| e-texts navigator |
| Wylie |
53a1 འ་དས་ལ་དགེ་སློང་དང་དགེ་སློང་མ་དང་དགེ་བསྙེན་དང་དགེ་བསྙེན་མ་དང་རྒྱལ་པོ་དང་བློན་པོ་ཆེན་པོ་དང་མུ་སྟེགས་ཅན་སྣ་ཚོགས་དང་དགེ་སྦྱོང་དང་བྲམ་ཟེ་དང་སྤྱོད་པ་པ་དང་ཀུན་དུ་རྒྱུ་དང་ལྷ་དང་ཀླུ་དང་གནོད་སྦྱིན་དང་དྲི་ཟ
53a2 དང་ལྷ་མ་ཡིན་དང་ནམ་མཁའ་ལྡིང་དང་མི་འམ་ཅི་དང་ལྟོ་འཕྱེ་ཆེན་པོ་རྣམས་ཀྱིས་བཀུར་སྟི་བྱས་བླ་མར་བྱས་རི་མོར་བྱས་ཤིང་མཆོད་དོ། །བཅོམ་ལྡན་འདས་ཀྱིས་ཆོས་གོས་དང་ཞལ་ཟས་དང་གཟིམས་ཆ་དང་སྙུན་གྱི་རྐྱེན
53a3 སྨན་དང་ལྷ་དང་མི་རྣམས་ཀྱི་ཡོ་བྱད་དམ་པ་རབ་ཏུ་མང་པོ་ཡང་བརྙེས་ཏེ། དེ་དག་ལ་བཅོམ་ལྡན་འདས་རྗེས་སུ་ཆགས་པ་ཡང་མི་མངའ་སྟེ། པད་མ་ལ་ཆུ་མི་ཆགས་པ་དེ་བཞིན་ནོ། །བཅོམ་ལྡན་འདས་ཀྱི་རང་བཞིན
53a4 ནི་འདི་ལྟ་སྟེ། རྒྱ་ཆེ་ཞིང་དགེ་ལ་གྲགས་པ་དང་སྒྲ་དང་ཚིགས་སུ་བཅད་པས་མངོན་པར་འཕགས་པ་སྟེ། འདི་ལྟར་བཅོམ་ལྡན་འདས་དེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས
53a5 རིག་པ་དང་ཞབས་སུ་ལྡན་པ་བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་དེ། ལྷ་དང་བཅས་པའི་འཇིག
53a6 རྟེན་དང་བདུད་དང་བཅས་པ་དང་ཚངས་པ་དང་བཅས་དགེ་སྦྱོང་དང་བྲམ་ཟེར་བཅས་པ་དང་ལྷ་དང་མིར་བཅས་པ་འདི་རྣམས་རང་གི་མངོན་པར་མཁྱེན་པས་མངོན་སུམ་དུ་མཁྱེན་པར་མཛད་ནས་དམ་པའི་ཆོས་སྟོན་ཏེ། ཐོག
53a7 མར་དགེ་བ་བར་དུ་དགེ་བ་ཐ་མར་དགེ་བ་དོན་བཟང་པོ་ཚིག་འབྲུ་བཟང་པོ་མ་འདྲེས་པ་ཡོངས་སུ་རྫོགས་པ་ཡོངས་སུ་དག་པ་རྣམ་པར་བྱང་བ་ཚངས་པར་སྤྱོད་པ་ཡང་དག་པར་རབ་ཏུ་སྟོན་ཏོ། །དེ་ནས་བཅོམ་ལྡན་འདས
53a8 ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ཇི་ལྟར་ངས་སྦྱིན་པའི་འབྲས་བུ་དང་སྦྱིན་པ་ལ་འགོད་པའི་རྣམ་པར་སྨིན་པ་ཤེས་པ་ལྟར། སེམས་ཅན་རྣམས་ཀྱིས་ཀྱང་སྦྱིན་པའི་འབྲས་བུ་དང་སྦྱིན་པ
iiif viewer powered by OpenSeadragon
