| e-texts navigator |
| Wylie |
311b1 ལ་ཨ་གུས་པར་མི་འགྱུར་བ་དང་ཆོས་ལ་གུས་པར་མི་འགྱུར་བ་དང་དགེ་འདུན་ལ་གུས་པར་མི་འགྱུར་བ་དང་སྡིག་པའི་གྲོགས་པོས་ཡོངས་སུ་ཟིན་པར་འགྱུར་བ་དང་དགེ་བའི་བཤེས་གཉེན་གྱིས་རྣམ་པར་སྤངས་པ་དང་ངོ་ཚ་མེད་པར་འགྱུར
311b2 བ་དང་། འཛེམ་པ་མེད་པར་འགྱུར་བ་དང་། དབང་པོའི་སྒོ་མ་བསྡམས་པར་འགྱུར་བ་དང་བུད་མེད་རྣམས་ལ་ཤིན་དུ་བག་མེད་པར་འགྱུར་བ་དང་སྐྱེ་བོ་མང་པོའི་ཡིད་དུ་མི་འོང་བར་འགྱུར་བ་དང་སྐྱེ་བོ་མང་པོ་དང་མི་མཐུན་པ་དང་ཉེ་དུ་དང་སྣག
311b3 ག་ཨི་གཉེན་མཚམས་བཙུན་པ་རྣམས་ཀྱིས་སྨད་པར་འགྱུར་བ་དང་དམ་པའི་ཆོས་མ་ཡིན་པ་ཡོངས་སུ་འཛིན་པ་དང་དམ་པའི་ཆོས་ཡོངས་སུ་སྤོང་བ་དང་མཁས་པ་རྣམས་དེ་ལ་ཡིད་མི་འཇོག་པར་སེམས་པ་དང་བག་བྱ་བ་ལ་གཡེལ
311b4 བ་དང་དེ་མྱ་ངན་ལས་འདས་པ་ལས་རིང་དུ་འགྱུར་བ་དང་མྱོས་པར་འགྱུར་བའི་ལས་བྱེད་ཅིང་སོག་པ་དང་ལུས་ཞིག་ནས་ཚེ་འཕོས་པའི་འོག་ཏུ་ངན་སོང་ངན་འགྲོ་སེམས་ཅན་དམྱལ་བ་རྣམས་སུ་སྐྱེ་བའོ། །དེ་བཞིན་གཤེགས་པའི་མཆོད
311b5 རྟེན་ལ་ཐལ་མོ་སྦྱོར་བའི་ཕན་ཡོན་ནི་བཅུ་ཡོད་དེ། བཅུ་གང་ཞེ་ན། རྒྱ་ཆེན་པོའི་ཁྱིམ་དུ་སྐྱེ་བ་འཐོབ་པ་དང་རྒྱ་ཆེ་བའི་གཟུགས་དང་རྒྱ་ཆེ་བའི་གཡོག་འཁོར་དང་རྒྱ་ཆེ་བའི་མཆོད་པ་དང་བཀུར་སྟི་དང་ནོར་རྒྱ་ཆེ་བ་དང་ཐོས་པ་རྒྱ་ཆེ་བ་དང་དད་པ
311b6 རྒྱ་ཆེ་བ་དང་དྲི་བ་རྒྱ་ཆེ་བ་དང་ཤེས་རབ་རྒྱ་ཆེ་བ་རྟོགས་པ་རྒྱ་ཆེ་བ་འཐོབ་པ་སྟེ། བཅུ་པོ་དེ་དག་ནི་དེ་བཞིན་གཤེགས་པའི་མཆོད་རྟེན་ལ་ཐལ་མོ་སྦྱར་བའི་ཕན་ཡོན་ནོ། །དེ་བཞིན་གཤེགས་པའི་མཆོད་རྟེན་ལ་ཕྱག་འཚལ་བའི་ཕན་ཡོན་བཅུ
311b7 ཡོད་དེ། བཅུ་གང་ཞེ་ན། གཟུགས་བཟང་ཞིང་མདོག་གསེར་གྱི་ཁ་དོག་ལྟ་བུར་འགྱུར་བ་དང་མཛེས་ཤིང་མིག་ཏུ་སྡུག་པར་འགྱུར་བ་དང་སྐད་སྙན་ཅིང་གཟུང་བའི་ཚིག་ཏུ་འགྱུར་བ་དང་བག་ཚ་བ་མེད་པར་འཁོར་གྱི་ནང་དུ་འགྲོ་བ་དང་ལྷ་དང་མི
311b8 རྣམས་དགའ་བར་འགྱུར་བ་དང་གཟི་བྱིན་ཆེན་པོར་འགྱུར་བ་དང་གཟི་བྱིན་ཆེན་པོའི་གང་ཟག་འདི་ལྟ་སྟེ། སངས་རྒྱས་བཅོམ་ལྡན་འདས་རྣམས་དང་བྱང་ཆུབ་སེམས་དཔའ་རྣམས་དང་སངས་རྒྱས་ཀྱི་ཉན་ཐོས་རྣམས་དང་འགྲོགས
iiif viewer powered by OpenSeadragon
