| e-texts navigator |
| Wylie |
324a1 སེམས་གཉིས་ཀ་མི་བདེ་བའོ། །ཇི་ལྟར་གང་ཟག་ལས་འདི་ལྟ་བུ་འདུས་པས་ན་ངན་པའི་སར་སྐྱེས་ལ་གཟུགས་ལེགས་པ་དང་། བཟང་པོ་དང་། སྡུག་གུ་དང་། ཁ་དོག་མཛེས་པ་དང་། མདོག་སྣུམ་པ་དང་། མཐོང་ན་དགའ་བའི་ལས
324a2 གང་ཞེ་ན། ཆགས་པ་གཡོས་ཏེ་ཚུལ་ཁྲིམས་ཉམས་པ་དང་ལྡན་པའི་གང་ཟག་ནི་ངན་པའི་སར་སྐྱེས་ལ་གཟུགས་ལེགས་པ་དང་། བཟང་པོ་དང་སྡུག་གུར་འགྱུར་རོ། །ཇི་ལྟར་གང་ཟག་ལས་འདི་ལྟ་བུ་འདུས་པས་ན་ངན་པའི་སར་སྐྱེས་ལ།
324a3 གཟུགས་ངན་པ་དང་། ལུས་རྩུབ་པ་དང་། མི་སྡུག་པ་དང་། མཐོང་ན་མི་སྡུག་པར་འགྱུར་བའི་ལས་གང་ཞེ་ན་ཁྲོ་བ་སྐྱེས་ཤིང་ཁྲིམས་མི་ཐུབ་པ་དང་ལྡན་པའི་གང་ཟག་འདི་ལྟ་བུ་འདུས་པས་ན་ངན་པའི་སར་སྐྱེས་ལ་གཟུགས་ངན་པ་དང་།
324a4 ལུས་རྩུབ་པ་དང་། མི་སྡུག་པར་སྣང་བ་དང་། མཐོང་ན་ཡིད་དུ་མི་འོང་བར་འགྱུར་རོ། །ཇི་ལྟར་གང་ཟག་ལས་འདི་ལྟ་བུ་འདུས་པས་ན་ངན་པའི་སར་སྐྱེས་ལ་དྲི་མི་ཞིམ་པ་དང་། དབང་པོ་མ་ཚང་བ་དང་། དབང་པོ་མི་མཐུན་པར་འགྱུར་བའི
324a5 ལས་གང་ཡིན་ཞེ་ན། གླེན་པར་སྐྱེས་ཤིང་ཁྲིམས་མི་ཐུབ་པ་དང་ལྡན་པ་གང་ཟག་ལས་འདི་ལྟ་བུ་འདུས་པས་ན་ངན་པའི་སར་སྐྱེས་ལ་དྲི་མི་ཞིམ་པ་དང་། དབང་པོ་མ་ཚང་བ་དང་། དབང་པོ་མི་མཐུན་པར་འགྱུར་རོ། །ཇི་ལྟར་མི་དགེ་བ
324a6 བཅུའི་ལས་བྱས་པའི་རྒྱུས་ཕྱི་རོལ་གྱི་ཡུལ་ས་རྣམས་ངན་དུ་འོང་བར་འགྱུར་བ་ཡིན་ཞེ་ན། སྲོག་གཅོད་ན་དེའི་ལས་ཀྱིས་སའི་མདོག་ཉམས་པར་འོང་ངོ་། །མ་བྱིན་པར་བླངས་པ་དེའི་ལས་ཀྱིས་སེར་བ་དང་། བྱེ་བ་དང་། བྱི་བ་དང་། སྲིན་མང
324a7 དུ་འོང་བར་འགྱུར་རོ། །མི་ཚངས་པར་སྤྱོད་པ་བྱས་པས་དེའི་ལས་ཀྱིས་ཁུག་རྣ་དང་། རླུང་དང་རྡུལ་དང་རྡུལ་ཆེན་པོ་འོང་བའི་སར་སྐྱེའོ། །བརྫུན་མང་དུ་བྱས་པའི་ལས་ཀྱི་འབྲས་བུ་ནི་ཁར་མནམ་པོར་འགྱུར་བ། དབུགས་མི་ཞིམ་པར་འོང་ངོ་། །
324a8 ཕྲ་མ་མང་དུ་བྱས་པའི་ལས་ཀྱི་འབྲས་བུ་ནི་ཡུལ་མཐོ་དམན་ཅན་དང་། ལྕང་ལྕོང་ཅན་དང་། མི་གཙང་བ་དང་། ན་རྐོང་དང་། རྡོ་བ་གྲམ་ཁྲོད་ཅན་གྱི་ཡུལ་དུ་སྐྱེའོ། །ཁ་འཁྱལ་པ་བྱས་པའི་ལས་ཀྱི་འབྲས་བུ་ནི་གྲོག་པོ་མང་བ། རྩི་ཤིང་དང་།
iiif viewer powered by OpenSeadragon
