| e-texts navigator |
| Wylie |
320b1 མེད་པར་བྱེད་པ། མྱ་ངན་བསྲིངས་པ་ལ་ངན་དུ་སྨྲ་བ། འདོད་པས་ལོག་པར་སྤྱོད་དུ་བཅུག་པ་དང་བཅུའོ། །ཇི་ལྟར་ལས་ཀྱིས་བྱོལ་སོང་དུ་འགྱུར་ཞེ་ན། ཆོས་བཅུས་ན་བྱོལ་སོང་དུ་འགྱུར་ཏེ། བཅུ་གང་ཞེ་ན། ལུས་ཀྱིས་ངན་པར
320b2 འབྲིང་དུ་སྤྱོད་པ། ངག་གིས་ངན་པ་འབྲིང་དུ་སྤྱོད་པ། ཡིད་ཀྱིས་ངན་པ་འབྲིང་དུ་སྤྱོད་པ། འདོད་པ་སྣ་ཚོགས་ཀུན་གཡོས་པའི་ལས་བྱས་པ། ཁྲོ་བ་སྣ་ཚོགས་ཀུན་གཡོས་པའི་ལས་བྱས་པ། གླེན་པ་སྣ་ཚོགས་ཀུན་གཡོས
320b3 པའི་ལས་བྱས་པ། མི་རིགས་པ་བྱིན་པ་བྱོལ་སོང་དུ་འགྱུར་བ་རྣམས་ལ་ཁྲོ་བ། བྱང་ཆུབ་སེམས་དཔའི་སྨོན་ལམ་གྱི་མཐུས་སེང་གེར་སྐྱེས་པ། བྲམ་ཟེ་ཆད་པར་བྱེད་པ། ཁ་ངན་པར་བྱས་པའི་ལན་གྱིས་སྤྲེའུར་སྐྱེས་པ
320b4 ལྟ་བུ་དང་བཅུའོ། །ཇི་ལྟར་ལས་ཀྱིས་རིང་དུ་འཁྱམས་པའི་འཇིག་རྟེན་དུ་སྐྱེ་བར་འགྱུར་ཞེ་ན། ཆོས་བཅུས་ན་རིང་དུ་ཁྱམས་པའི་འཇིག་རྟེན་དུ་སྐྱེས་བར་འགྱུར་ཏེ། ལུས་ཀྱིས་ངན་པ་ཆུང་ངུ་སྤྱོད་པ། ངག་གིས་ངན་པ་ཆུང་ངུ
320b5 སྤྱོད་པ། ཡིད་ཀྱིས་ངན་པ་ཆུང་ངུ་སྤྱོད་པ། ངན་པ་ལ་དད་པ། ཤིན་ཏུ་དད་པ། ལོག་པས་འཚོ་བ། སེར་སྣ་ལ་དད་ཅིང་མི་གཏོང་བ། སྦྱིན་པ་ལ་གེགས་བྱེད་པ། འདོད་པ་ལ་ཆགས་པ་བཞིན་དུ་ཤི་བ། བྲུ་བ་ཚ་ཞིང་སྐོམ་བཞིན་དུ་ཤི་བ་དང
320b6 བཅུའོ། །ཇི་ལྟར་ལས་ཀྱིས་ཨ་སུ་རའི་འཇིག་རྟེན་པར་འགྱུར་ཞེ་ན། ཆོས་བཅུས་ན་ཨ་སུ་རའི་འཇིག་རྟེན་དུ་སྐྱེ་བར་འགྱུར་ཏེ། བཅུ་གང་ཞེ་ན། ཐམས་ཅད་ལ་འང་ལུས་ཀྱིས་ངན་པ་ཅུང་ཟད་སྤྱོད་པ། ཐམས་ཅད་ལའང་ངག་གིས་ངན་པ
320b7 ཆུང་ཟད་སྤྱོད་པ། ཐམས་ཅད་ལ་འང་ཡིད་ཀྱིས་ངན་པ་ཆུང་ཟད་སྤྱོད་པ། ངར་སེམས་པ། མི་མཚུངས་པའི་ང་། ཟླ་ལས་ལྷག་པའི་ང་། གོང་མ་ལས་ལྷག་པའི་ང་། གོང་མ་ལས་ཀྱང་གོང་མའི་ང་། བདག་ལ་མི་སྲིད་པའི་ང་། དགེ་བའི་རྩ
320b8 བ་བསྐྱེད་པ་ལ་ལོག་པར་སྨོན་པ་དང་བཅུ་སྟེ། ཆོས་འདི་བཅུས་ན་ཨ་སུ་རར་སྐྱེ་བར་འགྱུར་རོ། །ཇི་ལྟར་ལས་ཀྱིས་མིའི་འཇིག་རྟེན་དུ་སྐྱེ་བར་འགྱུར་ཞེ་ན། ཆོས་བཅུས་ན་མིའི་འཇིག་རྟེན་དུ་སྐྱེ་བར་འགྱུར་ཏེ། བཅུ་གང་ཞེ་ན། དགེ་བ
iiif viewer powered by OpenSeadragon
