| e-texts navigator |
| Wylie |
61b1 ནས་བཟུང་སྟེ་བྲམ་ཟེ་བརྒྱད་པོ་ལ་བྱིན་པ་དང་། བྲམ་ཟེ་བརྒྱད་པོས་རྒྱལ་བུ་ལ་སྨོན་ལམ་བཏབ་བོ། །སྨོན་ལམ་བཏབ་མ་ཐག་ཏུ་བལ་གྱི་གླང་པོ་ཆེ་ལ་སྤྲུགས་ཏེ་དགའ་བཞིན་དོང་ངོ་། །དེ་ནས་རྒྱལ་བུས་བྲམ
61b2 ཟེ་དེ་དག་ལ་ཡང་འདི་སྐད་ཅེས་བསྒོའོ། །ཁྱེད་མྱུར་དུ་མགྱོགས་པར་སོང་ཤིག་།གལ་ཏེ་ཡབ་རྒྱལ་པོས་གསན་ན་སྙགས་མ་གཏོང་སྟེ་འཕྲོག་ཏུ་འོང་ངོ་ཞེས་བསྒོ་བ་དང་། དེའི་ཚེ་བྲམ་ཟེ་དེ་དག་གིས་དེ་མ་ཐག་ཏུ་མགྱོགས
61b3 སུ་དོང་ངོ་། །བློན་པོ་རྣམས་ཀྱིས་རྒྱལ་བུས་བལ་གྱི་གླང་པོ་ཆེ་དགྲ་ཟླ་ལ་བྱིན་ནོ་ཞེས་ཐོས་ནས། ཐམས་ཅད་སྐྲག་སྟེ་ཁྲི་ལས་རྦད་དུ་ལྷུང་ནས་མྱ་ངན་གྱིས་ནོན་ཏེ། འདི་སྙམ་དུ་ཡུལ་འདི་ན་བལ་གླང་འདི
61b4 ལ་ལྟོས་ན། ད་དགྲ་ཟླ་གཞན་ལ་བྱིན་པར་གྱུར་ཏོ་སྙམ་དུ་བསམས་ནས་རྒྱལ་པོ་ག་ལ་བ་དེར་སོང་སྟེ་འདི་སྐད་ཅེས་གསོལ་ཏོ། །རྒྱལ་བུས་ནི་ཕྱིའི་དགྲ་ཐུབ་པའི་བལ་གླང་རིན་པོ་ཆེ་ཕ་རོལ་གྱི་དགྲ་ཟླ་ལ་བྱིན
61b5 ནོ་ཞེས་གསོལ་པ་དང་། རྒྱལ་པོ་ཡབ་ཡེད་ཡེད་པོར་གྱུར་པ་ལས། བློན་པོས་ཡང་འདི་སྐད་ཅེས་གསོལ་ཏོ། །ད་རྒྱལ་པོ་ལ་བལ་གྱི་གླང་པོ་ཆེ་འདི་མངའ་བས་ཆབ་སྲིད་ཆེ་བ་ལགས་ཏེ། བལ་གྱི་གླང་པོ་ཆེ
61b6 དེ་ནི་བལ་གླང་དྲུག་བཅུ་སྙེད་ཀྱི་མཐུ་སྟོབས་དང་ལྡན་པ་ལགས་ན་རྒྱལ་བུས་དགྲ་ཟླ་ལ་སྩལ་ཏེ། དགྲ་ཟླས་འཚལ་བས་ཆབ་སྲིད་ཀྱང་སྟོར་དུ་མཆི་ན་ཇི་ལྟར་མཛད་པ་རིགས། འདི་ལྟ་བུ་རང་ཉམས་སུ
61b7 སྦྱིན་པ་བྱིན་པས་བང་མཛོད་ཀྱང་སྟོངས་ཤིང་ཡུལ་གྱི་སྲིད་དང་བཙུན་མོ་དང་སྲས་ཀྱི་བར་དུ་སྦྱིན་པ་བགྱིད་པར་དགོངས་སོ་ཞེས་གསོལ་པ་དང་། རྒྱལ་པོས་དེ་སྐད་ཅེས་སྨྲས་པ་ཐོས་ནས། ལྷག་པར་མི་དགའ
61b8 བར་གྱུར་ཏེ། བློན་པོ་གཞན་ཞིག་བོས་ནས། བློན་པོ་དེ་ལ་རྒྱལ་བུས་བལ་གྱི་གླང་པོ་ཆེ་དགྲ་ཟླ་ལ་བྱིན་པ་བདེན་ནམ་ཞེས་དྲིས་པ་དང་། བློན་པོ་དེས་ཀྱང་བྱིན་པ་བདེན་ནོ་ཞེས་གསོལ་ཏོ། །རྒྱལ་པོས་དེ་སྐད
iiif viewer powered by OpenSeadragon
