| e-texts navigator |
| Wylie |
319b1 མི་བྱེད་པ། མཁན་པོ་དང་བླ་མ་དང་། ཐར་པར་ཞུགས་པ་རྣམས་ཁྱད་དུ་གསོད་ཅིང་སྲི་ཞུ་མི་བྱེད་པ། རིགས་ཆེན་པོ་ལས་སྐྱེས་པའི་གང་ཟག་རྣམས་སྤོང་བ། རིགས་ཆུང་ངུ་ལས་སྐྱེས་པའི་གང་ཟག་རྣམས་ལ་བཀུར་བ་འདི་དང
319b2 བཅུའོ། །ཇི་ལྟར་ལས་ཀྱིས་ཡ་རབས་སུ་སྐྱེས་པར་འགྱུར་ཞེས་ན། ཆོས་བཅུས་ན་ཡ་རབས་སུ་སྐྱེས་པར་འགྱུར་སྟེ། བཅུ་གང་ཞེ་ན། ཕ་མ་དྲན་པ་ཐར་པར་ཞུགས་པར་ཤེས་པ། བྲམ་ཟེར་ཤེས་པ་རིགས་ཀྱིས་བཙུན་པ་ལ་བཀུར་བ།
319b3 མཁན་པོ་དང་། བླ་མ་དང་། ཐར་པར་ཞུགས་པ་རྣམས་དང་། ཐར་པར་སྤྱོད་པ་གཞན་ལ་ཡང་སྟན་ལས་ལངས་ཏེ་སྤག་ཅིང་སྟི་སྟང་རི་མོ་དང་། སྟན་ལ་སོགས་པ་སྟོབས་པ་དང་། ཕ་མ་ལ་སྲི་ཞུ་བྱེད་པ་དང་། མཁན་པོ་དང་། བླ་མ
319b4 ཐར་པར་ཞུགས་པ་རྣམས་ལ་གཞན་ལ་ཡང་སྲི་ཞུ་བྱེད་པ། ཡ་རབ་དང་། མ་རབས་སུ་ཡང་ཁྱད་པར་མི་འབྱེད་ཅིང་སྙོམས་པ། ཡང་དག་པར་གཤེགས་པའི་མཆོད་རྟེན་གྱིས་སྲོག་ཤིང་འཛུགས་པ། མེ་ཏོགས་གི་འཕྲེང་བ་དང་།
319b5 གདུགས་འཛུགས་པ་དང་བཅུའོ། །ཇི་ལྟར་ལས་ཀྱིས་དབུལ་པོར་འགྱུར་ཞེ་ན། ཆོས་བཅུས་ན་དབུལ་པོར་འགྱུར་ཏེ། བཅུ་གང་ཞེ་ན། མ་བྱིན་པར་ལེན་པར་འཇུག་པ། མ་བྱིན་པར་ལེན་པ་ལ་སྟོད་པ། མ་བྱིན་པར་ལེན་པ་ལ་སྨོན་པ།
319b6 ཕ་མ་ལ་འཚོ་བ་རྣམས་བཅོད་པ་མཁན་པོ་དང་བླ་མ་དང་། ཐར་པར་ཞུགས་པ་རྣམས་ཀྱི་གཙུག་ལག་ཁང་དང་། གནས་ཁང་དང་། མཆོད་ཅིང་སྤྱོད་པ། ཀུན་གཅོད་པ། གཞན་ཐོབ་ཏུ་མི་དགའ་བ། གཞན་གྱིས་མ་ཐོབ་ན་དགའ
319b7 བ། གཞན་གྱིས་ཐོབ་པ་ལ་བགེགས་བྱེད་པ། མུ་གེ་བྱུང་དུ་སྨོད་པ་དང་། བཅུའོ། །ཇི་ལྟར་ལས་ཀྱིས་ཕྱུག་པོར་འགྱུར་ཞེ་ན། ཆོས་བཅུས་ན་ཕྱུག་པོར་འགྱུར་ཏེ། བཅུ་གང་ཞེ་ན། མ་བྱིན་པར་ལེན་པ་སྤོང་བ། མ་བྱིན་པར་ལེན་པ་སྤོང་བར་འཇུག་པ་མ་བྱིན
319b8 པར་ལེན་པ་སྤོང་བ་ལ་དགའ་བ། ཕ་མ་ལ་འཚོ་བ་ལ་སྦྱིན་པ། མཁན་པོ་དང་བླ་མ་ལྷག་མ་དང་གཞན་རྣམས་ལ་གཙུག་ལག་ཁང་དང་། གནས་དང་རིམ་པར་སྤྱོད་དང་། ཆོས་གོས་པ་དང་། མལ་སྟན་དང་། ན་བའི་གསོས་སྨན་དང་། གཡོག་དང་། འཚོ་བ་སྦྱིན་པ་གཞན་གྱིས
iiif viewer powered by OpenSeadragon
