| e-texts navigator |
| Wylie |
73b1 དགས་དང་གཅན་ཟན་ལ་སོགས་པ་རྒྱལ་བུ་འགྲོའོ་ཞེས་ཐོས་ནས། ཐམས་ཅད་ལུས་ས་ལ་བརྡབས་ནས་ས་ལ་འགྲེ་ཞིང་ངུ་བའི་སྐད་ཕྱུང་ངོ་། །ཆུ་མིག་རྣམས་ཀྱང་སྐམས་ཏེ་གཅན་ཟན་དང་རི་དགས་ཀྱི་ཕྲུ་གུ་ཡང
73b2 མི་ནུ། འདབ་ཆགས་བྱ་མང་པོ་ཡང་སྙིང་རྗེའི་སྐད་ཀྱིས་སྒྲ་ཕྱུང་ངོ་། །དེ་ནས་རྒྱལ་བུ་གོས་གྱོན་ནས་བཙུན་མོ་དང་འགྲོགས་ཏེ། ཕྱིར་ཡུལ་དུ་སོང་བ་ལས་དགྲ་ཟླའི་ཡུལ་གྱི་རྒྱལ་པོས། རྒྱལ་བུ་ཕྱིར་འོང་ངོ
73b3 ཞེས་ཐོས་ནས་བལ་གྱི་གླང་པོ་ཆེ་དཀར་པོ་ལ་གསེར་གྱི་སྒ་བསྟད་དེ། གསེར་གྱི་སྣོད་དུ་དངུལ་གྱི་ཉེའུས་བཀང་། དངུལ་གྱི་སྣོད་དུ་ནི་གསེར་གྱི་ཉེའུས་བཀང་བ་བཤམས་ནས། རྒྱལ་བུ་བསུ་བའི་ཕྱིར་ནམ་མཁའ་ལ
73b4 སྟོད་དེ། རྒྱལ་བུ་བསུ་ནས་རྒྱལ་པོའི་ཕྲིན་ཏུ་འདི་སྐད་ཅེས་གསོལ་ཏོ། །བདག་ནི་མི་ཤེས་པའི་དབང་དུ་གྱུར་ཏེ། རྒྱལ་བུ་ལས་བལ་གྱི་གླང་པོ་ཆེ་བླངས་པས། དེའི་རྐྱེན་གྱིས་རྒྱལ་བུ་སྤངས་པར་གྱུར་པ་ད་འགྱོད་པས
73b5 ན་འཐོལ་ཚངས་སུ་གསོལ་ལོ། །ད་རྒྱལ་བུ་སླར་གཤེགས་ཅེས་ཐོས་ནས་རབ་ཏུ་དགའ་སྟེ། བལ་གྱི་གླང་པོ་ཆེ་དེ་ཉིད་ཀྱང་སླར་ཕུལ་ཞིང་གསེར་དངུལ་གྱི་ཉེའུ་རྣམས་ཀྱང་ཕུལ་ན། འདི་དག་རྣམས་ཀྱང་བཞེས་ཤིག་།
73b6 ནོངས་པའི་སྐྱོན་རྣམས་ཀྱང་སྦྱང་བར་གསོལ་ཏོ། །རྒྱལ་བུས་སྨྲས་པ། དཔེར་ན་མི་ཞིག་གིས་ཁ་ཟས་རོ་བརྒྱ་དང་ལྡན་པ་སྦྱར་ཏེ། ཕ་རོལ་པོ་གཅིག་ལ་བྱིན་པ་ལས། མི་དེས་ཁ་ཟས་ཟོས་ནས་ཕྱིར་ས
73b7 ལ་སྐྱུགས་ནས། ཕྱིར་སྐྱུགས་པའི་ཁ་ཟས་དྲི་བསུང་དང་ལྡན་པ་དེ་བཟར་རུང་བར་འགྱུར་རམ། བདག་གིས་སྦྱིན་པ་བྱས་པ་ཡང་སྐྱུགས་པ་དང་འདྲ་བས་ཕྱིར་མི་འདོད་དོ། །ཕོ་ཉ་ཁྱོད་བལ་གྱི་གླང་པོ་ཆེ་འདི་ཞོན
73b8 ལ་བདག་གི་ཡུལ་དུ་སོང་ཤིག་། ཁྱོད་ཀྱི་རྒྱལ་པོ་འདི་ལྟར་བདག་བསུ་ཞིང་། སྤྲོ་བའི་ཚིག་གིས་སྙན་པར་སྨྲས་པ་རབ་ཏུ་དགའོ་ཞེས་གསོལ་ཅིག་ཅེས་བསྒོ་བ་དང་། ཕོ་ཉ་དེ་ཡང་བལ་གྱི་གླང་པོ་ཆེ་ལ་ཞོན་ཏེ
iiif viewer powered by OpenSeadragon
