| e-texts navigator |
| Wylie |
68a1 འདིར་རྒྱལ་བུ་ཕྱིར་འགུགས་སུ་འོངས་སོ་ཞེས་སྨྲས་མ་ཐག་ཏུ་རྔོན་པས་ཀྱང་བཀྲོལ་ཏེ་བཏང་ནས་སྔར་མ་རྟོགས་ཏེ་རྒྱུས་མ་ཤེས་སོ་ཞེས་བཟོད་པ་གསོལ་ནས་རྒྱལ་བུ་གང་ན་འདུག་པའི་གནས་བསྟན་ཏོ། །དེ་ནས
68a2 བྲམ་ཟེ་དེ་རྒྱལ་བུའི་ཐད་དུ་ཕྱིན་པ་དང་། རྒྱལ་བུས་ཀྱང་རྒྱང་མ་ནས་བྲམ་ཟེ་འོངས་པ་མཐོང་ནས་རབ་ཏུ་དགའ་བའི་སེམས་སྐྱེས་ཏེ་བསུས་ནས་གུས་པར་ཕྱག་བྱས་ཏེ། ཁྱོད་ག་ལས་འོངས་ལམ་དུ་ཉོན་མོངས་ཤིང་ངལ་བར་མ
68a3 གྱུར་ཏམ་ཅི་འདོད་ཅེས་སྤྲོ་བའི་གཏམ་བྱས་སོ། །བྲམ་ཟེས་སྨྲས་པ། བདག་ལམ་རིང་པོ་ནས་འོངས་ཏེ་ལུས་ཐམས་ཅད་རྩེ་ཞིང་ངལ་ཏེ་བཀྲེས་སྐོམ་མོ་ཞེས་སྨྲས་པ་དང་། རྒྱལ་བུས་ནང་དུ་ཁྲིད་ནས་སྟན་ལ་འདུག་དུ་བཅུག་སྟེ། ཤིང
68a4 ཐོག་དང་ཤིང་གི་འབྲས་བུ་དང་བཏུང་བའི་སྐོམ་མདུན་དུ་ཕབ་ནས། བྲམ་ཟེས་ཀྱང་སྐོམ་འཐུངས་ཤིང་ཐོག་ཟོས་ཏེ། ཐལ་བྱུང་རྒྱལ་བུ་ལ་འདི་སྐད་ཅེས་སྨྲས་སོ། །བདག་ནི་ཡུལ་ཀཻ་ལཻ་ཞེས་བྱ་བའི་ཡུལ་མི་ཡིན་ཏེ། སྔ་ཞིག་ནས
68a5 རྒྱལ་བུ་སྦྱིན་པ་ལ་དགའོ་ཞེས་ཕྱོགས་བཅུར་གྲགས་ཤིང་ཐོས་པས། བདག་ནི་དབུལ་ཕོངས་ཏེ་རྒྱལ་བུ་ལ་སློང་དུ་འོངས་སོ། །རྒྱལ་བུས་སྨྲས་པ། བདག་ལ་ཡོད་པ་ལས་ཁྱོད་ལ་མ་བྱིན་ན་ནི་ཆགས་ཤིང་སེར་སྣ་བྱེད་པར་གྱུར་ན་བདག
68a6 ལ་ཅི་བདོག་པ་སྔར་བཏང་བས་ད་ནི་ཅི་ཡང་སྦྱིན་དུ་མེད་དོ། །བྲམ་ཟེས་སྨྲས་པ། དེ་ལྟར་ནོར་རྫས་སྦྱིན་དུ་མེད་ན་ཁྱོད་ཀྱི་བུ་མི་སྲིང་གཉིས་བདག་རྒད་པོའི་འཁོལ་བ་འམ་བྲན་དུ་བྱིན་ཅིག་ཅེས་དེ་བཞིན་དུ་ལན་གཉིས་ལན་གསུམ
68a7 གྱི་བར་དུ་སྨྲས་ནས། རྒྱལ་བུས་ཀྱང་ཁྱོད་ལམ་རིང་པོ་ནས་འོངས་ལ། བདག་གི་བུ་མིང་སྲིང་གཉིས་འདོད་པ་རབ་ཏུ་ལེགས་ཀྱིས་སྦྱིན་ནོ། ཞེས་སྨྲས་སོ། །དེའི་ཚེ་ན་བུ་མིང་སྲིང་གཉིས་རྩེར་སོང་སོང་བ་ལས། རྒྱལ་བུས
68a8 བོས་ནས་བུ་ལ་འདི་སྐད་ཅེས་བསྒོའོ། །བྲམ་ཟེ་འདི་ལམ་རིང་པོ་ནས་བུ་ཁྱེད་གཉིས་སློང་ངོ་ཞེས་ཟེར་ནས། ཁོ་བོས་ཀྱང་སྦྱིན་པར་བྱས་ཀྱིས་ཁྱེད་གཉིས་འདིའི་ཕྱི་བཞིན་སོང་ཤིག་ཅེས་བསྒོ་བ་དང་། བུ་གཉིས་རྒྱལ་བུའི
iiif viewer powered by OpenSeadragon
