| e-texts navigator |
| Wylie |
217b1 འདྲ་བ་ནི་གོས་མི་གཙང་བ་གྱོན་ཏེ་སངས་རྒྱས་ལ་སྙོགས་པ་ལས་འོངས་སོ། །ངམས་གནག་པ་ནི་སངས་རྒྱས་ཀྱི་སྐུ་གཟུགས་ཁྱིམ་མམ་ཁྱམས་སུ་བཞག་པ་ལས་འོངས་སོ། །ཞར་བ་དང་གྱོལ་བ་ནི་མཁན་པོ་དང
217b2 བླ་མ་མཐོང་སྟེ་མི་ལྡང་བ་ལས་འོངས་སོ། །སྒུར་བ་ནི་གོས་མི་གཙང་བ་གྱོན་ཞིང་སངས་རྒྱས་ཀྱི་སྐུ་ལ་རྒྱབ་ཀྱིས་ཕྱོགས་པ་ལས་འོངས་སོ། །དཔྲལ་བ་འབུར་བ་ནི་སངས་རྒྱས་མཐོང་ནས་ཕྱག་གུས་པར་མི་འཚལ་ཞིང
217b3 ལག་པ་དཔྲལ་བར་གཏུགས་པ་ལས་འོངས་སོ། །འཇིང་བ་ཐུང་བ་ནི་བཙུན་པ་དང་བླ་མ་མཐོང་ནས་མགོ་སྨད་ཅིང་བྱོལ་བ་ལས་འོངས་སོ། །མཆིན་པ་ན་བ་ནི་སེམས་ཅན་གྱི་ལུས་གཏུབས་ཤིང་གཙགས་པ་ལས་འོངས་སོ། །
217b4 མཛེ་ཅན་ནི་གཞན་གྱི་ནོར་མ་འོས་པར་བླངས་པ་ལས་འོངས་སོ། །ལུད་པ་མང་བ་ནི་དགུན་མི་གཞན་ལ་ཟས་གྲང་མོ་བྱིན་པ་ལས་འོངས་སོ། །བུ་ཚ་མེད་པ་ནི་བྱ་ཕྲུག་མང་པོ་བསད་པ་ལས་འོངས་སོ། །བུ་ཚ་མང་བ་ནི་སེམས
217b5 ཅན་མང་པོ་གསོས་པ་ལས་འོངས་སོ། །ཚེ་རིང་བ་ནི་སྙིང་རྗེ་ཆེ་བ་ལས་འོངས་སོ། །ཚེ་ཐུང་བ་ནི་སྲོག་གཅོད་པ་ལས་འོངས་སོ། །ཕྱུག་པ་ནི་སྦྱིན་པ་བྱས་པ་ལས་འོངས་སོ། །རྟ་དང་ཤིང་རྟ་བདོག་པ་ནི་དཀོན་མཆོག་གསུམ
217b6 ལ་ཡོན་ཕུལ་བ་ལས་འོངས་སོ། །དབང་པོ་རྣོ་བ་ནི་སློབ་པ་ལ་འགྲུས་པ་དང་མདོ་སྡེ་ཁ་ཏོན་དུ་བྱས་པ་ལས་འོངས་སོ། །རྨུན་པོ་ནི་བྱོལ་སོང་ལས་འོངས་སོ། །བྲན་པོ་དང་བྲན་མོ་བྱེད་པ་ནི་བུ་ལོན་མ་གཞལ་བ་ལས་འོངས་སོ། །
217b7 སྤྲོ་ཐུང་བ་ནི་སྤྲེའུ་ལས་འོངས་སོ། །ཡང་མཛེ་ཅན་ནི་དཀོན་མཆོག་གི་རྟེན་བཤིག་པ་ལས་འོངས་སོ། །ཡན་ལག་མ་ཚང་བ་ནི་སེམས་ཅན་གྱི་རྐང་ལག་བཅད་པ་ལས་འོངས་སོ། །གདུག་པ་ནི་སྦྲུལ་དང་སྡིག་པ་ལས
217b8 འོངས་སོ། །དབང་པོ་དྲུག་ཚང་བ་ནི་ཚུལ་ཁྲིམས་བསྲུངས་པ་ལས་འོངས་སོ། །དབང་པོ་དྲུག་མ་ཚང་བ་ནི་ཚུལ་ཁྲིམས་བཤིག་པ་ལས་འོངས་སོ། །གཙང་སྦྲ་ཆུང་བ་ནི་འཕགས་པ་ལ་མ་མཆོད་པ་ལས་འོངས་སོ། །གླུ
iiif viewer powered by OpenSeadragon
