| e-texts navigator |
| Wylie |
221a1 ཉིད་པ་དང་། མཚན་མ་མེད་པ་སྤུན་པ་ལ་སོགས་པར་སྐྱེའོ། །མི་ཞེ་སྡང་ཆེ་བ་ནི་སྦྲུལ་གདུག་པ་དང་། སེང་གེ་དང་། སྟག་དང་། སྤྱང་ཀི་དང་། དོམ་དང་། དྲེད་དང་། བྱི་ལ་དང་། ཁྲ་ལ་སོགས་པ་ཐམས
221a2 ཅད་དུ་སྐྱེའོ། །ཅི་སྟེ་མི་ལུས་ཐོབ་ན་ཡང་བྱ་དང་། ཕག་དང་། གསོད་པ་ལ་དད་ཅིང་། རྔོན་པ་དང་། བཙོན་རྫིར་འགྱུར་རོ། །གཏི་མུག་ཆེ་ཞིང་དགེ་མི་དགེའི་བྱེ་བྲག་མི་ཕྱེད་པ་ནི་ཚེ་ཕྱི་མ་ལ་བལ་གླང་དང་། ཕག་དང་། བ་ལང་དང་།
221a3 ལུག་དང་། མ་ཧེ་དང་། ཤིག་དང་། ལྗི་བ་དང་། སྦྲང་མ་དང་། མཆུ་བསྙུང་དང་། གྲོག་མོ་ལ་སོགས་པར་སྐྱེའོ། །ཅི་སྟེ་མི་ལུས་ཐོབ་ན་ཡང་། འོན་པ་དང་། དམུས་ལོང་དང་། ལྐུགས་པ་དང་། ལྦ་བ་ཅན་དང་། སྒུར
221a4 པོ་ལ་སོགས་པར་སྐྱེའོ། །ཡན་ལག་མ་ཚང་བ་དང་། དབང་པོ་མ་ཚང་བའི་ལུས་སུ་འགྱུར་ཏེ། ཆོས་ལ་ནན་ཏན་བྱེད་མི་ནུས་སོ། །རྒྱགས་ཤིང་དྲེགས་པ་ནི་ཚེ་ཕྱི་མ་ལ་མི་གཙང་བའི་ནང་གི་སྲིན་བུ་དང་། རྔ་མོ་དང་། བོང
221a5 བུ་དང་། ཁྱི་དང་། རྟ་ལ་སོགས་པར་སྐྱེའོ། །ཅི་སྟེ་མི་ལུས་ཐོབ་ན་ཡང་བྲན་ཁོལ་དུ་སྐྱེའོ། །དབུལ་ཕོངས་ཏེ་སློངས་མོ་བྱེད་ལ་ཐམས་ཅད་ཀྱིས་བརྙས་ཤིང་དམད་པར་འོང་ངོ་། །གང་དབང་པོ་ཡོད་པས་བྲན་དུ་གཟེར་ཞིང
221a6 གཞན་གྱི་ནོར་ལ་ལེན་པ་ནི་ཚེ་ཕྱི་མ་ལ་ཤལ་མ་ལིའི་སེམས་ཅན་དམྱལ་བར་ལྟུང་སྟེ། སེམས་ཅན་ཁྲི་ཕྲག་བརྒྱད་སྟོང་སྙེད་སོས་ཤ་གཅོད་ཅིང་ཟ་བར་འགྱུར་རོ། །ཚེ་འདི་ལ་ཕ་རོལ་པོ་འགྲེང་དུ་མི་དགའ་བ་ནི་ཚེ་ཕྱི་མ་ལ་བ
221a7 ལང་གི་ལུས་སུ་སྐྱེ་སྟེ། རྐང་ལག་རེངས་ཤིང་ཉལ་མི་ཤེས་པས་གཉིད་ལོག་ཏུ་མེད་པར་འགྱུར་རོ། །ཚེ་འདི་ལ་མཆོད་སྟོན་ཟོས་པའི་ནུབ་མོ་ཟས་ཟོས་ན་ཚེ་ཕྱི་མ་ལ་འདྲེ་ལྟོགས་སུ་འགྱུར་རོ། །ལོ་ཁྲི་བརྒྱ་སྟོང
221a8 གི་བར་དུ་བཟའ་བ་དང་། བཏུང་བ་རྙེད་པར་མི་འགྱུར་རོ། །ཡན་མན་དུ་འགྲོ་བའི་ཚེ་ཚིགས་ཐམས་ཅད་དུ་མེ་འབར་རོ། །ཚེ་འདི་ལ་སྒྲེན་མོར་འདུག་པར་དད་པ་ནི་སྤུ་ཉུང་བའི་བྱ་རྟག་ཏུ་འབོད་པར་སྐྱེའོ། །ཚེ
iiif viewer powered by OpenSeadragon
