| e-texts navigator |
| Wylie |
61a1 ཀུན་གྱིས་བརྗོད་པ་ཡང་བརྫུན་པ་མ་ཡིན་ལ། ད་ལྷའི་སྲས་སུ་གྱུར་པས་ན་ལྷ་ནི་ཅི་སྨྲ་ཡང་བརྫུན་པ་མ་ཡིན་ཏེ། ད་རྒྱལ་བུས་སྦྱིན་པ་མི་མཛད་ན་བདག་ཅག་གི་ཡིད་དང་འགལ་བར་མཛད་དམ།
61a2 བདག་ཅག་ནི་རྒྱལ་བུ་ལས་མེ་ཏོག་པད་མོའི་སྟེང་ནས་འགྲོ་བ་བལ་གྱི་གླང་པོ་ཆེ་སློང་དུ་འོངས་སོ་ཞེས་སྨྲས་པ་དང་། རྒྱལ་བུས་དེ་དག་བལ་གླང་གི་ལྷས་སུ་ཁྲིད་དེ་བལ་གླང་གཞན་ཞིག་བྱིན་ནོ། བྲམ་ཟེ་བརྒྱད
61a3 པོས་སྨྲས་པ། བདག་ཅག་ནི་པད་མོའི་སྟེང་ནས་འགྲོ་བའི་བལ་གྱི་གླང་པོ་ཆེ་སུ་ད་ཡན་འདོད་དོ། །རྒྱལ་བུས་སྨྲས་པ། བལ་གྱི་གླང་པོ་ཆེ་འདི་ནི་བདག་གི་ཡབ་རྒྱལ་པོ་ལ་གཅེས་ཤིང་གནང་བ་ཡིན་ཏེ། བལ
61a4 གླང་འདི་དང་བདག་ཏུ་ཐ་མི་དད་པར་དགོངས་པས་ཁྱེད་ལ་སྦྱིན་དུ་མི་རུང་ངོ་། །གལ་ཏེ་བདག་གིས་ཁྱེད་ལ་བྱིན་ན། རྒྱལ་པོའི་དགོངས་པ་དང་འགལ་བས་གལ་ཏེ་བལ་གླང་འདིའི་རྐྱེན་གྱིས་བདག་ཡུལ་འདི
61a5 ནས་སྐྲོད་པར་འགྱུར་རོ་ཞེས་སྨྲས་ནས་རྒྱལ་བུ་ཡང་འདི་སྙམ་དུ་བསམས་སོ། །བདག་སྔོན་ཡི་དམ་བཅས་པ་ན། ཕ་རོལ་པོ་ཅི་སློང་ཡང་ཡིད་དང་མི་འགལ་བར་བྱའོ་ཞེས་དམ་བཅས་ན། ད་བདག་གིས་སྔར
61a6 བསམས་པ་ལས་བཟློག་སྟེ། སྦྱིན་པ་འདི་མ་བྱིན་ན། ཇི་ལྟར་ཡང་བླ་ན་མེད་པ་མཉམ་སྙོམས་པའི་སྦྱིན་པའི་ཕ་རོལ་དུ་ཕྱིན་པ་རྫོགས་པར་འགྱུར་རོ། །གལ་ཏེ་སྦྱིན་པ་འདི་བྱིན་པ་ན་བླ་ན་མེད་པ་མཉམ་སྙོམས
61a7 པའི་སྦྱིན་སེམས་སུ་འགྱུར་རོ་སྙམ་བསམས་ནས། རྒྱལ་བུས་འདི་སྐད་ཅེས་སྨྲས་སོ། །ཤིན་ཏུ་དཀའ་སྟེ་དེ་བཞིན་དུ་སྦྱིན་པར་བྱའོ་ཞེས་སྨྲས་ནས། དྲུང་ན་འདུག་པའི་གཡོག་ལ་བལ་གྱི་གླང་པོ་ཆེ་ལ་གསེར་དངུལ་གྱི
61a8 སྒ་བསྟད་དེ་མྱུར་དུ་ཁྲིད་དེ་ཤོག་ཅིག་ཅེས་བསྒོ་བ་དང་། བལ་གླང་ཁྲིད་དེ་འོངས་ནས་རྒྱལ་བུས་ལག་པ་གཡོན་པས་ནི་ཆུ་སྣོད་ཐོགས་ཏེ། བྲམ་ཟེའི་ལག་པ་བཀྲུས། ལག་པ་གཡས་པས་ནི་བལ་གླང་གི་སྣ་ཐག
iiif viewer powered by OpenSeadragon
