིར་ང་ལ་མི་སྙན་པར་རྗོད་ལ། ཆོས་དང་དགེ་འདུན་ལ་ཡང་མི་སྙན་པར་རྗོད་པ་ན། ཡང་དག་པ་ལ་ནི་ཡང་དག་པ་ཉིད་ཏུ་ཁས་བླང་བར་བྱ་ལ། ཡང་དག་པ་མ་ཡིན་པ་ལ་ནི་ཡང
76a2 དག་པ་མ་ཡིན་པ་ཉིད་ཏུ་སྟེ། འདི་ལྟར་དེ་ནི་ཡང་དག་པ་མ་ཡིན་ཞིང་དེ་ཁོ་ན་མ་ཡིན་པས་ངེད་ཀྱི་ཆོས་འདི་ལ་ནི་ཡོད་པ་མ་ཡིན་ནོ་ཞེས་ལན་གདབ་པར་བྱའོ། །དགེ་སློང་དག་ང་ལ་སྙན་པ་རྗོད་ལ། ཆོས་དང་དགེ་འདུན་ལ
76a3 ཡང་སྙན་པ་རྗོད་པ་ན། དགའ་བར་ཡང་མི་བྱའོ། །ཡིད་བདེ་བར་ཡང་མི་བྱའོ། །སེམས་ཡེ་ཡེ་པོར་ཡང་མི་བྱའོ། །དགེ་སློང་དག་ང་ལ་སྙན་པ་རྗོད་ལ། ཆོས་དང་དགེ་འདུན་ལ་ཡང་སྙན་པ་རྗོད་པ་ན།
76a4 དགའ་བ་འམ་ཡིད་བདེ་བ་འམ་སེམས་ཡེ་ཡེ་པོར་གྱུར་ན། དེས་ན་ཁྱེད་ཀྱི་བར་དུ་གཅོད་པ་ཁོ་ནར་འགྱུར་བའི་ཕྱིར་རོ། །དགེ་སློང་དག་།དེ་ཅིའི་ཕྱིར་ཞེ་ན། དགེ་སློང་དེ་རེ་ཤིག་དགའ་བར་གྱུར་པ་དང་། ཡིད
76a5 བདེ་བར་གྱུར་པ་དང་། སེམས་ཡ་ཡ་པོར་གྱུར་པས། གཞན་རྗོད་པའི་དོན་གྱི་རྣམ་པ་ཐམས་ཅད་ཡོངས་སུ་རྫོགས་པར་ཤེས་པ་འམ། མཐོང་བར་འགྱུར་བ་འདི་ནི་གནས་མེད་དོ། །དགེ་སློང་དག་དེའི་ཕྱིར
76a6 ང་ལ་སྙན་པ་རྗོད་ལ། ཆོས་དང་དགེ་འདུན་ལ་ཡང་སྙན་པ་རྗོད་པ་ན། ཡང་དག་པ་ལ་ནི་ཡང་དག་པ་ཉིད་དུ་ཁས་བླང་བར་བྱ་ལ། ཡང་དག་པ་མ་ཡིན་པ་ལ་ནི་ཡང་དག་པ་མ་ཡིན་པ་ཉིད་ཏུ་སྟེ། འདི་ལྟར་དེ་ནི་ཡང་དག
76a7 པ་མ་ཡིན་ཞིང་དེ་ཁོ་ན་མ་ཡིན་པས། ངེད་ཀྱི་ཆོས་འདི་ལ་ནི་ཡོད་པ་མ་ཡིན་ནོ་ཞེས་ལན་གདབ་པར་བྱའོ། །དགེ་སློང་དག་གང་བྱིས་པ་སོ་སོའི་སྐྱེ་བོ་ཐོས་པ་དང་མི་ལྡན་པ་དག་།དེ་བཞིན་གཤེགས་པའི་སྙན་པ
76a8 ཅུང་ཟད་ཙམ་འདི་སྨྲ་ཞིང་རྗོད་པ་འདི་ལྟ་སྟེ། ཚུལ་ཁྲིམས་ཙམ་དང་འདོད་པ་དག་ལས་རབ་ཏུ་དབེན་པ་ཡིན་ནོ། །ཇི་ལྟར་ན་ཚུལ་ཁྲིམས་ཙམ་ཡིན་ཞེ་ན། གཽ་ཏ་མ་དེ་ནི་འཕེལ་བའི་ཚུལ་ཁྲིམས་ཅན་ཡིན་ལ།
iiif viewer powered by OpenSeadragon
