| e-texts navigator |
| Wylie |
65b1 ཆུ་དང་ཆུ་མིག་དང་མཚེའུ་དང་ལྟེང་ཀ་ལྡན་ཏེ་ཆུ་ནི་མངར་འབྲས་བུ་ནི་ཞིམ། ཆུ་བྱ་དང་ངར་ངུར་དང་འཇོལ་མོ་དང་རི་སྐེགས་ལ་སོགས་པ་བྱ་རྣམ་པ་སྣ་ཚོགས་དག་ཀྱང་གནས་པ་མཐོང་ནས་རྒྱལ་བུས་བཙུན་མོ་ལ་ཡང་འདི་སྐད་ཅེས
65b2 སྨྲས་སོ། །རི་འདི་ལ་བལྟས་ན་ཤིང་དང་ཚལ་གནམ་ལ་རེག་པ་ཙམ་ཏུ་སྐྱེས་ན་ཡང་། བརྔས་པ་འམ་བཅད་པ་མེད་པས་ཆུ་མིག་ཞིམ་པོ་ལ་འཐུང་ཞིང་འབྲས་བུ་མངར་བ་ཟ་སྟེ། རི་འདི་ལ་སྒོམ་པ་དག་ཡོད་པས་འདིར་གནས་པར
65b3 བྱའོ། །རྒྱལ་བུ་རི་དེ་ལ་ཕྱིན་པ་ན། རི་དེ་ལ་གནས་པའི་འདབ་ཆགས་བྱ་དང་གཅན་ཟན་དང་རི་དགས་ཐམས་ཅད་རབ་ཏུ་དགའ་ནས་རྒྱལ་བུ་བསུས་སོ། །དེའི་ཚེ་རི་དེ་ལ་སྒོམ་པའི་དགེ་སློང་ཨ་ཚུ་ཏ་ཞེས་བྱ་བ་ལོ་ལྔ་བརྒྱ་ལོན་པ།
65b4 ཡོན་ཏན་མཆོག་དང་ལྡན་པ་ཞིག་གནས་ཏེ། རྒྱལ་བུ་དེའི་དྲུང་དུ་སོང་ནས། ཕྱག་བྱས་ཏེ་ཕྱོགས་གཅིག་ཏུ་འདུག་ནས་འདི་སྐད་ཅེས་སྨྲས་སོ། །རི་འདི་ལ་གང་ཕྱོགས་ན་འབྲས་བུ་དང་ཆུ་མིག་བཟང་པོར་ལྡན་པ་གནས་སུ
65b5 རུང་བ་ཅི་ཡོད་ཅེས་དྲིས་པ་དང་། ཨ་ཚུ་ཏས་སྨྲས་པ། རི་འདི་གནས་ཐམས་ཅད་དུ་བསོད་ནམས་དང་ལྡན་པའི་ས་གཞི་ཡིན་པས་གང་དུ་གནས་ཀྱང་རུང་སྟེ། རི་འདི་ནི་ཤིན་ཏུ་དབེན་པའི་གནས་གཙང་མ་ཡིན་པས་ན
65b6 ཅི་རྒྱལ་བུ་ཁྱོད་ཆུང་མ་དང་བུ་སྨད་དུ་བཅས་ཏེ་ཆོས་སློབ་དུ་འོངས་སམ། དེ་ལ་རྒྱལ་བུས་སྨྲ་མ་ཁོམ་པར་བཙུན་མོ་མན་ཏེས་སྨྲས་པ། དགེ་སློང་ལ་འདི་སྐད་ཅེས་སྨྲས་སོ། །བཙུན་པ་རི་ལ་ལམ་བསྒོམས་ནས་ཇི་སྲིད་ཅིག་ལོན། དགེ་སློང
65b7 གིས་སྨྲས་པ། རི་འདིར་ཕྱིན་ནས་ལོ་བཞི་བརྒྱ་འམ་ལྔ་བརྒྱ་ཙམ་ལོན་ནོ། །བཙུན་མོ་མན་ཏེས་སྨྲས་པ། ད་དུང་བདག་དང་བདག་གི་བར་དུ་འཛིན་ན་ནམ་ཞིག་ལམ་ཐོབ་པར་འགྱུར། དེ་སྲིད་དུ་རི་ལ་གནས་ཀྱང་རྡོ་ཤིང་དང་ཐ
65b8 མི་དད་དེ་བདག་དང་བདག་གིར་མི་འཛིན་ན་གདོད་ལམ་ཐོབ་པར་འགྱུར་རོ་ཞེའོ། །དགེ་སློང་གིས་སྨྲས་པ། བདག་གིས་ཡང་དག་པར་དོན་དེ་ལྟ་བུ་མི་ཤེས་སོ། །དེ་ནས་རྒྱལ་བུས་དགེ་སློང་ལ་སྨྲས་པ། བཙུན་པ
iiif viewer powered by OpenSeadragon
