| e-texts navigator |
| Wylie |
219b1 འགྱུར་རོ། །ཚེ་འདི་ལ་ཤན་པ་བྱེད་ཅིང་སེམས་ཅན་མང་པོའི་སྲོག་གཅོད་པ་ནི་རལ་གྲི་དང་། རལ་གྲིའི་ནགས་ཚལ་གྱི་སེམས་ཅན་དམྱལ་བར་ལྟུང་ངོ་། །ཚེ་འདི་ལ་ཁྲ་དང་ཁྱི་ལ་སོགས་པ་གཏོང་ཞིང་རྔོན་པ་བྱེད་པ་ལ་དགའ་བ་ནི་ལྕགས
219b2 ཀྱི་སོག་ལེའི་དམྱལ་བར་ལྟུང་ངོ་། །ཚེ་འདི་ལ་ལོག་པར་གཡེམ་པ་ལ་དད་པ་ཆེ་བ་ནི་ཟངས་ཀྱི་ཀ་བ་དང་། ལྕགས་ཀྱི་ཁྲག་གི་སེམས་ཅན་དམྱལ་བར་ལྟུང་ངོ་། །ཚེ་འདི་ལ་ཆུང་མ་མང་དུ་བླངས་པ་ནི་ལྕགས་ཀྱི་གཏུན་གྱི་དམྱལ་བར་ལྟུང་ངོ་། །
219b3 ཚེ་འདི་ལ་བུད་མེད་སྐྱེས་པ་དང་མང་དུ་ཉལ་བ་ནི་སྦྲུལ་གདུག་པའི་དམྱལ་བར་ལྟུང་སྟེ། ཚེ་འདི་ལ་བསྲེག་ཅིང་བཙོ་བའི་ཐལ་བ་འབབ་པའི་དམྱལ་བར་ལྟུང་སྟེ། ཚེ་འདི་ལ་ཕག་དང་ཁྱིའི་སྤུ་བཏོགས་པས་ནི་ཤིན་ཏུ་བསྐོལ་བའི་དམྱལ་བར
219b4 ལྟུང་ངོ་། །ཚེ་འདི་ལ་ཕག་དང་ཁྱི་དང་རྟའི་འབྲས་བུ་བཏོན་པས་ནི་རྡོ་ཟུག་རྔུའི་དམྱལ་བར་ལྟུང་ངོ་། །ཚེ་འདིའི་ལ་ཆང་མང་དུ་འཐུངས་པ་མྱོས་པ་ཟངས་ཁུ་འཐུངས་པའི་དམྱལ་བར་སྐྱེའོ། །ཚེ་འདི་ལ་སེམས་ཅན་གཏུབས་ཤིང་དམྱལ
219b5 བས་ནི་ལྕགས་ཀྱི་འཁོར་ལོའི་དམྱལ་བར་ལྟུང་ངོ་། །ཚེ་འདི་ལ་དགེ་འདུན་གྱི་ཤིང་ཏོག་བརྐུས་པ་ནི་ལྕགས་ཀྱི་ཐུ་ལུམ་གྱི་དམྱལ་བར་ལྟུང་ངོ་། །ཚེ་འདི་ལ་ཁྱི་དང་ཕག་གི་རྒྱུ་མ་ཟོས་པས་ནི་མི་གཙང་བའི་དམྱལ་བར་ལྟུང་བར་འགྱུར་རོ། །
219b6 ཚེ་འདི་ལ་ཉ་བཤོར་བས་ནི་རལ་གྲིའི་ནགས་ཚལ་གྱི་དམྱལ་བར་ལྟུང་བར་འགྱུར་རོ། །ཚེ་འདི་ལ་མ་ཡར་མོ་བྱས་ཏེ། སྔ་མའི་བུ་ལ་ནེར་པ་བྱེད་པ་ནི་མེའི་ཤིང་དུམ་གྱི་དམྱལ་བར་ལྟུང་བར་འགྱུར་རོ། །ཚེ་འདི་ལ་དབྱེན་བྱེད་པ
219b7 ནི་ལྕགས་ཀྱི་གཤོལ་གྱི་དམྱལ་བར་འགྱུར་རོ། །ཚེ་འདི་ལ་ཚིག་ངན་པས་མི་ལ་སྤྱོ་བས་ནི་ལྕེ་མེད་པའི་དམྱལ་བར་ལྟུང་ངོ་། །ཚེ་འདི་ལ་བརྫུན་ཟེར་བ་ནི་ལྕགས་ཀྱི་གཟེར་བུས་གཟེར་བའི་དམྱལ་བར་ལྟུང་ངོ་། །ཚེ་འདི་ལ
219b8 སྲོག་གཅོད་ཅིང་ལྷའི་སྲིན་ལ་རྗེད་པས་ནི་ལྕགས་ཀྱི་བསྙུང་བུའི་དམྱལ་བར་ལྟུང་ངོ་། །ཚེ་འདི་ལ་བོན་མོ་བྱེད་ཅིང་འདྲེ་བོས་སོ་ཞེས་བརྫུན་ཟེར་ཞིང་ནོར་ལེན་པ་ནི་ཤལ་མ་རིའི་དམྱལ་བར་ལྟུང་ངོ་། །ཚེ་འདི་ལ་བོན་བྱེད་ཅིང
iiif viewer powered by OpenSeadragon
