| e-texts navigator |
| Wylie |
54a1 བདེ་བ་དང་ལོ་ལེགས་པ་དང་ཉམས་དགའ་ཞིང་སྐྱེ་བོ་དང་མི་མང་པོ་རྣམས་ཀྱིས་གང་ངོ་། །རི་འོར་བ་དྲུག་ཁྲི་ཡོད་དེ། འབྱོར་པ་དང་རྒྱས་པ་དང་བདེ་བ་དང་ལོ་ལེགས་པ་དང་ཉམས་དགའ་ཞིང་སྐྱེ་བོ་དང་མི་མང་པོ
54a2 རྣམས་ཀྱིས་གང་ངོ་། །རྒྱལ་པོ་གསེར་མདོག་གི་བློན་པོ་ཁྲི་བརྒྱད་སྟོང་ཡོད་དོ། །བུད་མེད་སླས་ཉི་ཁྲི་ཡོད་པར་གྱུར་ཏོ། །དེ་ནས་རྒྱལ་པོ་གསེར་མདོག་ཆོས་དང་ལྡན་པའི་ཆོས་ཀྱི་རྒྱལ་པོའི་ཆོས་ཀྱིས་རྒྱལ་སྲིད་བྱེད་པར
54a3 གྱུར་ཏོ། །རྒྱལ་པོ་གསེར་མདོག་ཐམས་ཅད་སྦྱིན་པར་བྱེད་དེ། དེས་ཐ་ན་རང་གི་ལུས་ཀྱི་ཤ་མན་ཆད་ཡོངས་སུ་མི་གཏོང་བ་ཅི་ཡང་མེད་དོ། །དེའི་དུས་ན་མི་རྣམས་ཀྱི་ཚེའི་ཚད་ལོ་བརྒྱད་ཁྲི་བཞི་སྟོང་ཐུབ་པར་གྱུར་ཏོ། །དེའི
54a4 ཚེ་དུས་གཞན་ཞིག་ན། རྒྱལ་པོ་གསེར་མདོག་གཅིག་པུ་དབེན་པར་ནང་དུ་ཡང་དག་འཇོག་ལ་ཞུགས་ནས། སེམས་ཀྱིས་སེམས་ཀྱི་ཡོངས་སུ་རྟོག་པ་འདི་སྙམ་དུ་སྐྱེས་ཏེ། གང་བདག་གིས་ངེས་པར་ཚོང་པ་ཐམས་ཅད
54a5 ལ་ནི། ལ་གཅན་དང་ཤོ་གམ་རྣམས་མི་དབབ་པར་བྱའོ། །འཛམ་བུའི་གླིང་གི་མི་ཐམས་ཅད་ལ་ནི་དཔྱ་དང་སྒྱུ་རྣམས་མི་དབབ་པར་བྱའོ་སྙམ་མོ། །དེ་ནས་རྒྱལ་པོ་གསེར་མདོག་གིས། རྩིས་པ་དང་སྣ་ཆེན་པོ
54a6 ལ་གཏོགས་པ་དང་བློན་པོ་དང་སྒོ་བ་དང་འཁོར་རྣམས་བོས་ཏེ། འདི་སྐད་ཅེས་སྨྲས་སོ། །དེང་ཕྱིན་ཅད་གྲོང་མི་དང་ཚོང་པ་ཐམས་ཅད་ལ་ལ་གཅན་དང་ཤོ་གམ་རྣམས་མི་དབབ་པར་བྱའོ། །འཛམ་བུའི་གླིང་གི་མི
54a7 ཐམས་ཅད་ལ་དཔྱ་དང་སྒྱུ་རྣམས་མི་དབབ་པར་བྱའོ་ཞེས་བསྒོའོ། །དེའི་ཐབས་འདིས་ལོ་མང་པོ་ཞིག་ཏུ་རྒྱལ་སྲིད་བྱེད་པ་ན། དུས་གཞན་ཞིག་གི་ཚེ་ལོ་བཅུ་གཉིས་ཀྱི་བར་དུ་ཆར་མི་འབབ་པའི་རྒྱུ་སྐར་ངན་པ་ཞིག་བྱུང་བར་གྱུར་ཏོ། །
54a8 དེའི་ཚེ་བྲམ་ཟེ་མཚན་ཉིད་འདོན་པ་དང་ལྟས་པ་དང་མོ་བ་རྣམས་ས་དང་བར་སྣང་གི་རྒྱུ་སྐར་དང་གཟའ་དང་པ་བ་སངས་རྒྱུ་བ་དག་ཐམས་ཅད་ཀྱི་མཚན་ཉིད་ཤེས་པར་བྱས་ནས། རྒྱལ་པོ་གསེར་མདོག་ག་ལ་བ་དེར་སོང་སྟེ་ཕྱིན་ནས
iiif viewer powered by OpenSeadragon
