| e-texts navigator |
| Wylie |
73a1 ཙམ་བྱེད་དུ་མ་བཅུག་པ་ཡང་ཐོག་མ་ཕས་བསམས་པ་ལྟར་མ་གྱུར་ཏེ། དེ་སྙིང་རྗེའི་སེམས་ཙམ་ཡང་མ་མཆིས་ཏེ་ལྟོགས་ཤིང་སྐོམ་པ་བཞིན་དུ་འདུག་པ་འདི་མིག་གིས་ཀྱང་སུ་ཞིག་གིས་བཟོད། བདག་གི
73a2 ཕས་ནི་བུ་ཡང་མི་ཕངས་པར་ཕ་རོལ་པོ་ལ་སྦྱིན་པ་བྱེད་ན་རྒྱལ་པོ་ཆེན་པོས་མི་གཅིག་གི་ཁ་ཟས་ཙམ་ལ་སེར་སྣ་མཛད་དམ་ཞེས་གསོལ་པ་དང་། རྒྱལ་པོས་ཀྱང་བྲམ་ཟེ་དེ་ལ་ཁ་ཟས་ཀྱིས་ཚིམ་པར་བྱིན་ནས་བྲམ་ཟེ་ཡང་རབ་ཏུ
73a3 དགའ་སྟེ། ཕྱིར་བདག་གི་ཡུལ་དུ་སོང་ངོ་། །དེ་ནས་རྒྱལ་པོས་རྒྱལ་བུ་འགུགས་པའི་ཕོ་ཉ་བཏང་ནས། ཕོ་ཉ་ཡང་དེ་མ་ཐག་ཏུ་ཆས་ཏེ་རྒྱལ་བུ་ག་ལ་བ་དེར་སོང་ངོ་། །དེར་ཕྱིན་པ་དང་ཆུ་ཞིག་ལ་མ་ཐར་ནས་ཕོ་ཉ་དེས་རྒྱལ་བུ
73a4 ཉིད་ཡིད་ལ་བྱས་ཏེ་བསམས་མ་ཐག་ཏུ་ཆུ་དེ་ལས་ཐར་ནས་རྒྱལ་བུ་གང་ན་བ་དེར་ཕྱིན་ཏེ། རྒྱལ་པོའི་བཀས་རྒྱལ་བུ་སླར་ཡུལ་དུ་གཤེགས་སུ་གསོལ་ཞེས་བསྒོའོ། །རྒྱལ་བུས་ཕོ་ཉ་ལ་སྨྲས་པ། ཐོག་མ་རྒྱལ་པོས་ལོ་བཅུ
73a5 གཉིས་ཀྱི་བར་དུ་རི་ལ་སྒོམས་ཤིག་ཅེས་བསྒོ་སྟེ། ད་དུང་ལོ་གཅིག་མ་ཚང་བས་ད་ལོ་ཚང་ནས་བདག་འགྲོའོ་ཞེས་བསྒོའོ། །དེ་ནས་ཕོ་ཉ་ཡང་ཕྱིར་ལོག་ནས་རྒྱལ་པོ་ལ་དེ་བཞིན་དུ་ལན་གསོལ་པ་ལས། རྒྱལ་པོ་ཉིད
73a6 ཕྱག་དར་ཏེ་ཡི་གེ་བྲིས་ནས་ཕྱིར་ཕོ་ཉ་ལ་བསྐུར་ཏེ་འདི་སྐད་ཅེས་བསྒོའོ། །ཁྱོད་ནི་མིའི་ནང་ན་མཁས་པ་ཤེས་རབ་ཅན་ཡིན་པས་འགྲོ་བ་ལ་ཡང་བཟོད་ཅིང་འོང་བ་ལ་ཡང་བཟོད་པ་ཡིན་ན། ཅིའི་ཕྱིར་ཁྱོད་ཁྲོས་ཏེ་འོང་དུ་མི
73a7 བཏུབ། ཁྱོད་དང་ལྷན་ཅིག་བཟའ་བ་དང་བཏུང་བ་གཏང་དགོས་ཀྱིས་མྱུར་དུ་ཤོག་ཅིག་ཅེས་ཕོ་ཉ་འགུགས་སུ་བཏང་ངོ་། །དེ་ནས་ཕོ་ཉ་ཡི་གེ་ཐོགས་ཏེ། རྒྱལ་བུ་གང་ན་བ་དེར་སོང་ནས་ཕྱིན་པ་དང་རྒྱལ་བུ་ལ་ཡི་གེ་ཕུལ
73a8 ལོ། །རྒྱལ་བུས་ཡི་གེ་བླངས་ནས་མགོ་བོ་ས་ལ་གཏུགས་ཏེ་ཡི་གེ་ལ་ཕྱག་འཚལ་ནས་ལན་བདུན་བསྐོར་བ་བྱས་ཏེ། མོད་ལ་ཕྱིར་ཡུལ་དུ་འགྲོ་བར་ཆས་སོ། །དེའི་ཚེ་རི་དེ་ནས་ཆས་པ་དང་རི་དེ་ལ་གནས་པའི་རི
iiif viewer powered by OpenSeadragon
