| e-texts navigator |
| Wylie |
57b1 དེ་དག་གིས་སྨྲས་པ། གང་གི་ཚེ་ལྷའི་དཔལ་དང་སྐུ་སྐལ་དང་ལྡན་པར་གྱུར་པ་དེའི་ཚེ། བདག་ཅག་ལྷའི་ཞབས་འབྲིང་ན་རྩེ་ཞིང་དགའ་ལ་ལོངས་སྤྱོད་པ་ལགས་ན། འདི་ལྟ་སྟེ་བདག་ཅག་ལྷའི་དུས་ཕྱི་མ་དང་དུས་ཚོད་ཕྱི་མ་ཡོངས་སུ་གཏང
57b2 བ་ག་ལ་ཞིག་བཟོད། དེ་ནས་རྒྱལ་པོ་གསེར་མདོག་རབ་ཏུ་ངུས་ཏེ་མཆི་མ་ཕྱུང་ངོ་། །མཆི་མ་དེ་ལེགས་པར་ཕྱིས་ནས་རྩིས་པ་དང་སྣ་ཆེན་པོ་ལ་གཏོགས་པ་དང་བློན་པོ་དང་སྒོ་བ་དང་འཁོར་རྣམས་ལ་འདི་སྐད་ཅེས་སྨྲས་སོ། །གྲོང་གི་གཙོ་བོ
57b3 དག་རང་རང་གི་གནས་ཇི་ལྟ་བ་བཞིན་དེངས་ཤིག་། ཐམས་ཅད་ཀྱིས་ཁང་བཟངས་འདིར་བཀྲེས་པ་དང་སྐོམ་པ་དག་གིས་འཆི་བའི་དུས་མ་བྱེད་ཅིག་།དེ་ནས་རྩིས་པ་དང་སྣ་ཆེན་པོ་ལ་གཏོགས་པ་དང་བློན་པོ་དང་། སྒོ་བ་དང་འཁོར་རྣམས
57b4 རབ་ཏུ་ངུས་ཏེ་མཆི་མ་ཕྱུང་ངོ་། །མཆི་མ་ལེགས་པར་ཕྱིས་ནས། རྒྱལ་པོ་གསེར་མདོག་ག་ལ་བ་དེར་སོང་སྟེ་ཕྱིན་ནས་རྒྱལ་པོ་གསེར་མདོག་གི་རྐང་པ་གཉིས་ལ་ཕྱག་འཚལ་ཏེ། ཐལ་མོ་སྦྱར་ནས། རྒྱལ་པོ་གསེར་མདོག་ལ
57b5 འདི་སྐད་ཅེས་སྨྲས་སོ། །བདག་ཅག་གིས་ལྷའི་ཞལ་ལྟ་བའི་ཕྱི་མ་དེང་ལགས་ཏེ། བདག་ཅག་གིས་གང་ཅུང་ཟད་ལྷའི་བཀའ་ལ་འགལ་བ་ཅི་བགྱིས་པ་བཟོད་པར་གསོལ་ལོ། །འདི་ལྟ་སྟེ་བཅོམ་ལྡན་འདས་རང་སངས་རྒྱས་དེས
57b6 བསོད་སྙོམས་དེ་ཡོངས་སུ་ཟོས་སོ། །དེ་ནས་སྐད་ཅིག་དེ་ཉིད་ལ་ཕྱོགས་བཞི་ཀུན་ནས་སྤྲིན་སྟུག་པོ་བཞི་ལངས་སོ། །རླུང་གྲང་བ་ཡང་ལངས་ཏེ། དེའི་ཚེ་འཛམ་བུའི་གླིང་ཕྱགས་སོ། །དེ་ནས་དེའི་དུས་ཀྱི་བྱེ་བྲག་ལ་བཅལ་བར་བྱ་བ་དང་།
57b7 བཟའ་བར་བྱ་བ་རྣམ་པ་སྣ་ཚོགས་ཀྱི་ཆར་བབ་སྟེ། བཟའ་བར་བྱ་བའི་དངོས་པོ་འདི་ལྟ་བུ་འབྲས་ཆན་དང་ཕྱེ་དང་ཟན་དྲོན་དང་ཤ་དང་ཉ་ཤ་དང་བཟའ་བར་བྱ་བའི་དངོས་པོ་འདི་ལྟ་བུ། བཅའ་བར་བྱ་བ་ལ་ཕུག་དང་བཟའ་བར་བྱ་བ་ལོ་མ་དང་བཟའ
57b8 བ་ཨར་བྱ་བ་མེ་ཏོག་དང་བཟའ་བར་བྱ་བ་འབྲས་བུ་དང་བཟའ་བར་བྱ་བ་ཏིལ་དང་བཟའ་བར་བྱ་བ་ཏིལ་མར་དང་བཟའ་བར་བྱ་བ་བུར་མར་དང་བཟའ་བར་བྱ་བ་ཁ་ར་དང་གཞན་ཡང་བཟའ་བར་བྱ་བ་དང་བཅའ་བར་བྱ་བ་དང་མྱང་བར་བྱ་བ་རྣམ་པ་མང
iiif viewer powered by OpenSeadragon
