| e-texts navigator |
| Wylie |
74a1 ཕྱིར་བདག་གི་ཡུལ་དུ་སོང་ནས། རྒྱལ་པོ་ལ་དེ་བཞིན་དུ་གསོལ་པ་ལས། བལ་གྱི་གླང་པོ་ཆེ་དེའི་རྐྱེན་གྱིས་འཐབ་པའི་དགྲ་ཟླ་དེ་གཅིག་ལ་གཅིག་བྱམས་ཤིང་སྡུག་པའི་སེམས་སུ་གྱུར་ཏེ།
74a2 རྒྱལ་པོ་དང་ཡུལ་མི་ཐམས་ཅད་བླ་ན་མེད་པའི་མཉམ་སྙོམས་པའི་སེམས་སྐྱེད་པར་གྱུར་ཏོ། །དེའི་ཚེ་རྒྱལ་པོ་ཡབ་ཀྱང་བལ་གྱི་གླང་པོ་ཆེ་ལ་བཅིབས་ཏེ་རྒྱལ་བུ་བསུས་སོ། །རྒྱལ་བུས་མགོ་དང་གདོང་གིས
74a3 ཕྱག་འཚལ་ནས་རྒྱལ་པོའི་ཕྱི་བཞིན་ཕྱིར་ཡུལ་དུ་སོང་སྟེ། ཡུལ་མི་ཐམས་ཅད་ཀྱང་རབ་ཏུ་དགའ་མགུ་རངས་ནས་མེ་ཏོག་དང་བདུག་སྤོས་དང་བ་དན་དང་རྒྱལ་མཚན་དང་བླ་རེ་ལ་སོགས་པས་མཆོད་པ་བྱ་བའི་ཕྱིར་བསམས
74a4 ཏེ། ས་གཞི་ཡང་སྤོས་ཆུ་ཆག་ཆག་བཏབ་ནས་བསྡད་དོ། །རྒྱལ་བུ་ཕོ་བྲང་གི་ནང་དུ་འོངས་ནས། ཡུམ་གྱི་དྲུང་དུ་ཕྱིན་པ་དང་མགོ་བོས་ཕྱག་འཚལ་ནས་སྤྲོ་བའི་ཚིག་གིས་སྙུན་གསོལ་ཏོ། །དེ་ནས་རྒྱལ་པོས
74a5 རིན་པོ་ཆེའི་བང་མཛོད་ཐམས་ཅད་ཀྱང་རྒྱལ་བུ་ལ་གཏད་དེ། ཡིད་བཞིན་དུ་སྦྱིན་པ་བྱེད་དུ་བཅུག་ནས། སྦྱིན་པ་སྔ་མ་བས་ཀྱང་ལྷག་པར་རྒྱུན་མ་ཆད་པར་སྦྱིན་པ་བྱེད་དུ་བཅུག་པས། མངོན་པར་སངས་རྒྱས་ཀྱི
74a6 བྱང་ཆུབ་ཐོབ་པར་གྱུར་ཏོ། །བཅོམ་ལྡན་འདས་ཀྱིས་ཀུན་དགའ་བོ་ལ་བཀའ་སྩལ་པ། ངས་སྔོན་གྱི་སྦྱིན་པ་བྱས་པ་མངོན་ཏུ་དྲན་པ་ནི་དེ་ལྟ་བུ་ཡིན་ནོ། །དེའི་ཚེ་དེའི་དུས་ན་རྒྱལ་བུ་དོན་གྲུབ་ཅེས་བྱ་བ་ནི་ད་ལྟར་ང
74a7 ཉིད་ཡིན་ནོ། །དེའི་ཚེ་ཡབ་རྒྱལ་པོར་གྱུར་པ་ནི་ད་ལྟར་ངའི་ཡབ་རྒྱལ་པོ་ཟས་གཙང་མ་ཡིན་ནོ། །དེའི་ཚེ་ཡུམ་དུ་གྱུར་པ་དེ་ནི་ད་ལྟར་ཡུམ་ལྷ་མཛེས་ཡིན་ནོ། །དེའི་ཚེ་བཙུན་མོར་གྱུར་པ་ནི་ད་ལྟར་གྲགས་འཛིན་ཉིད
74a8 ཡིན་ནོ། །དེའི་ཚེ་དགེ་སློང་ཨ་ཚུ་ཏ་ཞེས་བྱ་བ་ནི། ད་ལྟར་མཽད་གལ་གྱི་བུ་ཆེན་པོ་ཡིན་ནོ། །དེའི་ཚེ་བརྒྱ་བྱིན་ལྷའི་དབང་པོར་གྱུར་པ་དེ་ནི་ད་ལྟར་ཤཱ་རིའི་བུ་ཡིན་ནོ། །དེའི་ཚེ་རྔོན་པར་གྱུར་པ་དེ་ནི་ད་ལྟར་ཀུན
iiif viewer powered by OpenSeadragon
