| e-texts navigator |
| Wylie |
54b1 རྒྱལ་པོ་གསེར་མདོག་ལ་འདི་སྐད་ཅེས་སྨྲས་སོ། །ལྷ་མཁྱེན་པར་མཛོད་ཅིག་།དགུང་ལོ་བཅུ་གཉིས་ཀྱི་བར་དུ་ཆར་མི་འབབ་པའི་རྒྱུ་སྐར་ངན་པ་དེ་བྱུང་བར་གྱུར་ཏོ། །དེ་ནས་རྒྱལ་པོ་གསེར་མདོག་དངོས་པོ་བསྒྲགས་པ་དེ་ཐོས
54b2 ནས། རབ་ཏུ་ངུས་ཏེ་མཆི་མ་ཕྱུང་ནས་ཨེ་མའོ་ངའི་འཛམ་བུའི་གླིང་གི་མི་རྣམས། ཨེ་མའོ་ཨེ་མའོ། །ངའི་འཛམ་བུའི་གླིང་གི་མི་རྣམས་ཨེ་མའོ་ཨེ་མའོ། །ངའི་འཛམ་བུའི་གླིང་འབྱོར་པ་དང་། རྒྱས་པ་དང་བདེ
54b3 བ་དང་། ལོ་ལེགས་པ་དང་ཉམས་དགའ་ཞིང་སྐྱེ་བོ་དང་མི་མང་པོས་གང་བ་རྣམས་རིང་པོར་མི་ཐོགས་པ་ཉིད་ཏུ་སྟོང་ཞིང་མི་དང་འབྲལ་བར་འགྱུར་རོ། །དེ་ནས་རྒྱལ་པོ་གསེར་མདོག་ཡུད་ཙམ་ཞིག་མྱ་ངན་དང་སྨྲེ་སྔགས་འདོན་པ
54b4 སངས་ནས། འདི་སྙམ་དུ་གྱུར་ཏེ། གང་འདི་ཕྱུག་ཅིང་ནོར་མང་ལ་ལོངས་སྤྱོད་ཆེ་བ་དེ་དག་ནི་འཚོ་བར་ནུས་ཀྱི། གང་འདི་དབུལ་ཞིང་ནོར་ཉུང་ལ་བཟའ་བཏུང་དང་། ལོངས་སྤྱོད་ཆུང་བ་དེ་དག་ནི། ཅི་ལྟར་བྱེད་ཅིག་གུ། དེ
54b5 འདི་སྙམ་དུ་གྱུར་ཏེ། བདག་གིས་ངེས་པར་འཛམ་བུའི་གླིང་གི་ཟས་ལ་སོགས་པ་ཐམས་ཅད་བསྡུ་བར་བྱའོ། །ཟས་ལ་སོགས་པ་བསྡུས་ཏེ། གྲོང་དང་གྲོང་ཁྱེར་དང་། གྲོང་རྡལ་དང་། རྒྱལ་པོའི་ཕོ་བྲང་འཁོར
54b6 ཐམས་ཅད་ཏུ་བང་བ་གཅིག་བརྩིག་པར་བྱའོ། །བང་བ་གཅིག་བརྩིགས་ཏེ། འཛམ་བུའི་གླིང་གི་མི་ཐམས་ཅད་བཟའ་བ་མཉམ་པར་བགོ་བར་བྱའོ་སྙམ་མོ། །དེ་ནས་རྒྱལ་པོ་གསེར་མདོག་གིས། རྩིས་པ་དང་སྣ་ཆེན
54b7 པོ་ལ་གཏོགས་པ་དང་བློན་པོ་དང་སྒོ་བ་དང་འཁོར་རྣམས་བོས་ཏེ། འདི་སྐད་ཅེས་སྨྲས་སོ། །གྲོང་གི་གཙོ་བོ་དག་ཁྱེད་རྣམས་དེང་ལ་འཛམ་བུའི་གླིང་གི་ཟས་ལ་སོགས་པ་ཐམས་ཅད་སྡུས་ཤིག་།ཟས་ལ་སོགས་པ་བསྡུས
54b8 ཏེ། གཅོལ་ལ་གྲོངས་ཤིག་།གཅལ་ཏེ་བགྲངས་ནས། གྲོང་དང་གྲོང་ཁྱེར་དང་གྲོང་རྡལ་དང་རྒྱལ་པོའི་ཕོ་བྲང་འཁོར་ཐམས་ཅད་ཏུ་བང་བ་བཟང་པོ་གཅིག་བརྩིགས་ཤིག་ཅེས་བསྒོའོ། །དེ་ནས་རྩིས་པ་དང་སྣ་ཆེན་པོ
iiif viewer powered by OpenSeadragon
