| e-texts navigator |
| Wylie |
60b1 གྱུར་པས་ན། ཁྱེད་ལས་སུ་ཞིག་དེར་སོང་སྟེ་སློང་བར་ནུས་ཅེས་བགྲོས་ན། བློན་པོ་ལས་གང་ཡང་འགྲོ་ནུས་པ་མ་བྱུང་ངོ་། །དེའི་ནང་ན་བྲམ་ཟེ་མི་བརྒྱད་ཞིག་གིས་རྒྱལ་པོ་ལ་འདི་སྐད་ཅེས་གསོལ་ཏོ། །བདག་ཅག
60b2 གིས་སློང་ཞིང་མཆི་བར་འཚལ་ན་བདག་ཅག་གི་ཚོགས་དང་རྒྱགས་སྦྱོར་ཅིག་ཅེས་གསོལ་པ་དང་། རྒྱལ་པོས་དེའི་ཚོགས་དང་རྒྱགས་སྦྱར་ནས་བྲམ་ཟེ་དེ་དག་ལ་འདི་སྐད་ཅེས་བསྒོའོ། །གལ་ཏེ་ཁྱོད་ཀྱིས་བལ་གླང
60b3 དེ་ཁུགས་ཏེ་འོངས་ན་བྱ་དགའ་ཆེར་སྦྱིན་ནོ་ཞེས་གཙིགས་བྱས་སོ། །དེ་ནས་བྲམ་ཟེ་བརྒྱད་པོ་མཁར་བ་ཐོགས་ཏེ་ལ་ལུང་བགྲོད་ནས་ཡུལ་ཡ་བ་གང་ན་བ་དེར་སོང་ངོ་། །ཡུལ་དེར་ཕྱིན་ནས། རྒྱལ་པོའི་སྒོར་མཁར
60b4 བ་ལ་རྐོམ་ཚུགས་བཅས་ཏེ་རྐང་པ་ཡ་ཅིག་གིས་འགྲེང་ཞིང་སྡོད་དོ། །དེ་ནས་རྒྱལ་བུའི་སྒོ་སྲུངས་ཕོ་བྲང་ནང་དུ་སོང་ནས་ཕྱི་རོལ་ན་བྲམ་ཟེ་དག་ཅིག་ལྷགས་ཏེ། མཁར་བ་ལ་རྐོམ་ཚུགས་བཅས་ནས་རྐང་པ་ཡ་ཅིག
60b5 གིས་འགྲེང་ཞིང་སྡོད་དེ། བདག་ཅག་ནི་ལམ་རིང་པོ་ནས་ཆེད་དུ་འདིར་སློང་དུ་འོངས་སོ་ཞེས་མཆིའོ། །རྒྱལ་བུས་དེ་སྐད་ཅེས་སྨྲས་པ་ཐོས་ནས་རབ་ཏུ་དགའ་སྟེ། མོད་ལ་ཕྱི་རོལ་དུ་བྱུང་ནས་བསུས་ཏེ་ཕྱག་བྱས
60b6 སོ། །དཔེར་ན་ཕ་དང་བུ་ཕྲད་པ་ཙམ་དུ་གཅིག་ལ་གཅིག་གིས་སྤྲོ་བའི་ཚིག་གིས་ཁྱེད་གང་ཕྱོགས་ནས་འོངས་ལམ་དུ་ཉོན་མ་མོངས་སམ། ཅི་འདོད་ཅི་སློང་ན་རྐང་པ་ཡ་ཅིག་འགྲེང་ཞེས་དྲིས་སོ། །བྲམ་ཟེ་བརྒྱད
60b7 པོས་སྨྲས་པ། བདག་ཅག་ནི་རྒྱལ་བུ་ཁྱོད་སྦྱིན་པ་སྦྱིན་པ་ལ་རབ་ཏུ་དགའ་བས་ཕ་རོལ་པོ་ཅི་སློང་ཡང་ཡིད་དང་འགལ་བར་མི་མཛད་དོ་ཞེས་རྒྱལ་བུའི་ཡོན་ཏན་ཕྱོགས་མཚམས་བརྒྱད་དང་། ཡར་ནི་སྟེང་གི་གནམ་ལ
60b8 ཐུག་མར་ནི་སའི་མཐིལ་ལ་ཐུག་པ་མན་ཅད་དུ་གྲགས་པས་ན། ཁྱོད་ཀྱི་སྦྱིན་པའི་ཡོན་ཏན་ནི་བསམ་གྱིས་མི་ཁྱབ་སྟེ། ཉེ་རིང་ཐམས་ཅད་ཀྱིས་བསྟོད་ཅིང་བསྒྲགས་པས་གང་ཡང་མ་ཐོས་པ་འམ་མི་ཤེས་པ་མེད་དེ
iiif viewer powered by OpenSeadragon
