| e-texts navigator |
| Wylie |
63a1 སློང་བ་མང་པོ་ལྷགས་པ་ལ་རྒྱལ་བུ་རྒྱལ་ཚབ་ཀྱིས། ཟས་དང་སྐོམ་དང་ནོར་དང་རིན་པོ་ཆེ་རྣམས་ཞག་བདུན་གྱི་བར་དུ་ཡིད་བཞིན་དུ་བྱིན་ནས། དབུལ་ཕོངས་པ་རྣམས་ལོངས་སྤྱོད་དང་ལྡན་ཞིང་ཐམས་ཅད་བདེ་སྐྱིད་པར་བྱས་སོ། །དེ
63a2 ནས་རྒྱལ་བུ་རྒྱལ་ཚབ་ཀྱིས་ཆུང་མ་ལ་སྨྲས་པ། བཞིན་བཟངསུ་ལོངས་ལ་བདག་ཅི་ཟེར་བ་ཉོན་ཅིག་།རྒྱལ་པོ་ཆེན་པོས་ནི་བདག་ལོ་བཅུ་གཉིས་ཀྱི་བར་དུ་རི་དན་ཏིག་ཅེས་བྱ་བར་སྤངས་སོ། །ཆུང་མས་རྒྱལ་བུས་སྨྲས་པའི་ཚིག་ཐོས་ནས།
63a3 ཡེད་ཅེས་དངངས་ནས་ལངས་ནས་འདི་སྐད་ཅེས་སྨྲས་སོ། །རྒྱལ་བུ་ལ་ཉེས་པ་ཅི་ཞིག་མཆིས་ན། རྒྱལ་པོས་དེ་ལྟ་དེ་ལྟར་མཛད་པར་གྱུར། རྒྱལ་བུས་སྨྲས་པ། བདག་གིས་སྦྱིན་པ་མ་འོས་པ་ཞིག་བྱས་ཏེ། རྒྱལ་པོའི་བང་མཛོད
63a4 ཀྱང་སྟོངས། བལ་གླང་རིན་པོ་ཆེ་ཡང་དགྲ་ཟླ་ལ་བྱིན་ཞེས་རྒྱལ་པོ་དང་བློན་པོ་རྣམས་ཁྲོས་ནས་བདག་སྤངས་པ་ཡིན་ནོ། །བཙུན་མོ་མན་ཏེས་སྨྲས་པ། རྒྱལ་པོའི་ཡུལ་དུ་ལོ་ལེགས་པ་དང་། རྒྱལ་པོ་ཆེན་པོ་དང་། བློན་པོ་དང
63a5 འབངས་ཀྱི་བར་དུ་བདེ་སྐྱིད་པ་དང་། ལོངས་སྤྱོད་ཆེ་བར་སྨོན་ལམ་ལེགས་པར་བཏབ་ལ་བདག་ཅག་རི་ལ་སྒོམ་དུ་འདོང་ངོ་། །རྒྱལ་བུས་སྨྲས་པ། བཞིན་བཟངས་རི་ནི་འཇིགས་པའི་གནས་ཡིན་ཏེ། ཤིན་ཏུ་བྱ་དཀའ་བ་བསམ་དགོས་ལ་སེང
63a6 གེ་དང་སྟག་ལ་སོགས་པ་གཅན་ཟན་མ་རུངས་པ་ཡོད་པས་རབ་ཏུ་འཇིགས་ན་ཁྱོད་ནི་ལོངས་སྤྱོད་མྱོང་བ་ཡིན་པས་ཁྱོད་དེ་ལྟ་བུ་དག་བཟོད་དམ། ཁྱོད་ཕོ་བྲང་གི་ནང་ན་གོས་སུ་ནི་ཕྲ་བ་དང་འཇམ་པ་གྱོན། གནས་སུ་ནི་གུར་དང་ཡོལ་བས
63a7 བསྐོར་བ་ན་འདུག་། ཟས་སུ་ནི་ཅི་ལ་དགའ་བ་བཞིན་ཞིམ་པ་དང་མངར་བ་ལ་ཟ་ན། རི་ལ་ནི་སྟན་དུ་ནི་རྩཝ་འདིངས། ཟས་སུ་ནི་འབྲས་བུ་ཟ་ན། ཁྱོད་དེ་ལ་མོས་ཤིང་དགའ་བ་ཅི་ཞིག་ཡོད། དེ་མ་ཡིན་པ་གཞན་ཡང་རླུང་དང་ཆར་པ་དང་འབྲུག
63a8 དང་སེར་བ་ཆེ་ཞིང་བ་མོ་དང་ཟིལ་པས་མིའི་སྤུ་ཡང་ལངས་པ་ཙམ་དུ་གྲང་བའི་ཚེ་ན་ནི་གྲང་རབ་ལ་ཚ་བའི་ཚེ་ན་ནི་ཚ་རབ་སྟེ། ཤིང་གི་གསེབ་ན་འདུག་པའི་གནས་སུ་ཡང་མི་རུང་ན། ས་ལ་གཟེ་མ་དང་གསེག་མ་དང་རྡོ་བ་ཡང་མང་ཞིང་སྦྲུལ
iiif viewer powered by OpenSeadragon
