| e-texts navigator |
| Wylie |
216a1 བའི་ལས་ཀྱི་རྣམ་པར་སྨིན་པ་བསྟན་པའི་མདོ། བམ་པོ་གཅིག་གོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་འཛེ་ཏའི་ཚལ་སྐྱབས་མེད་ཟས
216a2 སྦྱིན་གྱི་ཀུན་དགའ་ར་བ་ན། བྱང་ཆུབ་སེམས་དཔའ་ཚད་མེད་པ་དང་། ལྷ་དང་མིའི་འཁོར་མང་པོས་བསྐོར་ནས་ཆོས་སྟོན་ཅིང་བཞུགས་སོ། །དེ་ནས་དགའ་བོས་འགྲོ་བ་མང་པོའི་དོན་གྱི་ཕྱིར་བཅོམ་ལྡན་འདས་ལ
216a3 འདི་སྐད་ཅེས་གསོལ་ཏོ། །བཅོམ་ལྡན་འདས་ད་ལྟར་འཇིག་རྟེན་གྱི་ཁམས་འདིར་རིགས་འཐུན་པའི་ནང་འདིར་སྐྱེས་པ་ལས། བཟང་པོ་ཡང་མཆིས། མི་སྡུག་པ་ཡང་མཆིས། དྲག་པོ་ཡང་མཆིས། ཞན
216a4 པ་ཡང་མཆིས། དབུལ་པོ་ཡང་མཆིས། ཕྱུག་པོ་ཡང་མཆིས། ཉོན་མོངས་པ་ཡང་མཆིས། བདེ་བ་ཡང་མཆིས། བཙན་པ་ཡང་མཆིས། མ་རབས་ཀྱང་མཆིས། སྐད་ནི་མི་མཚུངས། ཚིག་ནི་མི་མཐུན།
216a5 ལ་ལ་ནི་ལོ་བརྒྱ་ལོན་ནས་འཆི་བ་ཡང་མཆིས། ལ་ལ་ནི་སུམ་བཅུ་འམ། བཅུ་ལོན་ནས་འཆི་བ་ཡང་མཆིས། ལ་ལ་ནི་བྱད་བཞིན་བཟང་ཡང་དབུལ་ལ། ལ་ལ་ནི་མི་སྡུག་པ་ལ་ཕྱུག་པ་ཡང་མཆིས། ཉམས་རྩལ
216a6 ཆེ་བ་ནི་མ་རབས་ཀྱི་ནང་ན་ཡང་མཆིས། ཉམས་རྩལ་ཆུང་ལ་གྲལ་མཐོ་བ་ཡང་མཆིས། ལ་ལ་ནི་ཉོན་མོངས་ལ་ཚེ་རིང་བ་ཡང་མཆིས། ལ་ལ་ནི་སྐྱིད་ཅིང་ཚེ་ཐུང་། ལ་ལ་ནི་ལེགས་པར་སྤྱོད་པ་ལ་བྱུར་དང
216a7 ཕྲད། ལ་ལ་ནི་མི་དགེ་བ་སྤྱོད་པ་ལ་ལེགས་པའི་དོན་དུ་འགྱུར་བ་ཡང་མཆིས། དཀར་ཞིང་ཤ་བཟང་ལ་མི་གཡོ་བ་ཡང་མཆིས། ལ་ལ་ནི་སྔོ་ཞིང་གནག་ལ་མདངས་དང་ལྡན་པ་ཡང་མཆིས། ལ་ལ་ནི་ལུས
216a8 ཆུང་ཞིང་ཐུང་ལ་སྙིང་རྩལ་དང་ལྡན་པ་ཡང་མཆིས། ལ་ལ་ནི་ཆེ་ཞིང་རིང་ཡང་གཞན་གྱི་བྲན་གཡོག་བགྱིད་པ་ཡང་མཆིས། ལ་ལ་ནི་བུ་ཚ་མང་བ་ཡང་མཆིས། ལ་ལ་ནི་རྨང་བ་ཡང་མཆིས། ལ་ལ་ནི་རྟག་པར
iiif viewer powered by OpenSeadragon
