| e-texts navigator |
| Wylie |
55b1 པ་དང་བུད་མེད་དང་ཁྱེའུ་དང་བུ་མོ་རྣམས་ཤི་བར་གྱུར་ཏོ། །དེའི་ཚེ་ན་འཛམ་བུའི་གླིང་གི་ཟས་ལ་སོགས་པ་ཐམས་ཅད་ཡོངས་སུ་ཟད་དེ། །གཞན་དུ་ན་རྒྱལ་པོ་གསེར་མདོག་ལ་ཟས་ཀྱི་ལྷག་མ་བྲེའུ་ཆུང་གང་ཞིག་ཡོད་དོ། །དེའི་ཚེ་དུས
55b2 གཞན་ཞིག་ན། བསྐལ་པ་བཞི་བཅུར་སྤྱད་པའི་བྱང་ཆུབ་སེམས་དཔའ་ཞིག་།མི་མཇེད་ཀྱི་འཇིག་རྟེན་གྱི་ཁམས་འདིར་ཕྱིན་པར་གྱུར་ཏོ། །བྱང་ཆུབ་སེམས་དཔའ་དེས་གཞན་ཞིག་ཏུ། ནགས་ཁྲོད་ཞིག་ན། བུ་དང་མ
55b3 གཉིས་ཉལ་པོ་བྱེད་པ་ཞིག་མཐོང་ངོ་། །མཐོང་ནས་ཀྱང་འདི་སྙམ་དུ་གྱུར་ཏེ། ཨེ་མའོ་ཉོན་མོངས་སོ། །སེམས་ཅན་འདི་དག་ནི་ཉོན་མོངས་སོ། །གང་གི་ཚེ་ཟླ་བ་དགུ་རུམ་དེ་ཉིད་ཏུ་གནས་ལ། དེ་ཉིད་ཀྱི་ནུ་མ་ལ
55b4 འཐུངས་ནས། དེ་ཉིད་ཏུ་དེ་ལྟར་བྱེད། འདི་འདྲ་བའི་སེམས་ཅན་ཆོས་མ་ཡིན་པའི་འདོད་ཆགས་ཀྱིས་ཞེན་པ། ལོག་པར་ལྟ་བ་འདོད་པ་མི་བཟད་པས་ཟིལ་གྱིས་ནོན་པ། ཕར་མི་འཛིན་པ་མར་མི་འཛིན་པ་དགེ་སྦྱོང་དུ་མི་འཛིན་པ
55b5 བྲམ་ཟེར་མི་འཛིན་པ་རིགས་ཀྱི་རྒན་རབས་ལ་བཀུར་སྟི་མི་བྱེད་པ་རྣམས་ཀྱིས་བདག་ཆོག་སྟེ། འདི་འདྲ་བའི་སེམས་ཅན་རྣམས་ཀྱི་དོན། བྱང་ཆུབ་ཀྱི་སྤྱོད་པ་སྤྱད་པར་སུ་ཞིག་སྤྲོ། བདག་ནི་ངེས་པར་བདག་གཅིག་པུའི་དོན
55b6 བསྒྲུབ་པོ་སྙམ་མོ། །དེ་ནས་བྱང་ཆུབ་སེམས་དཔའ་དེ་གཞན་དུ་ཤིང་ལྗོན་པའི་དྲུང་ག་ན་བ་དེར་སོང་སྟེ་ཕྱིན་ནས། ཤིང་ལྗོན་པའི་དྲུང་དེར་སྐྱིལ་མོ་དཀྲུང་བཅས་ནས་ལུས་བསྲང་སྟེ། དགའ་བ་དང་བདེ་བ་དང་དྲན་པ་མངོན་དུ
55b7 བཞག་ནས་འདུག་གོ། །དེ་ནས་བྱང་ཆུབ་སེམས་དཔའ་དེ་ཉེ་བར་ལེན་པའི་ཕུང་པོ་ལྔ་རྣམས་ལ། སྐྱེ་བ་དང་འཇིག་པར་རྗེས་སུ་ལྟ་ཞིང་གནས་ཏེ། འདི་ནི་གཟུགས་ཏེ། གཟུགས་འདི་ནི་སྐྱེ་བའོ། །གཟུགས་འདི་ནི
55b8 འཇིག་པའོ། །འདི་ནི་ཚོར་བ། འདི་ནི་འདུ་ཤེས། འདི་ནི་འདུ་བྱེད། འདི་ནི་རྣམ་པར་ཤེས་པ་སྟེ། རྣམ་པར་ཤེས་པ་འདི་ནི་སྐྱེ་བའོ། །རྣམ་པར་ཤེས་པ་འདི་ནི་འཇིག་པའོ་ཞེས། དེ་ཉེ་བར་ལེན་པའི་ཕུང་པོ་ལྔ་པོ་འདི་རྣམས་ལ་སྐྱེ
iiif viewer powered by OpenSeadragon
