| e-texts navigator |
| Wylie |
315b1 པ་ཨའི་བཞིན་དུ་འགྱུར་བ་དང་ཡོན་ཏན་དང་ལྡན་པར་འགྱུར་བ་དང་སེམས་ཀྱི་རྒྱུད་མཉེན་པར་འགྱུར་བ་དང་སྐོམ་པར་མི་འགྱུར་བ་དང་སྐོམ་ན་ཡང་ཆུ་འབྱུང་བར་འགྱུར་བ་དང་ཡི་དགས་སུ་སྐྱེ་བར་མི་འགྱུར་བ་དང་ལོངས་སྤྱོད་ཆེ་བར་འགྱུར
315b2 བ་དང་མཐོ་རིས་སུ་སྐྱེ་བར་འགྱུར་བ་དང་མྱུར་དུ་ཡོངས་སུ་མྱ་ངན་ལས་འདའ་བ་སྟེ། བཅུ་པོ་དེ་དག་ནི་བཏུང་བ་བྱིན་པའི་ཕན་ཡོན་ནོ། །རབ་ཏུ་བྱུང་བའི་ཕན་ཡོན་བཅུ་ཡོད་དེ། བཅུ་གང་ཞེ་ན། དེ་བུ་དང་ཆུང་མ་དང་ནོར་ལ་སྲེད་པར་མི
315b3 འ་གྱུར་བ་དང་དེ་འདོད་པའི་ཡོངས་སུ་འཛིན་པར་མི་འགྱུར་བ་དང་དགོན་པར་གནས་པ་ལ་དགའ་བ་དང་སངས་རྒྱས་ལ་གུས་པར་འགྱུར་བ་དང་བདུད་ཀྱི་སྤྱོད་ཡུལ་རྣམ་པར་སྤོང་བ་དང་བདེ་འགྲོ་ཐོབ་པར་བྱེད་པའི་ཆོས་རྣམས་ཡོངས་སུ
315b4 ཏ་ཤོལ་བ་དང་ངན་འགྲོ་འཐོབ་པར་བྱེད་པའི་ཆོས་རྣམས་སྤོང་བ་དང་ལྷ་དང་མིར་སྨོན་པ་མེད་པ་དང་རྟག་ཏུ་དེ་བཞིན་གཤེགས་པའི་གསུང་རབ་ལ་རབ་ཏུ་འབྱུང་བར་འགྱུར་བ་དང་མཐོ་རིས་སུ་སྐྱེ་བར་འགྱུར་བ་དང་མྱུར་དུ་ཡོངས་སུ་མྱ
315b5 ངན་ལས་འདའ་བ་སྟེ་ཆོས་བཅུ་པོ་དེ་དག་ནི་རབ་ཏུ་བྱུང་བའི་ཕན་ཡོན་ནོ། །དགོན་པ་ལ་གནས་པའི་ཕན་ཡོན་བཅུ་ཡོད་དེ། བཅུ་གང་ཞེ་ན། འདུ་འཛི་རྣམ་པར་སྤོང་བ་དང་རབ་ཏུ་དབེན་པ་ལ་སྟེན་པ་དང་དེའི་སེམས་བསམ་གཏན་ལ
315b6 ད་མིགས་པར་འགྱུར་བ་དང་སངས་རྒྱས་བཅོམ་ལྡན་འདས་རྣམས་ལ་སྨོན་པ་དང་དགའ་བ་དང་བདེ་བ་དང་ཡིད་བདེ་བ་ལུས་ལ་སྐྱེད་པ་དང་དེ་ལ་བར་དུ་གཅོད་པར་མི་འགྱུར་བ་དང་ཇི་ལྟར་ཐོས་པའི་ཆོས་རྣམས་ཀྱི་དོན་ཆེར་ཤེས་པར་འགྱུར་བ
315b7 དང་ཞི་གནས་འཐོབ་པ་དང་ལྷག་མཐོང་ཐོབ་པ་སྟེ་བཅུ་པོ་དེ་དག་ནི་དགོན་པ་ལ་གནས་པའི་ཕན་ཡོན་ནོ། །བསོད་སྙོམས་ལེན་པའི་ཕན་ཡོན་བཅུ་ཡོད་དེ། བཅུ་གང་ཞེ་ན། དེ་འགྲོ་བ་ལ་གོམས་པར་འགྱུར་བ་དང་དེ་སྤྱོད་ཡུལ་ལ་གོམས
315b8 པར་འགྱུར་བ་དང་ང་རྒྱལ་བཅག་པར་འགྱུར་བ་དང་བདག་རྙེད་པ་ལ་སྦྱོར་བ་དང་གཞན་དག་ཀྱང་བསོད་ནམས་ལ་རབ་ཏུ་འགོད་པ་དང་། སྟོན་པའི་བསྟན་པ་ཡོངས་སུ་སྟོན་པ་དང་ཕྱི་མའི་སྐྱེ་བོ་ལ་སྣང་བར་བྱས་པར་འགྱུར་བ་དང་ཚངས
iiif viewer powered by OpenSeadragon
