| e-texts navigator |
| Wylie |
69a1 མི་རྟག་པས་ཡིད་བརྟན་དུ་མི་རུང་ཁོ་བོ་ནམ་བླ་ན་མེད་པའི་མཉམ་སྙོམས་པའི་བྱང་ཆུབ་ཐོབ་པ་ན་ཁྱོད་ཐར་པའི་དོན་བྱའོ་ཞེས་བསྒོའོ། །བུ་གཉིས་ཀྱིས་ཡང་ཡབ་རྒྱལ་བུ་ལ་སྨྲས་པ། བུས་ནི་མ་ལ་མཆི་ཕྱག་བྱ་བ་ལགས་ན
69a2 ད་གཞར་ཡང་མི་ཕྲད་དེ། མའི་ངོ་མ་མཐོང་བ་ཡང་བདག་ཅག་གི་སྔོན་གྱི་སྡིག་པའི་ལས་ཀྱིས་གདུངས་པར་ཟད་ན། བདག་ཅག་གི་མ་ཅིའི་ཕྱིར་མྱ་ངན་གྱིས་གདུངས་ཤིང་སྡུག་བསྔལ་བར་མི་འགྱུར་ཞེས་སྨྲེ་སྔགས་འདོན་ཏོ། །བྲམ་ཟེས་སྨྲས་པ།
69a3 བདག་རྒས་ལ་ཉམ་ཆུང་བས་བུས་པ་འདི་གཉིས་བདག་བོར་ཏེ་མའི་ཐད་དུ་བྲོས་པར་གྱུར་ན་བདག་གིས་བྱར་མེད་པར་འགྱུར་གྱིས། ཁྱོད་ཀྱིས་ཆིངས་ལ་དཀྲིས་ཤིག་ཅེས་སྨྲས་པ་དང་། རྒྱལ་བུས་ཀྱང་བུ་གཉིས་ཀྱི་ལག་པ་ཕྱིང་ཀ་ལོག
69a4 ཏུ་བཟུང་སྟེ། བྲམ་ཟེ་ཉིད་འཆིང་དུ་བཅུག་ནས་ཕྱིང་ཀ་ལོག་ཏུ་བཅིངས་པའི་ཐག་པ་བྲམ་ཟེའི་ལག་པར་བྱིན་ཏེ་སྦྲེལ་ནས་ཁྲིད་དོ། །བུ་གཉིས་ནི་དེ་ལྟར་ཁྲིད་ཀྱང་འགྲོར་མ་བཏུབ་སྟེ་འཐེན་པ་ལས་བྲམ་ཟེས་ལྕག་ཐོགས་ཏེ།
69a5 དེད་ནས་གཞུས་པའི་ལམ་དུ་ཁྲག་བྱུང་བ་ཡང་ས་ལ་ཆལ་པར་གང་ངོ་། །རྒྱལ་བུས་དེ་ལྟར་མཐོང་ནས་མཆི་མ་བྱུང་སྟེ། མཆི་མ་ས་ལ་བོ་བས་ས་ཡང་ཁོལ་བར་གྱུར་ཏོ། །རྒྱལ་བུ་དང་རི་དགས་དང་གཅན་ཟན་མང་པོ་ཐམས
69a6 ཅད་ཀྱིས་བུ་གཉིས་བསྐྱལ་ཏེ་མི་སྣང་བར་གྱུར་པ་དང་། བཟོད་ཕྱིར་ལོག་གོ། །རི་དགས་དང་གཅན་ཟན་ལ་སོགས་པས་རྒྱལ་བུ་བསྐྱལ་ཏེ། ཕྱིར་རྒྱལ་བུ་དང་རྩེ་བའི་གནས་སུ་ཕྱིན་ནས་སྙིང་རྗེ་བའི་སྐད་ཕྱུང་སྟེ་ལུས
69a7 ས་ལ་རྡེབས་ཤིང་འགྲོའོ། །བྲམ་ཟེ་དེས་ལམ་དུ་ཞུགས་ཏེ་སོང་སོང་བ་ལས། ལམ་ཀར་སྐྱེད་ཤིང་ཞིག་ཡོད་པ་ལ་བུ་གཉིས་བཏགས་ཏེ་འདུག་གོ། །དེ་ནས་ཆས་པ་དང་བུ་གཉིས་མ་དང་ཕྲད་དུ་རེ་ནས་ཤིང་གི་དཔག་འཁྲི་ཞིང
69a8 འགྲོར་མ་བཏུབ་ནས། བྲམ་ཟེས་ཡང་གཞུས་པ་ལས་བུ་གཉིས་ཀྱིས་འདི་སྐད་ཅེས་སྨྲས་སོ། །བདག་ཅག་ལ་མ་རྡེག་ཅིག་།བདག་ཅག་རང་འགྲོའོ་ཞེས་གནམ་ལ་ཡར་བལྟས་ཏེ། ཡང་འདི་སྐད་ཅེས་སྨྲས་སོ། །རི་གཉེན
iiif viewer powered by OpenSeadragon
