| e-texts navigator |
| Wylie |
71a1 ལ་ཡང་མ་སྦྱིན་ཅིག་ཅེས་སྨྲས་སོ། །རྒྱལ་བུས་སླར་སྨྲས་པ། ཅིའི་ཕྱིར་མི་ཁྲིད་མི་འདོད་དམ་ཅི་མིར་སྐྱེས་པའི་ཆུང་མའི་ནང་ན་ཆུང་མ་འདི་ནི་ཤིན་ཏུ་ཡང་བཟང་ཞིང་མཛེས་ཏེ་རྒྱལ་པོའི་བུ་མོ་ཡིན་ན། རྒྱལ་པོ་དེ་ལ་བུ
71a2 མོ་འདི་གཅིག་པུ་ལས་མེད་དེ། ཆུང་མ་འདི་ནི་བདག་ལ་ཆུ་གང་ཆེ་བས་ཁ་ཟས་བཙོ་བ་དང་བསྲེག་པ་ཡང་ལག་དར་ཏེ་བྱེད། བཟའ་བ་དང་བཏུང་བ་ངན་ཀྱང་ངན་ཅེས་མི་འཁང་སྟེ། རྟག་ཏུ་འགྲུབ་ཆེ་ལ་བྱད་བཞིན་ཡང་བཟང་ལ་མཛེས་པས
71a3 ཁྱོད་ཁྱེར་ན་བདག་དགའོ་ཞེས་སྨྲས་སོ། །བྲམ་ཟེས་རྒྱལ་བུ་ལ་སྨྲས་པ། བདག་ནི་བྲམ་ཟེ་མ་ཡིན་གྱི་བརྒྱ་བྱིན་ལྷའི་དབང་པོ་ཡིན་ཏེ་ཆེད་དུ་ཁྱོད་བགམ་པའི་ཕྱིར་འོངས་པ་ཡིན་ནོ་ཞེས་ཕྱིར་བརྒྱ་བྱིན་གྱི་ལུས་བཟང་པོར་བསྒྱུར་ནས།
71a4 ཁྱེད་ཅི་དང་ཅིར་སྨོན་ཅེས་སྨྲས་སོ། །དེ་ནས་བཙུན་མོས་གུས་པར་ཕྱག་འཚལ་ཏེ་སྨོན་ལམ་རྣམ་པ་གསུམ་ཞིག་གསོལ་ཏོ། །གང་ཞེ་ན་གཅིག་ཏུ་བདག་གི་བུ་ཁྲིད་པའི་བྲམ་ཟེ་ཕྱིར་ཡང་བདག་གི་ཡུལ་དུ་སོང་བར་གྱུར་ཅིག་།
71a5 གཉིས་སུ་ན་བདག་གི་བུ་གཉིས་བཀྲེས་པ་དང་སྐོམ་པས་སྡུག་བསྔལ་བར་མ་གྱུར་ཅིག་།གསུམ་དུ་ན་རྒྱལ་བུ་དང་བདག་ཅག་གཉིས་ཀྱང་ཕྱིར་བདག་ཅག་གི་ཡུལ་དུ་མྱུར་དུ་འཁོར་བར་གྱུར་ཅིག་ཅེས་སྨྲས་པ་དང་། བརྒྱ་བྱིན་ལྷའི་དབང
71a6 པོས་ཀྱང་དེ་བཞིན་དུ་སྨོན་ལམ་གྲུབ་པར་གྱུར་ཅིག་ཅེས་སྨྲས་སོ། །རྒྱལ་བུས་སྨྲས་པ། བདག་ནི་སེམས་ཅན་ཐམས་ཅད་སྐྱེ་བ་དང་རྒ་བ་དང་ན་བ་དང་འཆི་བའི་སྡུག་བསྔལ་ལས་སྒྲོལ་བར་གྱུར་ཅིག་ཅེས་སྨོན་ལམ་བཏབ་པ་དང་།
71a7 བརྒྱ་བྱིན་ལྷའི་དབང་པོས་སྨྲས་པ། སྨོན་ལམ་འདི་ནི་ཤིན་ཏུ་ཡང་རྒྱ་ཆེ་སྟེ་བླ་ན་མེད་པ་ཡིན་ནོ། །གལ་ཏེ་མཐོ་རིས་སུ་སྐྱེ་ཞིང་ཉི་ཟླ་ལ་དབང་བའི་བདག་པོར་འདོད་དམ་འཇིག་རྟེན་གྱི་རྒྱལ་པོར་འདོད་དམ་ཚེ་རིང་ཞིང་ཡུན་ཏུ་གནས་པར
71a8 འདོད་ན། བདག་གིས་སྦྱིན་ནུས་ཀྱིས་ཁྱོད་ཀྱིས་སྨྲས་པའི་སྨོན་ལམ་ཁམས་གསུམ་ལས་མཆོག་ཏུ་འདས་པ་ཡིན་པས་བདག་གིས་ནུས་པ་མ་ཡིན་ནོ། །རྒྱལ་བུས་སྨྲས་པ། ད་ལྟར་རེ་ཤིག་ཤིན་ཏུ་ཕྱུག་པོར་གྱུར
iiif viewer powered by OpenSeadragon
