| e-texts navigator |
| Wylie |
316a1 པ་ཨ་མཚུངས་པར་སྤྱོད་པ་རྣམས་ལ་ཉམ་ང་བ་མེད་པར་བྱས་པར་འགྱུར་བ་དང་དམའ་བའི་སེམས་ཉེ་བར་གཞག་པར་འགྱུར་བ་དང་བསོད་སྙོམས་ཀྱིས་ཡོངས་སུ་དུལ་བའི་དགེ་སྦྱོང་གི་ཕྱོགས་ལ་མུན་པ་མེད་པར་སྣང
316a2 བའོ། །འཇིགས་པ་མེད་པའི་ཕན་ཡོན་བཅུ་ཡོད་དེ། བཅུ་གང་ཞེ་ན། འཇིགས་པ་མེད་པར་གྲོང་དུ་འཇུག་པ་དང་འཇིགས་པ་མེད་པར་གྲོང་ནས་འབྱུང་བ་དང་འཇིགས་པ་མེད་པར་ཁྱིམ་རྣམས་སུ་འགྲོ་བ་དང་འཇིགས་པ་མེད
316a3 པ་ཨར་འཁོར་རྣམས་ལ་ཆོས་སྟོན་པ་དང་འཇིགས་པ་མེད་པར་དགེ་འདུན་གྱི་ནང་དུ་འཇུག་པ་དང་འཇིགས་པ་མེད་པར་སློབ་དཔོན་དང་མཁན་པོའི་དྲུང་དུ་འགྲོ་བ་དང་འཇིགས་པ་མེད་པར་བྱམས་པའི་སེམས་ཀྱིས་སློབ་མའི་གན
316a4 དུ་འགྲོ་བ་དང་འཇིགས་པ་མེད་པར་གོས་དང་ཟས་དང་མལ་ཆ་དང་ན་བའི་གསོས་སྨན་དང་ཡོ་བྱད་རྣམས་ཡོངས་སུ་སྤྱོད་པ་དང་འཇིགས་པ་མེད་པར་ཁ་ཏོན་འདོན་པ་དང་། འཇིགས་པ་མེད་པར་ཚེ་འཕོ་བའི་དུས་བྱེད་པའོ། །བྲམ
316a5 ཟེའི་ཁྱེའུ་དེ་ལྟར་ན། སེམས་ཅན་རྣམས་ནི་བདག་གི་ལས་ལས་གྱུར་པ་ལས་ཀྱི་རྒྱུ་ལས་སྐྱེས་པ་ལས་ཀྱི་སྐལ་བ་ལ་སྤྱོད་པ་ལས་ལ་རྟེན་པ་ཡིན་ཏེ་སེམས་ཅན་རྣམས་ནི་ལས་ཀྱིས་རབ་དང་འབྲིང་དང་ཐ་མར་རྣམ་པར་ཕྱེ་བའོ་ཞེས
316a6 ངས་གང་སྨྲས་པ་དེ་ནི་འདི་ལས་དགོངས་ཏེ་སྨྲས་སོ། །ཆོས་ཀྱི་རྣམ་གྲངས་འདི་བཤད་པ་ན་བྲམ་ཟེའི་ཁྱེའུ་ཤུ་ཀ་བཅོམ་ལྡན་འདས་ལ་སེམས་མངོན་པར་དད་དོ། །དེ་ནས་བྲམ་ཟེའི་ཁྱེའུས། བཅོམ་ལྡན་འདས་ལ་འདི་སྐད་ཅེས
316a7 གསོལ་ཏོ། །གཽ་ཏ་མ་ཁྱོད་མཉན་དུ་ཡོད་པར། དགེ་བསྙེན་གཞན་དག་གི་ཁྱིམ་དུ་གཤེགས་པར་དགོངས་ན། བདག་གི་ཕ་བྲམ་ཟེ་ཏོའུ་ད་ཡའི་ཁྱིམ་དུ་ཡང་གཤེགས་པར་དགོངས་སུ་གསོལ། དེ་ནི་བྲམ་ཟེ་ཏོའུ་དེ་ཡའི་ཁྱིམ་དུ
316a8 ཡུན་རིང་པོའི་དོན་དུ་བདེ་བ་དང་ཕན་པར་འགྱུར་རོ། །བཅོམ་ལྡན་འདས་ཅང་མི་གསུང་བས་བྲམ་ཟེའི་ཁྱེའུ་ཤུ་ཀ་ལ་གནང་བ་མཛད་དོ། །དེ་ནས་བྲམ་ཟེའི་ཁྱེའུ་ཤུ་ཀས། བཅོམ་ལྡན་འདས་ཅང་མི་གསུང་བས་གནང་བར་རིག
iiif viewer powered by OpenSeadragon
