| e-texts navigator |
| Wylie |
62b1 ཁྱོད་ཅིའི་ཕྱིར་ང་ལ་མ་ཞུས་པར་ངའི་བལ་གྱི་གླང་པོ་ཆེ་དགྲ་ཟླ་ལ་བྱིན་ཞེས་དྲིས་པ་དང་། རྒྱལ་བུས་རྒྱལ་པོ་ལ་འདི་སྐད་ཅེས་གསོལ་ཏོ། །སྔར་ཡབ་རྒྱལ་པོ་དང་དམ་བཅས་པ་ན་སྦྱིན་པ་ཅི་བྱིན་ན་ཡང་མི་འགལ་བར་མཛད་དོ
62b2 ཞེས་གསུངས་པས་ད་རྒྱལ་པོ་ལ་མ་ཞུས་པ་ལགས་སོ། །རྒྱལ་པོས་སྨྲས་པ། སྔར་དམ་བཅས་པ་ནི་ནོར་དབྱིག་དང་རིན་པོ་ཆེ་ལ་དབང་བར་བྱས་ན། བལ་གྱི་གླང་པོ་ཆེ་མ་གཏོགས། རྒྱལ་བུས་གསོལ་པ། དེ་དག
62b3 ཐམས་ཅད་རྒྱལ་པོ་ལ་མངའ་བའི་དཀོར་ལགས་ན། ཅིའི་སླད་དུ་འདི་བཀོལ་ཏེ་མ་གཏོགས་ཞེས་གསུངས། རྒྱལ་པོས་རྒྱལ་བུ་རྒྱལ་ཚབ་ལ་སྨྲས་པ། ཁྱོད་ནི་རི་དན་ཏིག་ཏུ་ལོ་བཅུ་གཉིས་སྤངས་ཀྱིས་ཡུལ་འདི་ནས
62b4 མྱུར་དུ་བྱུང་སྟེ་སོང་ཤིག་། རྒྱལ་བུས་རྒྱལ་པོ་ལ་གསོལ་པ། བདག་རྒྱལ་པོ་ཆེན་པོས་བཀའ་སྩལ་པའི་བཀའ་ནི་མི་གཅོག་ན། ད་དུང་ཡང་ཞག་བདུན་ཞིག་སྦྱིན་པ་བགྱིས་ཏེ། བདག་གི་བསམ་པ་རྫོགས་ནས་ཡུལ
62b5 ནས་བྱུང་སྟེ་མཆི་བར་འཚལ་ཞེས་གསོལ་ལོ། །རྒྱལ་པོས་སྨྲས་པ། ཁྱོད་ཀྱིས་སྦྱིན་པ་མ་འོས་པར་བྱས་པས་ཡུལ་གྱི་བང་མཛོད་ཀུན་སྟོངས་ཏེ། ངའི་བལ་གླང་རིན་པོ་ཆེ་ཡང་མེད་པར་བྱས་པས་ཁྱོད་སྤངས་པ་ཡིན
62b6 ཏེ། ད་ཕྱིར་འདུག་ཅིང་ཞག་བདུན་སྦྱིན་པ་བྱར་མི་གནང་གིས་མྱུར་དུ་སོང་ཤིག་ཅེས་བསྒོའོ། །རྒྱལ་བུས་གསོལ་པ། རྒྱལ་པོ་ཆེན་པོའི་བཀའ་བདག་མི་གཅོག་སྟེ། རྒྱལ་པོའི་བཙུན་མོ་ཉི་ཁྲི་རྙེད་ཀྱང་རྒྱལ་པོ
62b7 གང་ན་བ་དེར་ལྷགས་ནས། རྒྱལ་བུ་རྒྱལ་ཚབ་ཞག་བདུན་ཞིག་སྦྱིན་པ་བྱིན་ཏེ་ཡུལ་ནས་མཆི་བར་གསོལ་པས་རྒྱལ་པོས་ཀྱང་དེ་བཞིན་དུ་གནང་ངོ་། །དེ་ནས་རྒྱལ་བུ་རྒྱལ་ཚབ་ཀྱིས་སོ་སོར་བྲན་གཡོག་མངགས་ཏེ།
62b8 ཕྱོགས་བཞི་ནས་ནོར་རྫས་འདོད་པ་རྣམས་ཕོ་བྲང་སྒོར་འདུས་ཤིག་།ནོར་ཟས་ཐམས་ཅད་ནི་རྟག་པ་དང་བརྟན་དུ་རུང་བ་མ་ཡིན་ཏེ། མཐར་འཇིག་ཅིང་མེད་པའི་ཆོས་ཅན་ནོ་ཞེས་བསྒོ་ནས། ཕྱོགས་བཞི་ནས
iiif viewer powered by OpenSeadragon
