| e-texts navigator |
| Wylie |
56b1 སངས་རྒྱས་དེ། རྒྱང་རིང་པོ་ནས་འདི་ལྟར་འོང་བ་ན། སྣ་ཆེན་པོ་ལ་གཏོགས་པ་གཅིག་གིས་མཐོང་ངོ་། །མཐོང་ནས་སྣ་ཆེན་པོ་ལ་གཏོགས་པ་དག་བོས་ནས། གྲོང་གི་གཙོ་བོ་དག་ལྟོས་ཤིག་།འདི་ལྟར་རྒྱང་རིང་པོ་ནས་བྱ་དམར་པོ
56b2 འཕུར་བ་ཞིག་འོང་ངོ་། །སྣ་ཆེན་པོ་ལ་གཏོགས་པ་གཉིས་པས་སྨྲས་པ། གྲོང་གི་གཙོ་བོ་དག་འདི་ནི་བྱ་དམར་པོ་འཕུར་བ་མ་ཡིན་གྱི། འདི་ནི་སྲིན་པོ་མདངས་འཕྲོག་པ་ཞིག་འོང་སྟེ། འདིས་ནི་དེང་བདག་ཅག་ཟོས་པར་འགྱུར་རོ། །
56b3 དེ་ནས་རྒྱལ་པོ་གསེར་མདོག་ལག་པ་གཉིས་ཀས་བཞིན་ལེགས་པར་ཕྱིས་ཏེ། སྣ་ཆེན་པོ་རྣམས་ལ་སྨྲས་པ། གྲོང་གི་གཙོ་བོ་དག་འདི་ནི་བྱ་དམར་པོ་འཕུར་བ་མ་ཡིན་ལ། སྲིན་པོ་མདངས་འཕྲོག་པ་ཡང་མ་ཡིན་ནོ། །འདི་ནི་དྲང་སྲོང་སྟེ།
56b4 བདག་ཅག་ལ་སྙིང་བརྩེ་བའི་ཕྱིར་འོང་ངོ་། །དེ་ནས་བཅོམ་ལྡན་འདས་རང་སངས་རྒྱས་དེ། རྒྱལ་པོ་གསེར་མདོག་གི་ཁང་བཟངས་ཀྱི་སྟེང་དུ་བབས་སོ། །དེ་ནས་རྒྱལ་པོ་གསེར་མདོག་ལངས་ནས་བཅོམ་ལྡན་འདས་རང་སངས་རྒྱས
56b5 དེ་བསུས་ནས། བཅོམ་ལྡན་འདས་རང་སངས་རྒྱས་དེའི་ཞབས་ལ་མགོ་བོས་ཕྱག་འཚལ་ཏེ། སྟན་བཤམས་པ་ལ་བཞུགས་པར་གསོལ་ཏོ། །དེ་ནས་རྒྱལ་པོ་གསེར་མདོག་གིས། བཅོམ་ལྡན་འདས་རང་སངས་རྒྱས་དེ་ལ་འདི
56b6 སྐད་ཅེས་སྨྲས་སོ། །དྲང་སྲོང་ཅིའི་ཕྱིར་འདིར་བྱོན། དྲང་སྲོང་གིས་སྨྲས་པ། རྒྱལ་པོ་ཆེན་པོ་ཟས་ཀྱི་ཕྱིར་རོ། །དེ་ནས་རྒྱལ་པོ་གསེར་མདོག་རབ་ཏུ་ངུས་ཏེ་མཆི་མ་ཕྱུང་ནས། ཨེ་མའོ་བདག་དབུལ་ཏེ་འདི་ལྟར་འཛམ་བུའི་གླིང་གི་དབང་ཕྱུག་དམ
56b7 པ་བྱས་ཀྱིས་ཀྱང་དྲང་སྲོང་གཅིག་ལ་བསོད་སྙོམས་དབུལ་བར་མ་ནུས་སོ། །དེ་ནས་རྒྱལ་པོའི་ཕོ་བྲང་གསེར་ཅན་ན་གནས་པའི་ལྷ་དེས། རྒྱལ་པོ་གསེར་མདོག་ལ་ཚིགས་སུ་བཅད་དེ་སྨྲས་པ། ཅི་ཞིག་སྡུག་བསྔལ་ཡིན་ཞེ་ན་ནི་དབུལ་བ
56b8 འོ། །ཤིན་དུ་སྡུག་བསྔལ་གང་ཡིན་དབུལ་བ་དེ་ཉིད་དེ། །དབུལ་བ་དག་ནི་ནང་ན་ཤི་དང་མཚུངས་པར་གྱུར་པ་སྟེ། །བདག་ནི་ཤི་ཡང་སླའི་དབུལ་བ་མི་འདོད་དོ། །དེ་ནས་རྒྱལ་པོ་གསེར་མདོག་གིས་མཛོད་པ་བོས་ནས། འདི་སྐད་ཅེས་སྨྲས་སོ། །གྲོང་གི
iiif viewer powered by OpenSeadragon
