| e-texts navigator |
| Wylie |
301a1 དེའི་མས་སྨྲས་པ། བུ་ནོར་ལྟ་ཞིག་ཁྱིམ་ན་དཔག་ཏུ་མེད་པ་ཡོད་ཀྱིས་མ་འགྲོ་ཤིག་ཅེས་སྨྲས་པ་དང་། དེས་མའི་ངག་མཉན་ཏེ། མི་འགྲོ་བར་བྱས་ནས་དེའི་འོག་ཏུ་བཟའ་ཤིང་གི་ར་བར་ཕྱིན་པ་དང་། གྲོགས་པོ་རྣམས
301a2 ཀྱིས་དོན་དེ་ཉིད་ལ་ད་དུང་ཡང་གསོལ་བ་འདེབས་སོ་ཞེས་སྨྲས་པ་དང་། དེས་དེ་ལྟར་བྱའོ་ཞེས་ནས་དེ་དག་གི་ངག་མཉན་ཏེ། ཡང་སོང་ནས་མ་ལ་དྲིས་པ་དང་མས་རྐང་པ་ནས་བཟུང་སྟེ་འདུག་པར་གྱུར་ནས། དེ་ལྟར་ལན་གསུམ
301a3 བྱས་པའི་འོག་ཏུ་བཟའ་ཤིང་གི་ར་བ་དེར་ཕྱིན་པ་དང་། གྲོགས་པོ་རྣམས་ཀྱིས་ངེས་པར་མི་འདོང་དུ་མི་རུང་ངོ་ཞེས་བསྒོ་ནས། དེས་ཡང་མ་ལ་ཡུལ་གཞན་དུ་འགྲོའོ་ཞེས་ཞུས་པ་དང་། མས་བདོག་པ་ཐམས་ཅད་བསོགས་ནས
301a4 རྐང་པ་ཡན་ཅན་ནས་བཟུང་སྟེ་མི་འགྲོ་བར་བྱས་པ་ལས། དུས་གཞན་ཞིག་ན་ཁྱེའུ་དེ་བཟའ་ཤིང་གི་ར་བ་དེར་ཕྱིན་པ་དང་གྲོགས་པོ་དག་གིས་སྨྲས་པ། ཁྱོད་ཀྱིས་ཉེས་པས་བདག་ཅག་ཀྱང་ད་དུང་མ་དོང་སྟེ་ད་ནི་ཚེས་བཅུ
301a5 གསུམ་ལ་འདོང་ངོ་ཞེས་སྨྲས་པ་དང་། དེས་མ་ལ་མ་བྱས་པར་རྒྱ་རྫས་ཐམས་ཅད་ཕྱིར་བཏོན་ནས་དེ་ལམ་དུ་འཇུག་པར་བྱས་པ་དང་། དེའི་མས་སྒོ་ཁར་བསྡད་དེ་རྐང་པ་ནས་བཟུང་བ་དང་བུ་མ་འགྲོ་ཤིག་ཅེས་བྱས་པ་དང་།
301a6 དེ་ཁྲོས་ནས་མའི་མགོ་ལ་འགོམས་ཏེ་སོང་ནས་རྒྱ་མཚོའི་ངོགས་སུ་ཕྱིན་པ་དང་དེས་གྲོགས་པོ་རྣམས་ལ་བསྒོ་བ། རྒྱ་མཚོར་འཇུག་པར་ནི་བྱ་ན་འཚོ་འམ་མི་འཚོར་ཡང་གཏོལ་མེད་ཀྱིས། བདག་ཅག་ཀུན་ཀྱིས་ཁྲིམས་བརྒྱད
301a7 མནོད་པར་བྱའོ་ཞེས་སྨྲས་ནས། དེ་དག་གིས་ཀྱང་དེའི་ངག་མཉན་ཏེ་ཁྲིམས་མནོས་སོ། །དེ་ལྟར་དེ་དག་རྒྱ་མཚོར་ཞུགས་ཏེ་དོང་དོང་བ་ལས་དབུས་སུ་ཕྱིན་པ་དང་རླུང་ཆེན་པོ་ལངས་ནས་གྲུ་བུབ་སྟེ། གཞན་ཐམས་ཅད་ནི་ཚེ
301a8 འཕོས། བྱམས་པ་མཆོད་སྦྱིན་ནི་ཟངས་ཀྱི་རལ་ཆེན་ཁ་སྐྱ་འདར་ཀྱིས་བཅད་པ་ཞིག་ལ། འཇུ་འཇུ་ནས་རྒྱ་མཚོ་འཐར་ཕྱིན་ཏེ་འཕྱན་ཅིང་སོང་སོང་ན། གྲོང་ཁྱེར་གསེར་གྱི་ར་བ་ཅན་བཟའ་ཤིང་གི་ར་བ་དང་ལྡན་པ་རྫིང་བུ
iiif viewer powered by OpenSeadragon
