| e-texts navigator |
| Wylie |
218a1 གར་དང་རོལ་མོ་ལ་དགའ་བ་ནི་རོལ་མོ་མཁན་དུ་སྐྱེའོ། །འདོད་ཆགས་ཆེ་བ་ནི་བྱ་ལས་འོངས་སོ། །ལྦ་བ་ཅན་སྣོག་པ་ལས་འོངས་སོ། །ཁ་དམན་པ་ནི་ཚིག་རྩུབ་མོ་སྨྲ་བ་ལས་འོངས་སོ། །མཚན་དང
218a2 མི་ལྡན་པ་ནི་ཁྱི་དང་། ཕག་དང་། རྟའི་འབྲས་བུ་བཏོན་པ་ལས་འོངས་སོ། །ལྕེ་ཐུང་བ་ནི་བཙུན་པ་དང་བླ་མ་ལ་ཁ་བྱས་པ་དང་ལྐོག་ཏུ་འཕྱས་པ་ལས་འོངས་སོ། །གཞན་གྱི་ཆུང་མ་ལ་གཡེམ་པ་བྱས་པ་ནི་ངང་མོ་དང་ངུར་པར
218a3 སྐྱེའོ། །གཉན་དགུ་ལ་གཡོ་བྱས་པ་ནི་བྱེའུ་མཆིལ་པར་སྐྱེའོ། །མདོ་སྡེ་དང་གཙུག་ལག་གི་ཡི་གེ་སྤྱོད་ཅིང་སེར་སྣས་གཞན་ལ་མི་སྟོན་པ་ནི་ཚེའི་དུས་བྱས་ནས་ཐང་གི་སྲིན་བུར་སྐྱེའོ། །མདའ་གཞུ་ཐོགས་པ་དང་རྟ་ཞོན
218a4 པ་ལ་དགའ་བ་ནི་ཚེ་ཕྱི་མ་ལ་འཕར་བ་དང་སྤྱང་ཀིར་སྐྱེའོ། །སྐྲ་ཐུང་བ་དང་མགོ་རྒྱན་བཏགས་པ་ལ་དགའ་བ་ནི་ཚེ་ཕྱི་མ་ལ་སྲིན་བུ་མཆུ་རིངས་སུ་སྐྱེའོ། །ཉལ་ཞིང་ཟ་བ་ལ་དགའ་བ་ནི་ཚེ་ཕྱི་མ་ལ་ཕག་དུ་སྐྱེའོ། །དར
218a5 མཚོན་གྱི་གོས་ལ་དགའ་བ་ནི་བྱེའུ་ཁྲེའུར་སྐྱེའོ། །མི་སྙན་པ་ཟློས་ཤིང་ཀུ་རེ་ལ་དགའ་བ་ནི་བྱ་ནེ་ཙོ་རུ་སྐྱེའོ། །ཕྲ་མ་བྱེད་པ་ལ་དགའ་བ་ནི་ཚེ་ཕྱི་མ་ལ་ལྟོ་འཕྱེ་མགོ་དྲུག་པར་སྐྱེའོ། །མ་འོས་པར་ཀུ་རེ་བྱེད་པ་ལ
218a6 དགའ་བ་ནི་ཚེ་ཕྱི་མ་ལ་སྲིན་བུ་རྨོངས་པར་སྐྱེའོ། །གཏམ་ངན་སྐྱེལ་བ་ལ་དགའ་བ་ནི་ཚེ་ཕྱི་མ་ལ་སྲིན་བྱར་སྐྱེའོ། །མི་ལ་གནོད་པ་དང་ངན་དུ་དགའ་ཞིང་གཏམ་ལ་སྲེད་པ་ནི་ཚེ་ཕྱི་མ་ལ་ཝར་སྐྱེའོ། །མི་དངངས་པ་ལ་དགའ
218a7 བ་ནི་ཚེ་ཕྱི་མ་ལ་སྲིན་བུ་དོ་ལོག་ཏུ་སྐྱེའོ། །ཚེ་སྔ་མ་ལ་ཤིང་ལྷམ་གྱོན་ཞིང་ལྷ་ཁང་དུ་འགྲོ་བ་ནི་ཚེ་ཕྱི་མ་ལ་རྟར་སྐྱེའོ། །ཚེ་སྔ་མ་ལ་འཕྱེན་བག་མེད་པར་བཏང་བས་ནི་ཚེ་འདི་ལ་སྦུར་བར་སྐྱེའོ། །ཚེ་སྔ་མ་ལ་དགེ་འདུན
218a8 གྱི་རང་འཐག་དང་གཏུན་ལ་སྤྱད་པ་ནི་ཚེ་འདི་ལ་སྲིན་བུ་མགོ་རྡེབས་སུ་སྐྱེའོ། །སེམས་ཅན་གྱི་ཟས་ལ་གེགས་བྱས་པས་ནི་བྱ་ཤིང་རྟ་མོར་སྐྱེའོ། །ཚེ་སྔ་མ་ལ་དགེ་འདུན་གྱི་ཆུ་བརྐུས་པས་ནི་ཉ་དང་རུལ་སྦལ་ལ་སོགས
iiif viewer powered by OpenSeadragon
