| e-texts navigator |
| Wylie |
206a1 པ་དེ་ནི་གོས་ཡང་ཞིང་སྲབ་པ་དག་བགོས་ནས་དེ་བཞིན་གཤེགས་པའི་སྐུ་གཟུགས་ཀྱི་སྤྱན་སྔར་འོངས་པ་ལས་གྱུར་པ་ཡིན་ནོ། །མིར་གྱུར་ཀྱང་མདོག་གནག་པ་གང་ཡིན་པ་དེ་ནི་དེ་བཞིན་གཤེགས་པའི་སྐུ་གཟུགས
206a2 ཁྱམས་དག་གི་འོག་ཏུ་བཞག་ནས་དུད་པས་བདུགས་པ་ལས་གྱུར་པ་ཡིན་ནོ། །མིར་གྱུར་ཀྱང་རྐང་ལག་ཞ་བོར་གྱུར་པ་གང་ཡིན་པ་དེ་ནི་མཁན་པོ་དང་བླ་མ་རྣམས་མཐོང་ཡང་ལྡང་བ་མེད་པ་ལས་གྱུར་པ་ཡིན་ནོ། །མིར་གྱུར་ཀྱང་སྒུར་པོར
206a3 གྱུར་པ་གང་ཡིན་པ་དེ་ནི་གོས་ཡང་ཞིང་སྲབ་པ་དག་བགོས་ནས་ཕན་ཚུན་དུ་འགྲོ་བའི་ཚེ་དེ་བཞིན་གཤེགས་པའི་སྐུ་གཟུགས་ལ་རྒྱབ་ཀྱིས་ཕྱོགས་པ་ལས་གྱུར་པ་ཡིན་ནོ། །མིར་གྱུར་ཀྱང་འཕྲལ་བ་མི་སྡུག་པ་གང་ཡིན་པ་དེ་ནི་དེ
206a4 བཞིན་གཤེགས་པ་མཐོང་བའི་ཚེ་ཕྱག་ཀྱང་མི་བྱེད་ལ། ལག་པས་འཕྲལ་བར་བརྡབས་པ་ལས་གྱུར་པ་ཡིན་ནོ། །མིར་གྱུར་ཀྱང་གཉའ་བ་ཐུང་བ་གང་ཡིན་པ་དེ་ནི་བླ་མ་དག་མཐོང་ནས་མགོ་སྦས་ཏེ་བྲོས་ནས་བྱོལ་བ་ལས
206a5 གྱུར་པ་ཡིན་ནོ། །མིར་གྱུར་ཀྱང་རྟག་པར་སྙིང་ན་བ་གང་ཡིན་པ་དེ་ནི་སེམས་ཅན་གྱི་ལུས་ཀྱི་ཡན་ལག་བཅད་ཅིང་གཏུབས་པ་ལས་གྱུར་པ་ཡིན་ནོ། །མིར་གྱུར་ཀྱང་མཛེ་ཅན་དུ་གྱུར་པ་གང་ཡིན་པ་དེ་ནི་ཉེས་པ་མེད་པར་གཞན
206a6 དག་གི་ནོར་བླངས་པ་ལས་གྱུར་པ་ཡིན་ནོ། །མིར་གྱུར་ཀྱང་དབུགས་ཐུང་བ་གང་ཡིན་པ་དེ་ནི་དགུན་གྲང་བའི་དུས་ཀྱི་ཚེ་གཞན་དག་ལ་ཟས་གྲང་མོ་དག་བྱིན་པ་ལས་གྱུར་པ་ཡིན་ནོ། །མིར་གྱུར་ཀྱང་བུ་ཁྱེའུ་དང་བུ་མོ་མེད་པར
206a7 གྱུར་པ་གང་ཡིན་པ་དེ་ནི་བྱ་མང་པོ་རྣམས་ཀྱི་ཕྲུ་གུ་བསད་པ་ལས་གྱུར་པ་ཡིན་ནོ། །མིར་གྱུར་ནས་བུ་ཚ་མང་བ་གང་ཡིན་པ་དེ་ནི་སེམས་ཅན་གསོ་བར་དགའ་བ་ལས་འོངས་པ་ཡིན་ནོ། །མིར་གྱུར་ནས་ཚེ་རིང་བ་གང་ཡིན་པ་དེ་ནི
206a8 བྱམས་པའི་སེམས་དང་ལྡན་པ་ལས་འོངས་པ་ཡིན་ནོ། །མིར་གྱུར་ནས་ཚེ་ཐུང་བ་གང་ཡིན་པ་དེ་ནི་སྲོག་ཆགས་མང་པོ་བསད་པ་ལས་གྱུར་པ་ཡིན་ནོ། །མིར་གྱུར་ནས་ཕྱུག་པོར་གྱུར་པ་གང་ཡིན་པ་དེ་ནི་སྦྱིན་པ་བཏང་བ
iiif viewer powered by OpenSeadragon
