| e-texts navigator |
| Wylie |
53b1 ལ་འགོད་པའི་རྣམ་པར་སྨིན་པ་ཤེས་པར་གྱིས་ཤིག་། གང་འདི་ཁམ་ཕྱི་མའི་ཁམ་ཕྱི་མ་གཅིག་པོ་དེ་ཡང་། གཞན་དག་ལ་མ་བྱིན་མ་བགོས་པར་བདག་གིས་མི་བཟའ་བར་གྱིས་ཤིག་།སེར་སྣའི་སེམས་ཀྱི་དྲི་མ་སྐྱེས་པས
53b2 ཀུན་ནས་བཀྲིས་ཏེ་མ་འདུག་ཅིག་། དགེ་སློང་དག་གང་གི་ཕྱིར་ཇི་ལྟར་ངས་སྦྱིན་པའི་འབྲས་བུ་དང་། སྦྱིན་པ་ལ་འགོད་པའི་རྣམ་པར་སྨིན་པ་ཤེས་པ་ལྟར། སེམས་ཅན་རྣམས་ནི་སྦྱིན་པའི་འབྲས་བུ་དང་སྦྱིན་པ་ལ་འགོད་པའི
53b3 རྣམ་པར་སྨིན་པ་མི་ཤེས་ཏེ། དེ་ལྟ་བས་ན་སེམས་ཅན་རྣམས་གང་འདི་ཁམ་ཕྱི་མའི་ཁམ་ཕྱི་མ་གཅིག་པོ་དེ་ཡང་། གཞན་དག་ལ་མ་བྱིན་མ་བགོས་པར་བདག་ཉིད་ཟ་བར་བྱེད། སེར་སྣའི་སེམས་ཀྱི་དྲི་མ་སྐྱེས་པས
53b4 ཀུན་ནས་དཀྲིས་ཏེ་འདུག་གོ། །དེ་ཅིའི་ཕྱིར་ཞེ་ན། དགེ་སློང་དག་སྔོན་བྱུང་བ་འདས་པའི་དུས་ན། རྒྱལ་པོ་གསེར་མདོག་ཅེས་བྱ་བ། གཟུགས་བཟང་བ་མཛེས་པ་བལྟ་ན་སྡུག་པ་ཁ་དོག་བཟང་བ་རྒྱས་པ་མཆོག་དང་ལྡན་པ་ཞིག
53b5 བྱུང་ངོ་། །རྒྱལ་པོ་གསེར་མདོག་དེ་ཕྱུག་སྟེ་ནོར་མང་ལ་ལོངས་སྤྱོད་ཆེ་ཞིང་བདག་དབང་བ་མང་བ་དང་དབྱིག་དང་ཡོ་བྱད་མང་བ་དང་ནོར་དང་འབྲུ་དང་ནོར་བུ་དང་མུ་ཏིག་དང་མན་ཤེལ་དང་བྱི་རུ་མང་བ་དང་གསེར་དང་དངུལ་མང་བ་དང་གླང་པོ
53b6 ཆེ་དང་རྟ་དང་བ་ལང་དང་རྟ་རྒོད་མ་མང་བ་དང་མཛོད་དང་བང་བ་ཡོངས་སུ་གང་བ་ཞིག་བྱུང་ངོ་། །རྒྱལ་པོ་གསེར་མདོག་གི་ཕོ་བྲང་གྲོང་ཁྱེར་གསེར་ཅན་ཞེས་བྱ་བར་བཏགས་ཏེ། ཆུར་ནི་ཤར་ནས་ནུབ་ཏུ་དཔག་ཚད་བཅུ་གཉིས
53b7 ཡོད་དོ། །ཞེང་ནི་ལྷོ་ནས་བྱང་དུ་དཔག་ཚད་བདུན་ཡོད་དེ། འབྱོར་པ་དང་རྒྱས་པ་དང་བདེ་བ་དང་ལོ་ལེགས་པ་དང་ཉམས་དགའ་ཞིང་སྐྱེ་བོ་དང་མི་མང་པོ་རྣམས་ཀྱིས་གང་ངོ་། །རྒྱལ་པོ་གསེར་མདོག་ལ་གྲོང་ཁྱེར
53b8 བརྒྱད་ཁྲི་ཡོད་དེ། འབྱོར་པ་དང་རྒྱས་པ་དང་བདེ་བ་དང་ལོ་ལེགས་པ་དང་ཉམས་དགའ་ཞིང་སྐྱེ་བོ་མང་པོ་དང་མི་མང་པོ་རྣམས་ཀྱིས་གང་ངོ་། །གྲོང་ས་ཡ་ཕྲག་ལྔ་བདུན་འབུམ་ཡོད་དེ། འབྱོར་པ་དང་རྒྱས་པ་དང
iiif viewer powered by OpenSeadragon
