| e-texts navigator |
| Wylie |
75b1 པ་བདག་ཅག་དགེ་སློང་མང་པོ་རྣམས་རྒྱལ་པོའི་གནས་འདིར་འདུས་ཤིང་མཆིས་པ་ན། ཀུན་དུ་རྒྱུ་རབ་དགའ་རྣམ་གྲངས་དུ་མའི་སྒོ་ནས་སངས་རྒྱས་ལ་མི་སྙན་པ་བརྗོད་ལ། ཆོས་དང་དགེ་འདུན་ལ་ཡང་མི་སྙན་པ
75b2 བརྗོད་པ་དང་། ཀུན་དུ་རྒྱུ་རབ་དགའི་སློབ་མ་བྲམ་ཟེའི་བུ་ཚངས་སྦྱིན་ཞེས་བགྱི་བ་ནི། རྣམ་གྲངས་དུ་མའི་སྒོ་ནས། སངས་རྒྱས་ལ་སྙན་པ་བརྗོད་ལ། ཆོས་དང་དགེ་འདུན་ལ་ཡང་སྙན་པ་བརྗོད་པ་ཞིག་སྟེ།
75b3 དེ་ལྟར་ན་སློབ་དཔོན་དང་སློབ་མ་དེ་གཉིས་ཕན་ཚུན་ལྟ་བ་དང་མོས་པ་དང་བྱེ་བྲག་ཕྱེད་པ་དང་བཟོད་པ་དག་གིས་མི་འཐུན་པར་སྨྲ་ཞིང་དགེ་སློང་གི་དགེ་འདུན་དང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས
75b4 རྒྱས་ཀྱི་སླད་བཞིན་ཞབས་འབྲིང་དུ་མཆིས་པ་འདི་ནི་ངོ་མཚར་རབ་ཏུ་ཆེའོ་ཞེས་སྐབས་ཀྱི་གཏམ་དེ་ལྟ་བུ་དག་གླེང་གླངས་པ་ལགས་ལ། བཙུན་པ་བདག་ཅག་དགེ་སློང་མང་པོ་རྣམས་རྒྱལ་པོའི་གནས་སུ་འདུས་ཤིང་མཆིས
75b5 པའི་སྐབས་ཀྱི་གཏམ་དུས་ལ་བབ་པ་ནི་དེ་ལགས་ཏེ། གཏམ་དེས་ད་ལྟར་བདག་ཅག་འདུས་ཤིང་མཆིས་པ་ལགས་སོ། །དགེ་སློང་དག་ང་ལ་མི་སྙན་པ་བརྗོད་པ་དང་། ཆོས་དང་དགེ་འདུན་ལ་ཡང་མི་སྙན་པ་བརྗོད
75b6 པ་དེ་ལ། གནོད་སེམས་མི་བྱའོ། །མི་བཟོད་པ་མི་བྱའོ། །ངན་སེམས་མི་བྱའོ། །སེམས་མངོན་པར་མི་དགའ་བ་མི་བྱའོ། །དགེ་སློང་དག་ང་ལ་མི་སྙན་པར་བརྗོད་པ་དང་། ཆོས་དང་དགེ་འདུན་ལ
75b7 ཡང་མི་སྙན་པར་རྗོད་པ་དེ་ལ། ཚེ་དང་ལྡན་པ་དག་གིས་གནོད་སེམས་དང་མི་བཟོད་པ་དང་ངན་སེམས་དང་སེམས་མངོན་པར་མི་དགའ་བར་བྱས་ནས། དེས་ན་ཁྱོད་ཀྱི་བར་དུ་གཅོད་པ་ཁོ་ནར་འགྱུར་བའི་ཕྱིར་རོ། །
75b8 དེ་ཅིའི་ཕྱིར་ཞེ་ན། དགེ་སློང་དེ་རེ་ཤིག་ཁྲོས་འཁྲུགས་ལ་རྔམས་ཏེ་ཡིད་མི་དགའ་བར་གྱུར་པས། རྗོད་པའི་དོན་གྱི་རྣམ་པ་ཐམས་ཅད་ཡོངས་སུ་རྫོགས་པར་ཤེས་པ་འམ། མཐོང་བར་འགྱུར་བ་འདི་ནི་གནས
iiif viewer powered by OpenSeadragon
