| e-texts navigator |
| Wylie |
322b1 གཅིག་པ་མང་དུ་བདོག་པ་དང་། མཛོད་དང་བང་བ་ཀུན་ཀྱང་གང་བ། ཤིན་ཏུ་བདེ་ཞིང་བཞོན་པ་མང་པོ་དང་ལྡན་པ་དེ་ལྟ་བུ་ནི་སྐྱིད་པ་ཀུན་སྤྱོད་དེ་ཕྱིས་དམས་པ་དང་། ཟད་པར་འགྱུར་ཏེ་མི་བདེ་བར་སོང་བ་ལས་འདི་ལྟ་བུ་འདུས་པའི་གང་ཟག་ནི་སྔར
322b2 བཙན་ཕྱུག་ཅིང་བདེ་ཡང་ཕྱིས་བཀྲེས་ཤིང་དམས་པས་མི་བདེ་བར་འགྱུར་རོ། །ཇི་ལྟར་གང་ཟག་ལས་འདུས་པས་སྔར་མི་བདེ་བ་ལ་ཕྱིས་བདེ་བར་འགྱུར་བའི་ལས་ཀྱི་འབྲས་བུ་ནི་གང་ཡིན་ཞེ་ན། གང་ཟག་སུ་ཡང་རུང་སྟེ།
322b3 སྦྱིན་པ་སྔར་མ་དད་པར་བྱིན་ནས་དད་ཅིང་རངས་པ་སེམས་ཡིད་ལ་སྐྱེས་པའི་གང་ཟག་དེ་ནི་མིར་སྐྱེས་ན་ཡང་དབུལ་པོའི་རིགས་སུ་སྐྱེ་སྟེ། ཟས་དང་སྤྱོད་པ་ཉུང་བ། ཉོན་མོངས་ཤིང་ཟས་དང་གོས་མེད་པ་ལས་ཕྱིས་བཙན་ཕྱུག
322b4 ཅིང་སྐྱིད་པར་གྱུར་ཏེ། ཅི་འང་འཕེལ་ཏེ། ཅིས་ཀྱང་མི་བྲེལ་བར་འགྱུར་བ་འདི་ལྟ་བུའི་གང་ཟག་ནི་སྔར་མི་བདེ་ལ་ཕྱིས་བདེ་བར་གྱུར་པའོ། །ཇི་ལྟར་གང་ཟག་ལས་འདི་ལྟ་བུར་གྱུར་པས་སྔར་ཀྱང་བདེ་ལ་ཕྱིས་ཀྱང་བདེ་བར་འགྱུར་བའི་ལས་གང་ཡིན་ཞེ་ན།
322b5 གང་ཟག་སུའང་རུང་སྟེ་སྦྱིན་པ་བྱིན་པ་ཡང་མང་པོ་དང་རངས་པར་བྱིན། བདག་ཀྱང་ཡིད་དགའ་སྟེ་བྱིན་པས་ཕྱིས་མི་འགྱོད་པའི་གང་ཟག་དེའི་འབྲས་བུ་ནི་མིར་སྐྱེས་ན་ཡང་ཕྱུག་པའི་རིགས་སུ་སྐྱེས་ཏེ། ནོར་མང་པོ་སྤྱོད་པ་དང་། མང་པོའི་ཇོ
322b6 བོར་གྱུར་ནས་བློན་པོ་དང་། གྲོགས་པོ་དང་། གཉེན་དང་རིགས་གཅིག་པ་མང་དུ་བདོག་པ་དང་། བང་མཛོད་ཐམས་ཅད་ཀྱང་གང་བ། ཤིན་དུ་བདེ་ཞིང་བཞོན་པ་མང་པོ་དང་། དེ་ལྟ་བུའི་རིགས་སུ་སྐྱེ་སྟེ། སྐྱིད་པ་དེ་ལྟ་བུའི་ཕྱིར་སྐྱེ་ཞིང་འཕེལ་བར
322b7 འགྱུར་ཏེ། གང་ཟག་ལས་འདི་ལྟ་བུ་འདུས་པས་སྔར་ཡང་བདེ། ཕྱིས་ཀྱང་། བདེ་བར་འགྱུར་རོ། །ཇི་ལྟར་གང་ཟག་ལས་འདི་ལྟ་བུ་འདུས་པས་སྔར་མི་བདེ་ལ་ཕྱིས་ཀྱང་མི་བདེ་བར་འགྱུར་བའི་ལས་ཀྱིས་འབྲས་བུ་ནི་གང་ཡིན་ཞེ་ན།
322b8 གང་ཟག་སུ་ཡང་རུང་སྟེ། དགེ་བའི་གྲོགས་པོ་སྤངས་པ་ཡིན། སུས་ཀྱང་སྦྱིན་པ་ལ་མ་བཅུག་པ་ཡིན། བདག་ཉིད་ཀྱིས་ཀྱང་གཞན་ལ་སྦྱིན་པ་མ་བྱས་པ་ཡིན་པའི་གང་ཟག་དེ་ལྟ་བུ་ནི་མིར་སྐྱེས་ན་ཡང་དབུལ་པོ་བཀྲེས་པ་དང་། ཟས
iiif viewer powered by OpenSeadragon
