| e-texts navigator |
| Wylie |
72a1 བུས་སྦྱིན་པར་བསམས་ཏེ་བྱིན་པ་འདི་ལ་རྒྱལ་བུས་བསམས་པའི་ཡིད་དང་འགལ་ཞིང་དབྲོག་པར་མི་རིགས་ཀྱི། ཉིས་ན་རྒྱལ་པོ་ཆེན་པོ་ལ་གསོལ་ན། རྒྱལ་པོ་ཆེན་པོ་ཉིད་ཀྱིས་རིན་གྱིས་བླུ་བར་འགྱུར་རོ
72a2 ཞེས་བྱས་པ་དང་། གྲོས་སྔ་མ་བཏང་ནས་བློན་པོ་རྣམས་ཀྱིས་རྒྱལ་པོ་ལ་འདི་སྐད་ཅེས་གསོལ་ཏོ། །རྒྱལ་པོ་ཆེན་པོའི་དབོན་པོ་གཉིས་ད་ལྟར་བྲམ་ཟེ་ཞིག་འཚོང་ཞིང་མཆིས་ཅེས་གསོལ་པ་དང་། རྒྱལ་པོས་ཚིག་དེ་ཐོས་མ
72a3 ཐག་ཏུ་ཆེར་དངངས་ཏེ་བྲམ་ཟེ་དང་བུ་གཉིས་ཕོ་བྲང་ནང་དུ་ཁྲིད་དེ་ཤོག་ཅིག་ཅེས་བསྒོ་ནས། བུ་གཉིས་ཕོ་བྲང་ནང་དུ་འོངས་པའི་ཚེ་རྒྱལ་པོ་དང་བཙུན་མོ་དང་ཕོ་བྲང་གི་སླས་དང་བློན་པོ་རྣམས་ཀྱིས་བུ་གཉིས་མཐོང་ནས་ཐམས་ཅད་དབུགས
72a4 ཀྱིས་རྣངས་པ་ཙམ་དུ་མ་ངུས་པ་མེད་དོ། །དེ་ནས་རྒྱལ་པོས་བྲམ་ཟེ་དེ་ལ་ཁྱོད་ཀྱིས་བུ་འདི་གཉིས་ཇི་ལྟར་ཐོབ་ཅེས་དྲིས་ན། བྲམ་ཟེ་ན་རེ་བདག་གིས་རྒྱལ་བུ་ལས་བསླངས་ཏེ་ཐོབ་བོ་ཞེས་ཟེར་རོ། །རྒྱལ་པོས་བུས་པ་འདི
72a5 གཉིས་བོས་ཏེ། པང་པར་བླང་སྙམ་པ་ལས་བུ་གཉིས་འོང་དུ་མ་བཏུབ་བོ། །དེ་ནས་རྒྱལ་པོས་བུ་འདི་གཉིས་ཀྱི་རིན་ཅི་ཙམ་ཡོད་ཅེས་དྲིས་ན། བྲམ་ཟེ་སྨྲ་མ་ཁོམ་པར་ཁྱེའུ་ཡིས་འདི་སྐད་ཅེས་གསོལ་ཏོ། །བདག་བུ་ཕོ་ནི
72a6 དངུལ་གྱི་དོང་ཙེ་སྟོང་དང་བ་ལང་བརྒྱ་ཞིག་རིའོ། །བུ་མོ་ནི་གསེར་གྱི་དོང་ཙེ་སྟོང་དང་བ་བཞོན་ཉིས་བརྒྱ་རིའོ་ཞེས་གསོལ་བ་དང་། རྒྱལ་པོས་ཁྱེའུ་ལ་འདི་སྐད་ཅེས་སྨྲས་སོ། །འཇིག་རྟེན་ཆོས་ཀྱིས་མིའི་ནང་ན་ཕོ་ནི་རིན་པོ
72a7 ཆེ་དབྱིག་ལྟར་རིན་ཆེ་བ་ཡིན་ན། ཅིའི་ཕྱིར་བུ་ཕོ་ནི་རིན་ཆུང་བུ་མོ་ནི་རིན་ཆེ་བར་འདེབས། བུ་ཁྱེའུ་ཡིས་གསོལ་པ། ཕོ་བྲང་གི་སླས་ལྟ་བུ་རྒྱལ་པོ་དང་ཉེ་བ་མ་ལགས་ལ། མ་རབས་བྲན་ལས་སླས་སུ་བཞེས་ཏེ།
72a8 དེ་ལ་ཐུགས་དགྱེས་པས་བཀུར་ཞིང་བཙུན་པར་མཛད་དེ། རིན་པོ་ཆེའི་གོས་སྐོན་ཞིང་བཟའ་བ་དང་། བཏུང་བ་རོ་བརྒྱ་དང་ལྡན་པ་བསྟབས་ན། སྲས་གཅིག་པུ་ཞིག་མངའ་བ་རི་ལ་སྤངས་ཏེ། ཡ་མཚན་ཕོ་བྲང་གི་སླས་དང
iiif viewer powered by OpenSeadragon
