| e-texts navigator |
| Wylie |
57a1 གཙོ་བོ་ཁྱིམ་ན་བཟའ་བ་ཅུང་ཟད་ཡོད་ན་དྲང་སྲོང་འདི་ལ་དབུལ་བར་བྱའོ། །དེས་སྨྲས་པ། གང་ལྷ་ཉིད་མཁྱེན་པ་ལགས་ཏེ། འཛམ་བུའི་གླིང་གི་ཟས་ལ་སོགས་པ་ཐམས་ཅད་ཡོངས་སུ་བས་སོ། །གཞན་དུ་ན་ལྷ་ཉག
57a2 གཅིག་བཤོས་ཀྱི་ལྷག་མ་བྲེའུ་ཆུང་གང་ཞིག་མཆིས་སོ། །དེ་ནས་རྒྱལ་པོ་གསེར་མདོག་འདི་སྙམ་དུ་གྱུར་ཏེ། གལ་ཏེ་ཟོས་ན་ནི་འཚོ་ཅི་སྟེ་མ་ཟོས་ན་ནི་འཆིའོ་སྙམ་མོ། །དེ་ཡང་འདི་སྙམ་དུ་གྱུར་ཏེ། གལ་ཏེ་ཟོས་ཀྱང་ངེས་པར་བདག
57a3 འཆི་བར་འགྱུར་ཏེ། འཚོ་བས་ཆོག་གིས་ཇི་ལྟར་ན་འདི་འདྲ་བའི་དྲང་སྲོང་ཚུལ་ཁྲིམས་དང་ལྡན་པ་དགེ་བའི་ཆོས་ཅན་དེ། དེ་ནས་རྒྱལ་པོ་གསེར་མདོག་གིས་རྩིས་པ་དང་སྣ་ཆེན་པོ་ལ་གཏོགས་པ་དང་སྒོ་བ་དང་འཁོར་རྣམས་བསྡུས
57a4 ནས་འདི་སྐད་ཅེས་སྨྲས་སོ། །གྲོང་གི་གཙོ་བོ་དག་ཀྱི་ཧུད། འདི་ནི་གསེར་མདོག་གི་སྦྱིན་པ་གཏོང་བ་ཐ་མ་ཡིན་ཏེ། རྗེས་སུ་ཡི་རང་བར་གྱིས་ཤིག་།དགེ་བའི་རྩ་བ་འདིས་འཛམ་བུའི་གླིང་གི་མི་ཐམས་ཅད་ཀྱི་དབུལ་བ་ཡང་དག
57a5 པར་གཅོད་པར་གྱུར་ཅིག་། དེ་ནས་རྒྱལ་པོ་གསེར་མདོག་གིས་ཟས་བྲེའུ་ཆུང་གང་ཡོད་པ་དེ། བཅོམ་ལྡན་འདས་རང་སངས་རྒྱས་དེའི་ལྷུང་བཟེད་ཏུ་བླུགས་ནས། བཅོམ་ལྡན་འདས་རང་སངས་རྒྱས་དེའི་ལག་པ་གཡས་པར
57a6 ལྷུང་བཟེད་བྱིན་ནོ། །གང་རང་སངས་རྒྱས་ཀྱི་ལུས་ཀྱིས་ཆོས་སྟོན་པ་ནི་ཆོས་ཉིད་དེ་ཚིག་གིས་ནི་མ་ཡིན་ནོ། །དེ་ནས་བཅོམ་ལྡན་འདས་རང་སངས་རྒྱས་དེ་རྒྱལ་པོ་གསེར་མདོག་གི་བསོད་སྙོམས་བླངས་ནས། འདི་ལྟར
57a7 རྫུ་འཕྲུལ་གྱིས་ནམ་མཁའ་ལ་སོང་ངོ་། །དེ་ནས་རྒྱལ་པོ་གསེར་མདོག་ཐལ་མོ་སྦྱར་ནས། མིག་རྒྱང་གིས་སོད་དག་གི་བར་དུ་མིག་མི་འཛུམས་པར་བལྟས་སོ། །དེ་ནས་རྒྱལ་པོ་གསེར་མདོག་གིས། རྩིས་པ་དང་སྣ་ཆེན་པོ
57a8 ལ་གཏོགས་པ་དང་བློན་པོ་དང་སྒོ་བ་དང་འཁོར་རྣམས་བོས་ནས་འདི་སྐད་ཅེས་སྨྲས་སོ། །གྲོང་གི་གཙོ་བོ་དག་རང་རང་གི་གནས་ཇི་ལྟ་བ་བཞིན་དེང་ཤིག་།ཁང་བཟངས་འདིར་བཀྲེས་པ་དང་སྐོམ་པས་འཆི་བའི་དུས་མ་བྱེད་ཅིག་།
iiif viewer powered by OpenSeadragon
